1 Corintios 10:1 - Li Santil hu

¹ Ex inherma̱n, la̱in nacuaj nak texcꞌoxlak caꞌchꞌinak chirix li cꞌaꞌru queꞌxcꞌul li kaxeꞌto̱nil yucuaꞌ nak queꞌel saꞌ li tenamit Egipto. Li Dios quixtakla li chok chi cꞌamoc be chiruheb ut chixjunileb queꞌnumeꞌ jun pacꞌal li Caki Palau nak quixjach rib re teꞌnumekꞌ.

Q'eqchi Bible

¹ Ex was wiitz'in, twaj teenaw naq eb' li qana' qayuwa' chixjunileb' ke'wank chaq rub'el li choql ut chixjunileb' ke'nume'k sa' li palaw.

1 Corintios 10:1 ပူးပေါင်းရင်းမြစ်များ

Éxodo 14:29

Ut eb laj Israel ac xeꞌnumeꞌ jun pacꞌal li palau saꞌ li chaki chꞌochꞌ. Chanchan li tzꞌac quicana li haꞌ saꞌ xcaꞌ pacꞌalil li be nak queꞌnumeꞌ.

Salmos 105:39

Li Dios quixqꞌue jun li chok re xmuheb laj Israel chi cutan ut quixqꞌue li xam re xcutanobresinquil lix beheb chiru kꞌojyi̱n.

Hebreos 11:29

Xban lix pa̱ba̱leb laj Israel, queꞌnumeꞌ saꞌ xyi li Caki Palau. Chaki chꞌochꞌ li queꞌnumeꞌ cuiꞌ. Ut joꞌcan ajcuiꞌ queꞌraj xba̱nunquil eb laj Egipto. Aban incꞌaꞌ queꞌru xban nak li haꞌ quixjunaji rib saꞌ xbe̱neb ut aran queꞌosoꞌ chixjunileb.

1 Corintios 14:38

Ut cui cuan junak incꞌaꞌ naxpa̱b li yo̱quin chixtzꞌi̱banquil, la̱ex incꞌaꞌ ajcuiꞌ te̱pa̱b li cꞌaꞌru tixye aꞌan.

Salmos 78:53

Quixcꞌameb ut quirileb re nak incꞌaꞌ teꞌxucuak. Ut eb li xicꞌ nequeꞌiloc reheb, quixqꞌueheb chi osocꞌ saꞌ li palau.

Salmos 66:6

Quixjach ru li haꞌ saꞌ li Caki Palau ut chaki li chꞌochꞌ li queꞌnumeꞌ cuiꞌ. Ut quixram ru li haꞌ saꞌ li nimaꞌ Jordán ut chaki li queꞌnumeꞌ cuiꞌ. Joꞌcan nak chisahokꞌ li kachꞌo̱l riqꞌuin li cꞌaꞌru quixba̱nu li Dios.

Nehemías 9:19

Xban xnimal la̱ cuusilal la̱at incꞌaꞌ catzꞌekta̱naheb nak yo̱queb chak chi numecꞌ saꞌ li chaki chꞌochꞌ. La̱at ban catcꞌamoc be chiruheb xban nak li chok incꞌaꞌ quisach chiruheb nak yo̱queb chi be̱c chi cutan. Joꞌcan ajcuiꞌ chiru kꞌojyi̱n, incꞌaꞌ quisach li xam chiruheb li yo̱ chi cꞌutuc lix beheb nak yo̱queb chi xic.

Josué 4:23

Li Ka̱cuaꞌ li kaDios quixchakihobresi li nimaꞌ Jordán li joꞌ nimal tonumekꞌ cuiꞌ joꞌ nak quixchakihobresi li Caki Palau li joꞌ nimal conumeꞌ cuiꞌ chak junxil.

Deuteronomio 1:33

Ut li Ka̱cuaꞌ yo̱ chi cꞌamoc be che̱ru riqꞌuin li xam chi kꞌojyi̱n ut li chok chi cutan. Quixcꞌut che̱ru bar te̱yi̱b cuiꞌ le̱ muheba̱l ut quixcꞌut che̱ru bar cuan li be te̱cꞌam nak texxic.

Números 33:8

Nak queꞌel Pi-hahirot queꞌnumeꞌ saꞌ xyi li palau ut queꞌco̱eb saꞌ li chaki chꞌochꞌ. Nak ac xeꞌbe̱c oxib cutan saꞌ li chaki chꞌochꞌ Etam, queꞌxyi̱b lix muheba̱leb aran Mara.

Números 14:14

Ut teꞌxye resil reheb li cuanqueb Canaán. Eb aꞌan ac xeꞌrabi a̱cuesil. Ac nequeꞌxnau nak cuancat kiqꞌuin ut xcuil a̱cuu. Nequeꞌxnau nak la̱at catcꞌamoc be chiku riqꞌuin li chok chi cutan ut riqꞌuin li xam chiru kꞌojyi̱n.

Éxodo 40:34

Quicube chak li chok ut quixtzꞌap li tabernáculo. Ut quinujac li tabernáculo riqꞌuin xlokꞌal li Dios.

1 Corintios 12:1

Ex inherma̱n, la̱in nacuaj nak te̱tau ru lix ya̱lal li ma̱tan li naxqꞌue li Santil Musikꞌej re li junju̱nk re nak ta̱cꞌanjelak chiru li Dios.

Romanos 4:11

Mokon chic laj Abraham quixcꞌul li circuncisión joꞌ retalil nak aꞌan jun cui̱nk ti̱c xchꞌo̱l chiru li Dios xban lix pa̱ba̱l. Laj Abraham quixpa̱b li Dios nak ma̱jiꞌ naxcꞌul li circuncisión. Joꞌcan nak nayeman nak laj Abraham aꞌan xyucuaꞌeb chixjunileb li nequeꞌxpa̱b li Dios ut nequeꞌqꞌueheꞌ saꞌ ajl saꞌ xya̱nkeb li ti̱queb xchꞌo̱l usta incꞌaꞌ nequeꞌxcꞌul li circuncisión.

Gálatas 3:29

Cui la̱ex rehex chic li Cristo, la̱ex ajcuiꞌ ralal xcꞌajol laj Abraham ut la̱ex te̱re̱chani ajcuiꞌ li cꞌaꞌru quiyechiꞌi̱c re laj Abraham xban li Dios.

Romanos 11:21

Cui li Dios quirisi eb laj judío, li tzꞌakal rukꞌ li cheꞌ, ¿ma tojaꞌ ta chic la̱ex incꞌaꞌ texrisi cui incꞌaꞌ texpa̱ba̱nk?

San Juan 4:20

Eb li kaxeꞌto̱nil yucuaꞌ la̱o aj Samaria queꞌtijoc chiru li Dios saꞌ li tzu̱l li cuan arin. Abanan la̱ex aj judío nequeye nak toj aran Jerusalén cuan li tzꞌakal naꞌajej re lokꞌoni̱nc. Ye cue bar cuan li tzꞌakal xya̱lal, chan li ixk.

Romanos 1:13

Ex herma̱n, nacuaj nak te̱nau nak nabal sut nincꞌoxla raj xic e̱riqꞌuin, abanan toj ma̱jiꞌ naru ninxic. Ma̱re cuan raj teꞌpa̱ba̱nk aran nak teꞌrabi ra̱tin li Dios li tinchꞌolob xya̱lal chiruheb joꞌ nak queꞌpa̱ban chak chicuu saꞌ eb li tenamit quinnumeꞌ cuiꞌ chak.