1 Corintios 10:22 - Li Santil hu

²² Incꞌaꞌ us cui takaqꞌue xjoskꞌil li Ka̱cuaꞌ riqꞌuin xlokꞌoninquil li yi̱banbil dios. ¿Ma la̱o ta biꞌ nim kacuanquil chiru li Ka̱cuaꞌ? Ma̱ jokꞌe xban nak la̱o ma̱cꞌaꞌ kacuanquil.

Q'eqchi Bible

²² Malaj tqaj xyoob'ankil xsowenal li Qaawa'? Ma q'axal kawo tab'i' laa'o chiru li Yos?

1 Corintios 10:22 ပူးပေါင်းရင်းမြစ်များ

Deuteronomio 32:21

Queꞌxchikꞌ injoskꞌil riqꞌuin xlokꞌoninquil jalanil dios. Queꞌxqꞌue injoskꞌil riqꞌuin xlokꞌoninquil li ma̱cuaꞌ Dios. Joꞌcan ajcuiꞌ tinba̱nu reheb. La̱in tinchikꞌ xjoskꞌileb riqꞌuin jalan tenamit. Tinqꞌueheb xjoskꞌileb xban jun tenamit incꞌaꞌ nequeꞌraj xtaubal xya̱lal.

Deuteronomio 32:16

Queꞌxchikꞌ xjoskꞌil li Ka̱cuaꞌ nak queꞌxlokꞌoni li jalanil dios. Quinumta xjoskꞌil xban li ma̱usilal queꞌxba̱nu.

Hebreos 10:31

Kꞌaxal xucuajel nak ta̱rakok a̱tin li yoꞌyo̱quil Dios saꞌ xbe̱neb li nequeꞌtzꞌekta̱nan re.

Ezequiel 22:14

¿Ma toj cauhak ta biꞌ e̱chꞌo̱l ut ma toj cauhak ta biꞌ e̱rib saꞌ li cutan nak la̱in texinqꞌue chixtojbal rix le̱ ma̱c? La̱in li Ka̱cuaꞌ Dios xinyehoc re nak texinqꞌue chixtojbal rix le̱ ma̱c ut la̱in tinba̱nu li cꞌaꞌru xinye.

Eclesiastés 6:10

Li cꞌaꞌru nacꞌulman anakcuan ac chꞌolchꞌo nak joꞌcan ta̱cꞌulma̱nk. Joꞌcan nak incꞌaꞌ naru xcuechꞌinquil rix li cꞌaꞌru naxba̱nu li Dios.

Sofonías 1:18

Chi moco lix plata chi moco lix oro ta̱ru̱k ta̱colok reheb chiru lix joskꞌil li Dios saꞌ li cutan aꞌan. Lix joskꞌil li Dios chanchan li xam nak tixsach chixjunil li ruchichꞌochꞌ. Chixjunileb li cuanqueb saꞌ ruchichꞌochꞌ teꞌosokꞌ chiru junpa̱t.

Isaías 45:9

Raylal ta̱cha̱lk saꞌ xbe̱n li ani naxcuechꞌ rix li ani quiyi̱ban re. Junak cuc incꞌaꞌ naru naxye re laj pacꞌonel, “¿Cꞌaꞌut nak xina̱yi̱b chi joꞌcaꞌin?” Chi moco naru tixye li seb re laj pacꞌonel, “¿Cꞌaꞌru yo̱cat? La̱at incꞌaꞌ nacanau trabajic.”

Salmos 78:58

Queꞌxqꞌue xjoskꞌil li Dios xban nak queꞌxyi̱b li artal li nequeꞌxlokꞌoni cuiꞌ li yi̱banbil dios. Xban nak queꞌxlokꞌoni li yi̱banbil dios, cꞌajoꞌ nak quirahoꞌ xchꞌo̱l li Ka̱cuaꞌ.

Li xHu LAJ JOB 9:4

Li Dios cuan xnaꞌleb ut nim xcuanquil. Cau rib. Ma̱ ani ta̱ru̱k ta̱numta̱k chiru.

Josué 24:19

Ut laj Josué quixye reheb: —La̱ex incꞌaꞌ texru̱k chi cꞌanjelac chiru li Ka̱cuaꞌ xban nak aꞌan jun Dios Santo. Aꞌan incꞌaꞌ tixcuy e̱ma̱c cui yo̱kex chixlokꞌoninquil li yi̱banbil dios. Aꞌan incꞌaꞌ tixcuy e̱ma̱c riqꞌuin le̱ kꞌetkꞌetil chi moco tixcuy e̱ma̱c riqꞌuin le̱ ma̱usilal.

Deuteronomio 6:15

Xban nak li Ka̱cuaꞌ le̱ Dios li cuan e̱riqꞌuin najoskꞌoꞌ nak te̱lokꞌoni li jalanil dios. Naru najoskꞌoꞌ saꞌ e̱be̱n ut ma̱re tixsach e̱ru chi junaj cua.

Deuteronomio 4:24

xban nak li Ka̱cuaꞌ le̱ Dios najoskꞌoꞌ nak nequelokꞌoni li jalanil dios. Chanchan jun li xam li naxsach chixjunil li incꞌaꞌ us.

Éxodo 34:14

Me̱lokꞌoni jalanil dios xban nak la̱in li Ka̱cuaꞌ Dios ut incꞌaꞌ nacuulac chicuu nak jalan te̱qꞌue xlokꞌal.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

1 Reyes 14:22

Eb li cuanqueb Judá queꞌma̱cob chiru li Ka̱cuaꞌ. Kꞌaxal cuiꞌchic yibru li queꞌxba̱nu chiru li queꞌxba̱nu lix xeꞌto̱nil xyucuaꞌeb. Riqꞌuin aꞌin, queꞌxchikꞌ xjoskꞌil li Dios.

Jeremías 7:19

Abanan, ¿ma cue ta biꞌ la̱in yo̱queb chixba̱nunquil li raylal? ¿Ma ma̱cuaꞌ ta biꞌ aꞌaneb li teꞌxsach ribeb riqꞌuin li cꞌaꞌru nequeꞌxba̱nu?

Jeremías 44:8

¿Cꞌaꞌut nak nequechikꞌ injoskꞌil riqꞌuin xlokꞌoninquileb li dios li xeyi̱b ut riqꞌuin xcꞌatbal le̱ pom chiruheb li dios li cuanqueb arin Egipto li bar xexchal cuiꞌ chi cua̱nc? La̱ex te̱sach e̱rib e̱junes ut texhobekꞌ ut xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.