1 Corintios 10:13 - Li Santil hu

¹³ Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

Q'eqchi Bible

¹³ Maji' nachalk sa' eeb'een junaq aaleek q'axal nim chiru li neke'xk'ul chixjunileb'. Li Yos naxb'aanu li xyeechi'i, ut ink'a' texxkanab' chi aaleek jo' ink'a' truuq teekuy. Rik'in li aaleek, li Yos tixk'e ajwi' eere chanru teekuy re naq us tex'elq.

1 Corintios 10:13 ပူးပေါင်းရင်းမြစ်များ

2 Pedro 2:9

Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

2 Timoteo 4:18

Ut li Ka̱cuaꞌ ta̱colok cue chiru li ma̱usilal nequeꞌxcꞌoxla xba̱nunquil cue ut tinixcꞌam saꞌ lix nimajcual cuanquilal aran saꞌ choxa. Aꞌan taxak chilokꞌonima̱nk chi junelic kꞌe cutan. Joꞌcan taxak.

2 Ts 3:3

Aꞌut li Ka̱cuaꞌ Jesucristo, aꞌan ti̱c xchꞌo̱l ut junelic naxba̱nu li cꞌaꞌru naxye. Aꞌan ta̱qꞌuehok xcacuil e̱chꞌo̱l ut aꞌan ajcuiꞌ ta̱colok e̱re chiru laj tza.

Hebreos 12:4

La̱ex toj ma̱jiꞌ nequexcamsi̱c xban nak nequeqꞌue e̱chꞌo̱l chixcolbal e̱rib chiru li ma̱c.

1 Ts 5:24

Li Dios, li quisicꞌoc e̱ru, aꞌan ti̱c xchꞌo̱l chixba̱nunquil li cꞌaꞌru naxye ut aꞌan ta̱santobresi̱nk e̱re.

San Lucas 22:46

Ut li Jesús quixye reheb: —¿Cꞌaꞌut nak yo̱quex chi cua̱rc? Cuaclinkex ut tijonkex re nak incꞌaꞌ te̱qꞌue e̱rib chi a̱le̱c, chan reheb.

Jeremías 29:11

Caꞌaj cuiꞌ la̱in ninnau cꞌaꞌru xincꞌu̱b ru xba̱nunquil chokꞌ e̱re. Xincꞌu̱b ru e̱tenkꞌanquil. Ma̱cuaꞌ raylal tinba̱nu e̱re. Usilal ban tinba̱nu e̱re, joꞌ yo̱quex chiroybeninquil.

Daniel 3:17

Li kaDios li nakalokꞌoni naru toxcol chiru li xam li kꞌaxal tik ut naru ajcuiꞌ nocoxcol saꞌ a̱cuukꞌ la̱at.

Deuteronomio 7:9

Joꞌcan nak chenauhak nak li Ka̱cuaꞌ le̱ Dios, aꞌan li tzꞌakal Dios. Aꞌan cha̱bil ut ti̱c xchꞌo̱l chixba̱nunquil li cꞌaꞌru naxyechiꞌi ut naruxta̱na ruheb li nequeꞌrahoc re li Dios ut nequeꞌxba̱nu li cꞌaꞌru naxye toj saꞌ xnabalil xtasalil li ralal xcꞌajol.

2 Corintios 1:10

Li Dios, aꞌan li quicoloc chak ke chiru li ca̱mc nak corahobtesi̱c. Ut nakanau chi tzꞌakal nak aꞌan ta̱colok ke chi junelic.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

Lamentaciones 3:23

Cuulaj cuulaj nocorosobtesi. Acꞌ chic li kosobtesinquil xban nak kꞌaxal nim li rusilal saꞌ kabe̱n.

Apocalipsis 2:10

Mexxucuac xban li raylal li ta̱cha̱lk saꞌ e̱be̱n. Cuanqueb saꞌ e̱ya̱nk li teꞌqꞌuehekꞌ saꞌ tzꞌalam xbaneb laj cꞌanjel chiru laj tza re xyalbal rix le̱ pa̱ba̱l. Te̱cꞌul raylal, abanan incꞌaꞌ najt te̱cꞌul. Michꞌinan e̱chꞌo̱l. Cauhak ban e̱chꞌo̱l toj chirix le̱ camic ut la̱in tinqꞌue e̱re le̱ kꞌajca̱munquil. Chanchan nak tinqꞌue le̱ corona nak tinqꞌue le̱ yuꞌam chi junelic.

1 Pedro 4:19

La̱ex li yo̱quex chi xcꞌulbal li raylal joꞌ naraj li Dios, cheqꞌuehak taxak e̱chꞌo̱l chixba̱nunquil li cha̱bilal. Chekꞌaxtesihak e̱rib saꞌ rukꞌ li Dios. Aꞌan li quiyoꞌobtesin ke ut ma̱ jokꞌe ta̱paltok chiku.

1 Juan 1:9

Cui nakaxo̱to li kama̱c chiru li Dios, relic chi ya̱l nak aꞌan ti̱c xchꞌo̱l chixcuybal chixsachbal li kama̱c, ut ta̱risi chixjunil li kama̱usilal.

1 Corintios 1:9

Li Dios junelic naxqꞌue li naxyechiꞌi ut aꞌan ajcuiꞌ li quisicꞌoc e̱ru re nak texcua̱nk chi sum a̱tin riqꞌuin li Ralal, aꞌ li Ka̱cuaꞌ Jesucristo.

Hebreos 11:11

Xban lix pa̱ba̱leb, laj Abraham ut lix Sara quicuan jun lix cꞌulaꞌal saꞌ xti̱xilaleb, usta lix Sara aꞌan jun ixk incꞌaꞌ naqꞌuiresin. Aban queꞌxnau nak teꞌxcꞌul li cꞌaꞌru quiyechiꞌi̱c reheb xban li Dios.

Hebreos 10:23

Joꞌcan nak cauhak taxak kachꞌo̱l saꞌ li kapa̱ba̱l xban nak li Dios naxqꞌue li cꞌaꞌru naxyechiꞌi ke.

San Lucas 11:4

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku. Ut moa̱qꞌue chi a̱le̱c. Choa̱col ban chiru li incꞌaꞌ us.—

Salmos 125:3

Moco junelic ta cua̱nkeb xcuanquil li incꞌaꞌ useb xnaꞌleb saꞌ xbe̱n lix naꞌajeb lin tenamit. Ma̱re anchal teꞌchꞌina̱nk xchꞌo̱leb li ti̱queb xchꞌo̱l ut teꞌoc xba̱nunquil li ma̱usilal.

Hebreos 6:18

Joꞌcan utan nak li cuib chi naꞌleb aꞌin incꞌaꞌ naru xjalbal ru. Aꞌaneb aꞌin: xbe̱n, nak li Dios quixyechiꞌi li ma̱tan; ut xcab, nak quixba̱nu li juramento. Riqꞌuin aꞌan nakanau nak li Dios incꞌaꞌ naticꞌtiꞌic. Joꞌcan nak cauhak taxak li kachꞌo̱l. La̱o xkasicꞌ li kacolbal riqꞌuin li Dios ut nakanau nak take̱chani li quixyechiꞌi ke. Aꞌan li nakayoꞌoni.

Salmos 124:7

Xocoleꞌ chiruheb li xicꞌ nequeꞌiloc ke. Chanchan nak naxcol rib li xul chiru li yo̱ chi chapoc re. Quisach xcuanquileb li xicꞌ nequeꞌiloc ke ut xocoleꞌ chiruheb.

Isaías 11:5

Ut aꞌan ta̱takla̱nk saꞌ xbe̱neb lix tenamit riqꞌuin ti̱quilal ut cha̱bilal.

Salmos 89:33

Abanan junelic tinra laj David ut junelic tinba̱nu li cꞌaꞌru xinyechiꞌi re.

Éxodo 3:17

La̱in tinyechiꞌi e̱re nak texcuisi saꞌ li raylal li yo̱quex chixcꞌulbal arin Egipto. Texincꞌam saꞌ li chꞌochꞌ li cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo ut eb laj jebuseo. Aꞌan jun nimla naꞌajej numtajenak xcha̱bilal bar cuan cuiꞌ li sahil echej”, chaꞌkat reheb.

Apocalipsis 19:11

Ut teto li choxa nak quicuil. Quicuil jun li cacua̱y sak rix. Ut lix cꞌabaꞌ li cꞌojcꞌo chirix li cacua̱y, aꞌan “Tzꞌakal Dios” ut “Ti̱c Xchꞌo̱l”, xban nak aꞌan saꞌ ti̱quilal ta̱rakok a̱tin ut saꞌ ti̱quilal ta̱pletik.

Oseas 2:20

La̱in texincꞌam cuiꞌchic cuiqꞌuin saꞌ cha̱bilal. Ut la̱ex te̱nau nak la̱in li Ka̱cuaꞌ.

Isaías 25:1

At Ka̱cuaꞌ, la̱at lin Dios. Tinqꞌue a̱lokꞌal ut tinnima la̱ cꞌabaꞌ. Xban nak ti̱c a̱chꞌo̱l, xaba̱nu li sachba chꞌo̱lej li xacꞌu̱b chak ru xba̱nunquil najter.

San Lucas 16:26

Ut cuan jun nimla chamal jul naramoc re li naꞌajej cuanco cuiꞌ. Ut ma̱ jun ke ta̱ru̱k ta̱numekꞌ re ta̱xic e̱riqꞌuin, chi moco la̱ex ta̱ru̱k texnumekꞌ chak arin,” chan laj Abraham re li biom.

Jeremías 12:5

Ut li Ka̱cuaꞌ quixye: —At Jeremías, cui xatlub chixyalbal a̱kꞌe chi a̱linac riqꞌuineb li cui̱nk, ¿chanru nak ta̱cuy a̱linac riqꞌuineb li cacua̱y? Cui xatich a̱cuok saꞌ li ti̱c ru, ¿chanru nak tatbe̱k saꞌ li qꞌuicheꞌ li cuan chire li nimaꞌ Jordán? Cui xattitzꞌ xban li raylal li yo̱cat chixcꞌulbal, ¿chanru nak ta̱cuy li nimla raylal li ta̱cha̱lk saꞌ a̱be̱n?

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Hechos 27:44

Cuan li queꞌel chiru tzꞌalam cheꞌ ut cuan queꞌxchap cꞌaꞌak re ru re li jucub. Joꞌcaꞌin nak queꞌcoleꞌ chixjunileb ut queꞌel chi chꞌochꞌel.

Salmos 36:5

Abanan la̱at, at Ka̱cuaꞌ, kꞌaxal nim la̱ rahom. Incꞌaꞌ naru xbisbal. Kꞌaxal nim la̱ cuuxta̱n saꞌ xbe̱neb la̱ cualal a̱cꞌajol.

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

1 Samuel 29:10

Joꞌcan nak tatcuacli̱k ekꞌela cuulaj ut tatsukꞌi̱k la̱at a̱cuochbeneb chixjunileb li cui̱nk li xeꞌel riqꞌuin laj Saúl, chan.