1 Corintios 10:4 - Li Santil hu

⁴ Chixjunileb queꞌrucꞌ li haꞌ li quiqꞌueheꞌ reheb xban li Dios. Li haꞌ aꞌan qui-el chak saꞌ li sako̱nac. Ut li sako̱nac aꞌan, aꞌan retalil li Cristo li qui-ochbenin reheb nak yo̱queb chi numecꞌ saꞌ li chaki chꞌochꞌ.

Q'eqchi Bible

⁴ Chixjunileb' ajwi' ke'uk'ak rik'in jun chi musiq'ejil uk'a', xb'aan naq neke'uk'ak rik'in li musiq'ejil saqoonak li yo chi taaqenk reheb'; ut li saqoonak, a'an li Kriist.

1 Corintios 10:4 ပူးပေါင်းရင်းမြစ်များ

Éxodo 17:6

Aran toxina̱tau saꞌ li nimla pec li cuan saꞌ li naꞌajej Horeb. Ta̱sacꞌ li pec ut ta̱e̱lk chak li haꞌ saꞌ li pec re nak naru teꞌucꞌak, chan li Dios. Ut eb li cui̱nk yo̱queb chi rilbal nak laj Moisés quixba̱nu joꞌ quitakla̱c cuiꞌ xban li Dios.

San Juan 7:37

Li rosoꞌjic li ninkꞌe, aꞌan li cutan li kꞌaxal lokꞌ chiruheb. Saꞌ li ho̱nal aꞌan, li Jesús quixakli chiruheb ut quixye chi cau xya̱b xcux: —Li ani ta̱chakik re, cha̱lk cuiqꞌuin. La̱in tinqꞌue rucꞌa.

Isaías 48:21

Incꞌaꞌ queꞌxcuy xchaki el nak li Ka̱cuaꞌ quixqꞌueheb chi numecꞌ saꞌ li chaki chꞌochꞌ. Li Ka̱cuaꞌ quixqꞌue chi e̱lc li haꞌ saꞌ li pec. Quixjor li pec ut aran qui-el chi nabal li haꞌ re xeꞌrucꞌ.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

Salmos 105:41

Li Dios quixjor li sako̱nac ut qui-el chak li haꞌ re teꞌrucꞌ. Ut li haꞌ quibe̱c rok saꞌ li chaki chꞌochꞌ joꞌ jun nimaꞌ.

Salmos 78:20

Ya̱l nak xjor li sako̱nac ut x-el chak nabal li haꞌ. Chanchan jun nimaꞌ nak qui-el chak li haꞌ. Abanan, ¿ma ta̱ru̱k ta biꞌ tixqꞌue li kacua? ¿Ma ta̱ru̱k ta biꞌ tixqꞌue katib re totzaca̱nk? chanqueb li tenamit.

Salmos 78:15

Nak yo̱queb chi numecꞌ saꞌ li chaki chꞌochꞌ, ma̱ bar nequeꞌxtau rucꞌaheb. Abanan li Dios quixjor li sako̱nac, ut aran qui-el nabal li haꞌ re teꞌucꞌak.

Números 20:11

Quixtaksi li xukꞌ ut quixsacꞌ li pec caꞌ sut ut nabal li haꞌ qui-el saꞌ li sako̱nac. Chixjunileb li tenamit queꞌucꞌac joꞌqueb ajcuiꞌ li queto̱mk.

San Juan 4:10

Li Jesús quixye re: —Cui ta nacanau cꞌaꞌru li ma̱tan li naxqꞌue li Dios, ut cui ta nacanau anihin la̱in li yo̱quin chixtzꞌa̱manquil cuucꞌa a̱cue, la̱at ta̱tzꞌa̱ma raj a̱cuucꞌa cuiqꞌuin ut tinqꞌue raj a̱cue li haꞌ li naqꞌuehoc junelic yuꞌam, chan li Jesús.

Isaías 43:20

Eb li joskꞌ aj xul teꞌxqꞌue inlokꞌal joꞌ eb laj xoj ut eb li ni̱nki xul avestruces xban nak la̱in tinqꞌue li haꞌ saꞌ li chaki chꞌochꞌ. Tinqꞌue li rok haꞌ saꞌ li chꞌochꞌ li ma̱cꞌaꞌ na-el chiru. Ta̱cua̱nk rucꞌaheb li tenamit li sicꞌbil ruheb inban.

Colosenses 2:17

Chixjunil li cꞌaꞌru queꞌxba̱nu, aꞌan yal retalil li cꞌaꞌru ta̱cꞌulma̱nk. Abanan, nak quicꞌulun li Cristo, quitzꞌakloc ru li cꞌaꞌru queꞌxba̱nu eb aꞌan.

Apocalipsis 22:17

Li Santil Musikꞌej ut li ixakilbej nequeꞌxye: —Cha̱lkex.— Li ani ta̱abi̱nk re li a̱tin aꞌin, chixyehak ajcuiꞌ —cha̱lkex.— Li ani ta̱raj rucꞌbal li haꞌ, li retalil li junelic yuꞌam, chicha̱lk chi ucꞌac chi ma̱tan.

Hebreos 10:1

Li chakꞌrab li quiqꞌueheꞌ re laj Moisés yal retalil li usilal talajeꞌcha̱lk mokon. Saꞌ li chakꞌrab aꞌan naxye nak teꞌmayejak rajlal chihab aban moco riqꞌuin ta li mayejac quiti̱cobresi̱c lix yuꞌameb.

Deuteronomio 9:21

Ut la̱in quinchap li cuacax oro li queyi̱b nak quexma̱cob chiru li Dios ut quincꞌat saꞌ xam. Chirix aꞌan quinjori ut quinqueꞌi ut lix poksil quincut saꞌ li nimaꞌ li yo̱ chi xic saꞌ li ru takꞌa.

Gálatas 4:25

Lix Agar, aꞌan retalil li tzu̱l Sinaí li cuan Arabia. Aꞌan ajcuiꞌ retalil li tenamit Jerusalén. Ut eb laj Jerusalén chanchaneb li lokꞌbil mo̱s nak cuanqueb, xban nak toj cuanqueb rubel xcuanquil li najter chakꞌrab.

Daniel 2:38

Ut quixqꞌue la̱ cuanquil saꞌ xbe̱neb chixjunileb li cuanqueb saꞌ ruchichꞌochꞌ, joꞌqueb ajcuiꞌ li xul saꞌ ruchichꞌochꞌ ut li xul li nequeꞌrupupic chiru choxa. Quixkꞌaxtesi chixjunil saꞌ a̱cuukꞌ la̱at ut quixqꞌue a̱cuanquil saꞌ xbe̱n chixjunil. Lix jolom oro li jalam u̱ch li xacuil, aꞌan la̱at.

Génesis 41:26

Li cuukub chi ni̱nki cuacax aꞌan retalil li cuukub chihab li ta̱cha̱lk. Joꞌcan ajcuiꞌ li cuukub chi̱j chi trigo. Li cuib la̱ matcꞌ juntakꞌe̱t lix ya̱lal.

Génesis 40:12

Ut laj José quixye re: —Aꞌan aꞌin xya̱lal la̱ matcꞌ. Li oxib li rukꞌ li uvas li xacuil, aꞌan retalil oxib cutan.

Daniel 7:17

Quixye cue: —Li ca̱hib chi xul li xacuil, aꞌaneb retalil li ca̱hib chi rey li teꞌcua̱nk xcuanquil saꞌ xbe̱n li ruchichꞌochꞌ.