1 Corintios 10:10 - Li Santil hu

¹⁰ Chi moco tocuechꞌok, joꞌ queꞌxba̱nu eb aꞌan. Ut xbaneb lix ma̱usilal queꞌcamsi̱c xban li ángel li quixtakla chak li Dios.

Q'eqchi Bible

¹⁰ Chi moko choowech'oq, jo' wan ke'b'aanunk sa' xyanqeb' a'an, ut ke'sache'k xb'aan laj Sachonel.

1 Corintios 10:10 ပူးပေါင်းရင်းမြစ်များ

Números 16:41

Cuulajak chic chixjunileb laj Israel queꞌxcuechꞌi rixeb laj Moisés ut laj Aarón ut queꞌxye reheb: —La̱ex quecamsiheb lix tenamit li Ka̱cuaꞌ, chanqueb.

Números 14:2

Ut queꞌxcuechꞌi rix laj Moisés ut laj Aarón ut chixjunileb yo̱queb chixyebal: —Kꞌaxal us raj nak saꞌ li tenamit Egipto ta xocam chak malaj ut us raj toca̱mk arin saꞌ li chaki chꞌochꞌ.

Números 14:37

Eb li cui̱nk aꞌan queꞌcam xban nak li Dios quixtakla chak jun li caki yajel saꞌ xbe̱neb xban nak incꞌaꞌ us queꞌxye chirix li naꞌajej.

1 Crónicas 21:15

Ut li Dios quixtakla ajcuiꞌ lix ángel chixsachbal li tenamit Jerusalén. Abanan nak yo̱ chixsachbal ru li tenamit, quiyotꞌeꞌ xchꞌo̱l li Ka̱cuaꞌ chirilbal li raylal yo̱queb chixcꞌulbal. Quixye re lix ángel: —Tzꞌakal li xaba̱nu. Ma̱rahobtesiheb chic, chan. Saꞌ li ho̱nal aꞌan lix ángel li Dios cuan chire li naꞌajej li narisi cuiꞌ rix li trigo laj Ornán laj jebuseo.

Filipenses 2:14

Me̱choki e̱rib ut me̱cuechꞌi e̱rib. Cheba̱nuhak ban chixjunil saꞌ xya̱lal.

2 Samuel 24:16

Oc raj re chixsachbal ru li tenamit Jerusalén lix ángel li Dios, abanan quiyotꞌeꞌ xchꞌo̱l li Dios chirilbal li raylal yo̱queb chixcꞌulbal. Ut li Dios quixye re li ángel li yo̱ chi camsi̱nc reheb: —Tzꞌakal li xaba̱nu. Ma̱rahobtesiheb chic, chan. Saꞌ li ho̱nal aꞌan lix ángel li Dios cuan chire li naꞌajej li narisi cuiꞌ rix li trigo laj Arauna laj jebuseo.

Salmos 106:25

Nak cuanqueb saꞌ lix muheba̱leb, queꞌxcuechꞌi rix li Ka̱cuaꞌ Dios ut incꞌaꞌ queꞌraj rabinquil li cꞌaꞌru quixye.

Éxodo 12:23

Li Dios ta̱numekꞌ saꞌ li junju̱nk chi cab chi rakoc a̱tin saꞌ xbe̱neb laj Egipto. Nak ta̱ril li quicꞌ saꞌ xbe̱n li puerta ut chiru li cuib chi cheꞌ li cuan saꞌ xcaꞌ pacꞌalil li puerta, li Ka̱cuaꞌ Dios ta̱numekꞌ saꞌ li puerta aꞌan ut tixram lix be laj camsinel re nak incꞌaꞌ ta̱oc saꞌ le̱ rochoch chi camsi̱nc.

San Judas 1:16

Eb aꞌin aj cuechꞌoneleb. Ma̱cꞌaꞌ nacuulac chiruheb. Caꞌaj cuiꞌ li cꞌaꞌru naxrahi ru li tzꞌejcualej nequeꞌxba̱nu. Nequeꞌa̱tinac re xnimobresinquileb ribeb. Nequeꞌxkꞌunbesi junak riqꞌuin kꞌunil a̱tin yal re li cꞌaꞌru nequeꞌraj riqꞌuin.

Éxodo 15:24

Eb laj Israel queꞌchal xjoskꞌileb ut queꞌoc chi cuechꞌi̱nc chiru laj Moisés ut queꞌxye re: —¿Anakcuan cꞌaꞌru takucꞌ? chanqueb.

Hechos 12:23

Ut saꞌ ajcuiꞌ li ho̱nal aꞌan, jun x-ángel li Ka̱cuaꞌ quixqꞌue jun yajel saꞌ xbe̱n laj Herodes xban nak quixqꞌue rib chixlokꞌoniheb li tenamit ut incꞌaꞌ quixqꞌue xlokꞌal li Dios. Quimotzoꞌin ut aꞌan quicamsin re.

2 Crónicas 32:21

Ut li Ka̱cuaꞌ Dios quixtakla jun li ángel re tixsach ruheb li cauheb rib chi pletic joꞌ eb ajcuiꞌ li nequeꞌcꞌamoc be saꞌ xya̱nkeb ut li nequeꞌtaklan saꞌ xbe̱neb lix soldado lix reyeb laj Asiria. Ut lix reyeb laj Asiria quisukꞌi saꞌ lix tenamit chi yo̱ xxuta̱n. Nak qui-oc saꞌ lix templo lix dios, eb li ralal queꞌxcamsi chi chꞌi̱chꞌ.

Apocalipsis 16:1

Ut quicuabi jun xya̱b cux quia̱tinac chak chi cau saꞌ lix templo li Dios. Quixye reheb li cuukub chi ángel: —Ayukex ut hoyomak chak saꞌ xbe̱n li ruchichꞌochꞌ lix joskꞌil li Dios li cuan saꞌ li cuukub chi secꞌ.—

Hebreos 11:28

Xban lix pa̱ba̱l, laj Moisés quixba̱nu li pascua joꞌ quiyeheꞌ re xban li Dios. Nak e̱lqueb re Egipto quixtakla xqꞌuebal xquiqꞌuel li carner chiruheb li puerta. Ut nak quinumeꞌ li ángel chi camsi̱nc, ma̱ jun li xbe̱n ralaleb laj Israel quixcamsi.

Números 16:11

La̱at ut eb la̱ cuochben xechꞌutub e̱rib chixcuechꞌbal rix laj Aarón. ¿Cꞌaꞌut nak nequecuechꞌi rix laj Aarón? ¿Ma ma̱cuaꞌ ta biꞌ li Dios li yo̱quex chixcuechꞌinquil rix?—

Números 17:5

Lix xukꞌ li cui̱nk li tinsicꞌ ru la̱in ta̱atzꞌumak. Riqꞌuin aꞌin teꞌxcanab cuechꞌi̱nc eb laj Israel che̱rix la̱ex, chan li Dios.

Números 17:10

Ut li Ka̱cuaꞌ quixye re laj Moisés: —Ta̱xoc lix xukꞌ laj Aarón ut ta̱qꞌue chiru li Lokꞌlaj Ca̱x chokꞌ retalil chiruheb li nequeꞌcuechꞌin. Riqꞌuin aꞌin teꞌxcanab li cuechꞌi̱nc chicuix re nak incꞌaꞌ teꞌca̱mk, chan.