1 Corintios 1:5 - Li Santil hu

⁵ Xban nak junajex chic riqꞌuin li Cristo, xema̱tani li rusilal li Dios. Cha̱bil chic nequex-a̱tinac ut cha̱bil chic le̱ naꞌleb xban nak nequenau chic lix ya̱lal.

Q'eqchi Bible

⁵ xb'aan naq rik'in A'an xexb'ihomob'resi rik'in chixjunil li xsimaatan, rik'in chixjunil li aatin ut chaab'il na'leb'.

1 Corintios 1:5 ပူးပေါင်းရင်းမြစ်များ

2 Corintios 9:11

Li Dios junelic naxqꞌue chi nabal li cꞌaꞌru e̱re re nak ta̱ru̱k te̱tenkꞌaheb chi anchal e̱chꞌo̱l li ma̱cꞌaꞌ cuanqueb re. Ut nabaleb ajcuiꞌ li teꞌbantioxi̱nk chiru li Dios riqꞌuin li ma̱tan li xetakla chikix.

2 Corintios 8:7

La̱ex cau e̱chꞌo̱l saꞌ le̱ pa̱ba̱l. Nequenau lix ya̱lal ut nequenau xchꞌolobanquil li ya̱l. Nequeqꞌue e̱chꞌo̱l chi cꞌanjelac joꞌ naraj li Dios, ut nocoe̱ra. Joꞌcan nak nakatzꞌa̱ma che̱ru nak cheqꞌue le̱ mayej chi anchal e̱chꞌo̱l.

Colosenses 2:3

Riqꞌuin li Cristo naru nakatau li kanaꞌleb xban nak caꞌaj cuiꞌ riqꞌuin li Cristo cuan li tzꞌakal ya̱l ut aꞌan naxnau chixjunil.

Filipenses 1:9

Ut li nintzꞌa̱ma chiru li Dios nak nintijoc che̱rix, aꞌan aꞌin: nak kꞌaxal cuiꞌchic cherahak e̱rib chi ribil e̱rib. Ut chinumta̱k taxak li rahoc ut chiqꞌuehekꞌ taxak e̱naꞌleb re xtaubal bar cuan li tzꞌakal ya̱l.

Romanos 15:14

Ex herma̱n, la̱in ninnau nak cha̱bilex ut nequenau lix ya̱lal ut nequeqꞌue ajcuiꞌ e̱naꞌleb chi ribil e̱rib.

Santiago 3:13

Li ani cuanqueb xnaꞌleb saꞌ e̱ya̱nk ut nequeꞌxnau xya̱lal chi us, cheꞌxcꞌutak saꞌ tu̱lanil lix cha̱bilaleb aꞌ yal chanru lix naꞌlebeb.

Colosenses 3:10

Anakcuan acꞌ chic le̱ yuꞌam. Li Dios, aꞌan li quijaloc re le̱ yuꞌam ut aꞌan ta̱tenkꞌa̱nk e̱re cuulaj cuulaj chixtzolbal e̱rib riqꞌuin re nak te̱tau ru chi tzꞌakal chanru li Dios ut te̱ba̱nu li naraj aꞌan.

Efesios 6:19

Ut chextijok ajcuiꞌ chicuix la̱in re nak chixqꞌue taxak cua̱tin li Dios re xyebal resil li colba-ib ut chixqꞌue taxak xcacuilal inchꞌo̱l chixyebal resil nak li colba-ib reheb ajcuiꞌ li ma̱cuaꞌeb aj judío.

Efesios 1:17

Nintijoc chiru li nimajcual Dios, lix yucuaꞌ li Ka̱cuaꞌ Jesucristo, ut nintzꞌa̱ma chiru nak tixqꞌue e̱naꞌleb re nak te̱tau ru chi tzꞌakal lix naꞌleb li Dios ut re nak te̱tau ru lix ya̱lal chi us.

1 Corintios 12:8

Cuan li qꞌuebileb xma̱tan xban li Santil Musikꞌej re qꞌuehoc cha̱bil naꞌleb ut cuan li qꞌuebileb xma̱tan xban li Santil Musikꞌej re xchꞌolobanquil li ya̱l. Abanan jun ajcuiꞌ li Santil Musikꞌej li naqꞌuehoc re xma̱tan li junju̱nk.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Efesios 2:7

Chixjunil li usilal aꞌin quilajxba̱nu ke saꞌ xcꞌabaꞌ li Jesucristo re nak ta̱cꞌutu̱nk chi junelic kꞌe cutan nak kꞌaxal nim li ruxta̱n.

1 Corintios 13:2

Ut cui ta qꞌuebil inma̱tan xban li Dios chixyebal li naxcꞌut chicuu, ut cui ta ninnau chixjunil li cꞌaꞌak re ru ut cui ta nintau ru lix ya̱lal, abanan cui incꞌaꞌ ninraheb li cuas cui̱tzꞌin ma̱cꞌaꞌ nin-oc cuiꞌ. Ut cui ta cuan tzꞌakal inpa̱ba̱l re nak ta̱jalekꞌ xnaꞌaj junak li tzu̱l, abanan cui incꞌaꞌ ninraheb li cuas cui̱tzꞌin, ma̱cꞌaꞌ nin-oc cuiꞌ.

2 Corintios 4:6

Nak toj kꞌojyi̱n chak ru li ruchichꞌochꞌ, li Dios quixye, “Chicua̱nk li cutan re xcutanobresinquil ru li ruchichꞌochꞌ.” Ut aꞌan ajcuiꞌ li nacutanobresin re li kacꞌaꞌux re nak naru takanau chanru lix lokꞌal li Dios. Ut li Jesucristo naxcꞌut chiku lix lokꞌal li Dios.

1 Corintios 14:26

Ex herma̱n, aꞌan aꞌin li nacuaj xyebal e̱re. Nak te̱chꞌutub e̱rib chixlokꞌoninquil li Dios, jalan jala̱nk te̱ba̱nu che̱ju̱nkalex. Cuan tixcꞌam chak junak bich; cuan li ta̱qꞌuehok naꞌleb; cuan li ta̱yehok re li quicꞌuteꞌ chiru xban li Dios; cuan li ta̱yehok junak naꞌleb riqꞌuin jalanil a̱tin ut cuan ajcuiꞌ li ta̱jalok ru li ta̱yema̱nk saꞌ li jalanil a̱tin. Abanan chixjunil li te̱ba̱nu, cheba̱nuhak re xtenkꞌanquileb laj pa̱banel chi qꞌui̱c saꞌ lix pa̱ba̱leb.

1 Corintios 13:8

Li rahoc ta̱cua̱nk chi junelic. Ta̱cuulak xkꞌehil nak incꞌaꞌ chic ta̱cꞌanjelak li ma̱tan re cua̱nc chi profetil ut ta̱cuulak xkꞌehil nak incꞌaꞌ chic ta̱cꞌanjelak li ma̱tan re a̱tinac saꞌ jalanil a̱tin. Ut ta̱cuulak xkꞌehil nak incꞌaꞌ chic ta̱cꞌanjelak li ma̱tan re xtaubal ru chixjunil. Abanan li rahoc incꞌaꞌ nalaj, incꞌaꞌ na-osoꞌ. Cua̱nk ban chi junelic.

1 Corintios 12:10

Cuan qꞌuebileb xma̱tan chi ba̱nu̱nc milagro ut cuan qꞌuebileb xma̱tan chi xchꞌolobanquil resil li cꞌaꞌru quicꞌutbesi̱c chiru xban li Dios. Ut cuan qꞌuebileb xma̱tan re xtaubal ru cui li Santil Musikꞌej cuan riqꞌuin junak malaj ut cuan li ma̱us aj musikꞌej riqꞌuin. Ut cuan qꞌuebileb xma̱tan chi a̱tinac saꞌ jalan a̱tin incꞌaꞌ natauman ru ut cuan ajcuiꞌ qꞌuebileb xma̱tan chi jaloc ru li jalanil a̱tin.

1 Corintios 8:11

La̱ex nequenau nak naru te̱tzaca li mayejanbil tzacae̱mk. Abanan, ma̱re yal e̱ma̱c la̱ex nak ta̱oc cuiꞌchic chi ma̱cobc li toj ma̱jiꞌ nacacuu saꞌ xpa̱ba̱l. La̱ex nequenau nak li Cristo quicam ajcuiꞌ saꞌ xcꞌabaꞌ eb aꞌan.

Romanos 15:4

Chixjunil li cꞌaꞌak re ru quitzꞌi̱ba̱c chak najter saꞌ li Santil Hu, re katzolbal nak quitzꞌi̱ba̱c chak. Nocoxtenkꞌa re nak incꞌaꞌ ta̱chꞌina̱nk li kachꞌo̱l ut naxcꞌojob li kachꞌo̱l re nak takacuy roybeninquil nak ta̱tzꞌaklok ru li kacolbal.

Romanos 11:12

Xban nak queꞌxkꞌet li ra̱tin li Dios eb laj judío, li rusilal li Dios quiqꞌueheꞌ reheb chixjunileb li cuanqueb saꞌ ruchichꞌochꞌ. Reheb raj laj judío li osobtesi̱c, aban queꞌxtzꞌekta̱na. Joꞌcan nak quiqꞌueheꞌ reheb li ma̱cuaꞌeb aj judío. Ut kꞌaxal cuiꞌchic li sahil chꞌo̱lejil takacꞌul nak teꞌpa̱ba̱nk lix qꞌuialeb laj judío ut teꞌqꞌuehekꞌ saꞌ ajl saꞌ kaya̱nk la̱o li ac colbilo.

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

2 Corintios 6:10

Kꞌaxal ra cuanco, abanan junelic sa saꞌ kachꞌo̱l. Nebaꞌo, abanan nabal nequeꞌxcꞌul xbiomal nak nakachꞌolob chiruheb lix ya̱lal. Ma̱cꞌaꞌ cuan ke arin saꞌ ruchichꞌochꞌ, abanan nakanau nak biomo xban nak cuan li rusilal li Dios kiqꞌuin.