1 Corintios 1:7 - Li Santil hu

⁷ Ac xema̱tani li usilal li naxqꞌue li Santil Musikꞌej ut ma̱cꞌaꞌ chic nequeroybeni. Caꞌaj chic lix cꞌulunic li Ka̱cuaꞌ Jesucristo nequeroybeni.

Q'eqchi Bible

⁷ Chi jo'kan maak'a' chik junaq usilal namajelo'k eere naq yookex chi royb'eninkil li xk'utb'esinkil rib' li Qaawa' Jesukriist.

1 Corintios 1:7 ပူးပေါင်းရင်းမြစ်များ

Filipenses 3:20

Abanan la̱o nococꞌoxlac chirix li cuan saꞌ choxa xban nak la̱o reho chic li tzꞌakal Dios ut yo̱co chiroybeninquil nak tol-e̱lk cuiꞌchic li Ka̱cuaꞌ Jesucristo laj Colol ke.

2 Pedro 3:12

Yo̱co chiroybeninquil xkꞌehil xcꞌulunic li Ka̱cuaꞌ. Chikaqꞌue kachꞌo̱l chi cꞌanjelac chiru re nak ta̱se̱ba̱nk chak chi cha̱lc. Saꞌ li cutan aꞌan teꞌlochk xxamlel li choxa ut teꞌosokꞌ chixjunil. Ut li cꞌaꞌak re ru cuanqueb chiru telajeꞌhaꞌokꞌ xban xtikcual li xam.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

San Judas 1:21

Chenauhak nak nequexra li Dios ut incꞌaꞌ chicuiba̱nk e̱chꞌo̱l. Cheroybenihak nak tol-e̱lk li Ka̱cuaꞌ Jesucristo ut riqꞌuin lix nimal ruxta̱n tixqꞌue le̱ yuꞌam chi junelic.

1 Juan 3:2

Ex inherma̱n, anakcuan la̱o ralal xcꞌajol li Dios. Abanan ma̱jiꞌ nakanau joꞌ qꞌuial chic li usilal takacꞌul mokon. Caꞌaj cuiꞌ nakanau nak tol-e̱lk li Jesucristo, chanchanako chic aꞌan xban nak takil ru chi tzꞌakal.

1 Pedro 4:13

Chisahokꞌ ban saꞌ e̱chꞌo̱l nak yo̱quex chi cꞌuluc raylal joꞌ quixcꞌul li Cristo xban nak yo̱quex chi tzꞌako̱nc riqꞌuin li raylal li quixcꞌul aꞌan. Ta̱cuulak xkꞌehil nak li Jesucristo tixcꞌutbesi lix nimal xlokꞌal ut la̱ex kꞌaxal cuiꞌchic ta̱sahokꞌ saꞌ e̱chꞌo̱l.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

Romanos 8:19

Chixjunil li cꞌaꞌ re ru yi̱banbil xban li Dios yo̱queb chi xyoꞌoninquil nak ta̱cuulak xkꞌehil nak li Dios tixqꞌue xlokꞌaleb li ralal xcꞌajol.

San Lucas 17:30

Joꞌcan ajcuiꞌ ta̱cꞌulma̱nk nak tincꞌulu̱nk cuiꞌchic la̱in li Cꞌajolbej. Ma̱cꞌaꞌak saꞌ xchꞌo̱leb li tenamit.

1 Pedro 5:4

Li Jesucristo aꞌan tzꞌakal laj ilol ke. Cui nakachꞌolaniheb chi us li kꞌaxtesinbileb ke, li Jesucristo tixqꞌue kakꞌajca̱munquil nak tol-e̱lk cuiꞌchic. Li kakꞌajca̱munquil aꞌan incꞌaꞌ nalaj incꞌaꞌ na-osoꞌ. Ut totzꞌako̱nk ajcuiꞌ riqꞌuin lix nimal xlokꞌal.

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

2 Timoteo 4:8

Anakcuan caꞌaj chic lin ma̱tan nacuoybeni li naqꞌueheꞌ reheb li ti̱queb xchꞌo̱l. Li Ka̱cuaꞌ li narakoc a̱tin saꞌ ti̱quilal, aꞌan ta̱qꞌuehok cue saꞌ li cutan nak tol-e̱lk cuiꞌchic. Ut moco caꞌaj cuiꞌ ta cue la̱in tixqꞌue. Tixqꞌue aj ban cuiꞌ reheb chixjunileb li yo̱keb chi oybeni̱nc re lix cꞌulunic chi anchaleb xchꞌo̱l.

2 Ts 1:7

Abanan la̱ex li yo̱quex chixcꞌulbal raylal, li Dios texqꞌue chi hila̱nc kochben la̱o ut incꞌaꞌ chic takacꞌul raylal. Aꞌin ta̱cꞌulma̱nk nak li Ka̱cuaꞌ Jesucristo tixcꞌutbesi chak rib nak ta̱cha̱lk toj saꞌ choxa. Ta̱cha̱lk rochbenakeb chak lix ángel li cuanqueb xcuanquil.

1 Ts 1:10

Ut yo̱queb ajcuiꞌ xserakꞌinquil chanru nak yo̱quex chiroybeninquil nak ta̱cha̱lk chak toj saꞌ choxa li Jesucristo li Ralal li Dios, li quicuaclesi̱c cuiꞌchic chi yoꞌyo saꞌ xya̱nkeb li camenak xban li Dios ut aꞌan li ta̱colok ke chiru li rakba a̱tin li ta̱cha̱lk saꞌ kabe̱n.

Colosenses 3:4

Caꞌaj cuiꞌ riqꞌuin li Jesucristo cuan kayuꞌam. Ut nak tol-e̱lk cuiꞌchic li Jesucristo tixcꞌutbesi nak la̱o li ralal xcꞌajol, ut totzꞌako̱nk riqꞌuin lix lokꞌal.

1 Corintios 4:5

Joꞌcan nak mexrakoc a̱tin chirix le̱ ras e̱ri̱tzꞌin. Cheroybeni toj ta̱cuulak xkꞌehil nak tol-e̱lk cuiꞌchic li Ka̱cuaꞌ Jesucristo ut aꞌan tixcꞌutbesi li incꞌaꞌ nanauman anakcuan. Tixcꞌutbesi li cꞌaꞌru nanumeꞌ saꞌ xchꞌo̱l li junju̱nk. Ut li Dios tixqꞌue xlokꞌal li junju̱nk aꞌ yal chanru lix yehom xba̱nuhom.

San Lucas 12:36

Chanchanakex li mo̱s li yo̱queb chiroybeninquil lix patroneb nak ta̱sukꞌi̱k chak saꞌ junak sumla̱c. Nak tixtochꞌ li puerta, saꞌ junpa̱t teꞌxte chiru.

San Mateo 25:1

Lix nimajcual cuanquilal li Dios, aꞌan chanchan li quicꞌulman saꞌ jun li sumla̱c. Li laje̱b chi tukꞌ ixk queꞌxcꞌam lix candil ut co̱eb saꞌ jun li sumla̱c chixcꞌulbal li be̱lomej.

Génesis 49:18

Ut laj Jacob quixye re li Ka̱cuaꞌ Dios: —At inDios, la̱in yo̱quin cha̱cuoybeninquil nak tatcha̱lk chincolbal, chan re li Dios.

2 Corintios 12:13

Joꞌ quinba̱nu chak saꞌ xya̱nkeb laj pa̱banel li quinnumeꞌ cuiꞌ chak, joꞌcan ajcuiꞌ quinba̱nu nak cuanquin e̱riqꞌuin. Li cꞌaꞌru incꞌaꞌ xinqꞌue saꞌ e̱be̱n, aꞌan lin tenkꞌanquil. ¿Ma ma̱c ta biꞌ li xinba̱nu? Checuy inma̱c cui incꞌaꞌ us xinba̱nu.

Romanos 8:23

Ma̱cuaꞌ caꞌaj cuiꞌ li ruchichꞌochꞌ naxcꞌul li raylal. Nayotꞌeꞌ ajcuiꞌ li kachꞌo̱l la̱o aj pa̱banel xban li raylal nakacꞌul, usta ac xkacꞌul li Santil Musikꞌej. Li Santil Musikꞌej aꞌan xbe̱n li kama̱tan naxqꞌue ke li Dios. Yo̱co chiroybeninquil nak li Dios toxcꞌul joꞌ tzꞌakal ralal xcꞌajol ut ta̱jala̱k li katzꞌejcual ut tixqꞌue li kalokꞌal.

Gálatas 5:5

Abanan la̱o yo̱co chiroybeninquil lix ti̱cobresinquil kachꞌo̱l chiru li Dios riqꞌuin xpa̱banquil li Cristo xban nak joꞌcan quicꞌutbesi̱c chiku xban li Santil Musikꞌej.