1 Corintios 10:11 - Li Santil hu

¹¹ Li cꞌaꞌru queꞌxcꞌul li kaxeꞌto̱nil yucuaꞌ aꞌan tzꞌi̱banbil retalil saꞌ li Santil Hu re nak la̱o takaqꞌue retal ut incꞌaꞌ takaba̱nu joꞌ queꞌxba̱nu eb aꞌan xban nak cuulac re li rosoꞌjic li cutan.

Q'eqchi Bible

¹¹ Chixjunil a'an kichalk sa' xb'eeneb' jo' loq'laj eetalil, ut kitz'iib'aak re xk'eeb'al qana'leb' laa'o li wanko sa' roso'jikeb' li kutan.

1 Corintios 10:11 ပူးပေါင်းရင်းမြစ်များ

Romanos 15:4

Chixjunil li cꞌaꞌak re ru quitzꞌi̱ba̱c chak najter saꞌ li Santil Hu, re katzolbal nak quitzꞌi̱ba̱c chak. Nocoxtenkꞌa re nak incꞌaꞌ ta̱chꞌina̱nk li kachꞌo̱l ut naxcꞌojob li kachꞌo̱l re nak takacuy roybeninquil nak ta̱tzꞌaklok ru li kacolbal.

Romanos 13:11

Chikaba̱nu chixjunil aꞌin xban nak nakanau nak yo̱ chak chi nachꞌoc xkꞌehil nak ta̱tzꞌaklok ru li kacolbal nak tol-e̱lk cuiꞌchic li Jesucristo. Yoꞌon taxak cua̱nko xban nak yo̱ chak chi nachꞌoc lix cꞌulunic chiru nak copa̱ban chak la̱o.

1 Juan 2:18

Ex inherma̱n, yo̱ chak chi nachꞌoc rosoꞌjiqueb li cutan. Ac xerabi resil nak ta̱cha̱lk jun li xicꞌ na-iloc re li Cristo. Aꞌan li anticristo nayeman re. Ut anakcuan ac cuanqueb nabal li xicꞌ nequeꞌiloc re li Cristo. Joꞌcan nak nakanau nak yo̱ chi cuulac xkꞌehil rosoꞌjiqueb li cutan.

1 Corintios 9:10

¿Ma ma̱cuaꞌ ta biꞌ chikix la̱o aj cꞌanjel chiru li Dios yo̱ chi a̱tinac? ¿Ma incꞌaꞌ ta biꞌ ta̱ru̱k takacꞌul katojbal la̱o aj cꞌanjel chiru li Dios? Li ani na-au naroybeni ru li racui̱mk ut joꞌcan ajcuiꞌ laj kꞌolonel naroybeni ajcuiꞌ nak ta̱tzꞌak ru li acui̱mk.

Filipenses 4:5

Junelic chexcua̱nk saꞌ tu̱lanil re nak chixjunileb teꞌxqꞌue retal le̱ cha̱bilal. Ut chijulticokꞌ ajcuiꞌ e̱re nak chi se̱b ta̱cha̱lk li Ka̱cuaꞌ.

Romanos 4:23

Ut moco caꞌaj cuiꞌ ta saꞌ xcꞌabaꞌ laj Abraham nak quitzꞌi̱ba̱c retalil nak ti̱c xchꞌo̱l xban lix pa̱ba̱l.

Hebreos 10:25

Cuanqueb li incꞌaꞌ nequeꞌxic saꞌ li chꞌutubaj ib. Abanan incꞌaꞌ takaba̱nu joꞌ nequeꞌxba̱nu eb aꞌan. Junelic ban takachꞌutub kib re xlokꞌoninquil li Dios. Chikaqꞌue xcacuub li kachꞌo̱l chi kibil kib. Tento takaba̱nu aꞌan xban nak chi se̱b tol-e̱lk li Jesucristo.

Hebreos 10:37

Joꞌcaꞌin tzꞌi̱banbil saꞌ li Santil Hu: Chi se̱b tol-e̱lk li Cristo. Incꞌaꞌ ta̱ba̱yk chak.

1 Corintios 7:29

Ex inherma̱n, li bar cuan nacuaj xyebal, aꞌan aꞌin: Yo̱queb chi numecꞌ li cutan saꞌ junpa̱t. Joꞌcan nak la̱ex li cuan e̱rixakil ma̱cuaꞌ caꞌaj cuiꞌ le̱ rixakil te̱cꞌoxla. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ.

Salmos 102:18

Ta̱tzꞌi̱bama̱nk retalil chi junelic kꞌe cutan nak li Dios quixsume lix tijeb laj Israel re nak teꞌxnau ajcuiꞌ li ralal xcꞌajol li toj teꞌyoꞌla̱k mokon ut teꞌxqꞌue xlokꞌal li Ka̱cuaꞌ.

Ezequiel 5:15

Texseꞌe̱k ut texhobekꞌ ut eb li xni̱nkal tenamit li cuanqueb che̱jun sutam teꞌxucuak chirilbal li cꞌaꞌru te̱cꞌul nak tinrakok a̱tin saꞌ e̱be̱n riqꞌuin lin joskꞌil. Texinkꞌus chi cau nak yo̱k injoskꞌil saꞌ e̱be̱n. La̱in li Ka̱cuaꞌ yo̱quin chi yehoc re aꞌin.

San Mateo 13:39

Ut li xicꞌ na-iloc, aꞌan li qui-acuoc re li yibru pim. Aꞌan laj tza. Ut lix kꞌehil xsicꞌbal ru li acui̱mk, aꞌan li rosoꞌjic li ruchichꞌochꞌ. Ut eb laj sicꞌol re, aꞌaneb lix ángel li Dios.

San Mateo 13:40

Ut joꞌ ajcuiꞌ nak nachꞌutuba̱c ut nacꞌateꞌ saꞌ xam li pim, joꞌcan ajcuiꞌ nak toxrakekꞌ li ruchichꞌochꞌ aꞌin.

Romanos 13:12

Chanchan nak yo̱ chi numecꞌ li kꞌojyi̱n ut yo̱ chi sake̱uc. Chikacanabak xba̱nunquil li incꞌaꞌ us li nequeꞌxba̱nu li toj cuanqueb saꞌ xkꞌojyi̱nal ru li ma̱c. Chikacolak kib chiru li incꞌaꞌ us riqꞌuin xcuanquil li Jesucristo.

1 Corintios 10:6

Chixjunil aꞌan nacꞌutuc chiku nak incꞌaꞌ takarahi ru li incꞌaꞌ us joꞌ queꞌxba̱nu eb aꞌan.

Gálatas 4:24

Cuan xya̱lal nak quixcꞌul chi joꞌcaꞌin laj Abraham. Aꞌan aꞌin lix ya̱lal: Li cuib chi ixk, aꞌaneb retalil li cuib chi contrato li quixba̱nu li Dios riqꞌuineb laj Abraham ut laj Moisés. Lix Agar, li lokꞌbil mo̱s, aꞌan retalil li contrato quixba̱nu li Dios saꞌ li tzu̱l Sinaí. Ut li toj cuanqueb rubel xcuanquil li najter chakꞌrab chanchaneb li lokꞌbil mo̱s joꞌ li ralal xcꞌajol lix Agar.

Génesis 19:35

Saꞌ li kꞌojyi̱n aꞌan queꞌxcaltesi cuiꞌchic lix yucuaꞌeb. Ut li i̱tzꞌinbej co̱ chi cua̱rc riqꞌuin. Abanan lix yucuaꞌ incꞌaꞌ quixqꞌue retal nak quicuan riqꞌuin lix rabin xban lix calajic.