1 Corintios 10:8 - Li Santil hu

⁸ Ut naxcꞌut ajcuiꞌ chiku nak incꞌaꞌ us li coꞌbe̱tac yumbe̱tac joꞌ queꞌxba̱nu eb aꞌan ut chiru jun cutan quilajeꞌcam oxib xcaꞌcꞌa̱l mil (23,000) chi tenamit xban li ma̱usilal queꞌxba̱nu.

Q'eqchi Bible

⁸ Mooko'b'eetak jo' ke'xb'aanu eb' a'an, ut ke'kamk oxib' xka'k'aal mil chiru jun kutan.

1 Corintios 10:8 ပူးပေါင်းရင်းမြစ်များ

1 Corintios 6:18

Me̱ba̱nu chic li ma̱usilal. Chixjunil li cꞌaꞌak re ru chi ma̱quil kꞌaxal yibru. Abanan li coꞌbe̱tac yumbe̱tac kꞌaxal cuiꞌchic yibru xban nak li ani nama̱cob chi toj ma̱jiꞌ sumsu, li jun aꞌan naxmux rib xjunes rib.

Salmos 106:29

Xban li ma̱usilal li queꞌxba̱nu queꞌxchikꞌ xjoskꞌil li Dios. Ut li Dios quixqꞌue jun yajel saꞌ xbe̱neb ut nabaleb queꞌcam.

1 Corintios 6:9

¿Ma incꞌaꞌ nequenau nak eb li incꞌaꞌ ti̱queb xchꞌo̱l incꞌaꞌ teꞌre̱chani lix nimajcual cuanquilal li Dios? Me̱balakꞌi e̱rib. Eb laj coꞌbe̱t ut eb laj yumbe̱t incꞌaꞌ teꞌre̱chani lix nimajcual cuanquilal li Dios, chi moco li nequeꞌlokꞌonin re li jalanil dios, chi moco eb laj muxul caxa̱r. Ut eb li cui̱nk li nequeꞌma̱cob riqꞌuineb li rech cui̱nkilal incꞌaꞌ ajcuiꞌ teꞌre̱chani lix nimajcual cuanquilal li Dios. Joꞌcan nak me̱balakꞌi e̱rib chi xcꞌoxlanquil nak us yo̱quex cui toj yo̱quex chixba̱nunquil li ma̱usilal aꞌin.

Apocalipsis 2:14

Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

San Mateo 5:32

Abanan la̱in ninye e̱re lix ya̱lal aꞌan. Li ani naxjach rib riqꞌuin li rixakil chi incꞌaꞌ xmux ru xsumlajic li ixakilbej, aꞌ li be̱lomej cuan xma̱c nak li ixk aꞌan tixmux ru xsumlajic. Ut li ani ta̱cꞌamok re li ixk, li ac xcanaba̱c xban xbe̱lom, li cui̱nk aꞌan naxmux ru li sumsu.