1 Corintios 1:31 - Li Santil hu

³¹ Joꞌcan nak caꞌaj cuiꞌ li Ka̱cuaꞌ takanimobresi. Joꞌcaꞌin tzꞌi̱banbil retalil saꞌ li Santil Hu: Mikanimobresi kib. Chikanimobresihak ban xcuanquil li Ka̱cuaꞌ.

Q'eqchi Bible

³¹ re naq, kama' tz'iib'anb'il sa' li Santil Hu: “Ani taaraj xnimob'resinkil rib', chixnimaaq rib' sa' xk'ab'a' li Qaawa'”.

1 Corintios 1:31 ပူးပေါင်းရင်းမြစ်များ

2 Corintios 10:17

Joꞌcaꞌin tzꞌi̱banbil saꞌ li Santil Hu: Incꞌaꞌ takanimobresi kib. Chikanimobresihak ban xlokꞌal li Ka̱cuaꞌ.

Filipenses 3:3

La̱o ac xkacꞌul li tzꞌakal circuncisión xban nak la̱o nakalokꞌoni li Dios joꞌ naxcꞌut chiku li Santil Musikꞌej. Aꞌan li tzꞌakal circuncisión. La̱o nasahoꞌ li kachꞌo̱l nak junajo chic riqꞌuin li Cristo yal xban xnimal rusilal. Ma̱cuaꞌ riqꞌuin li nakaba̱nu la̱o kajunes.

Salmos 105:3

Cheqꞌue xlokꞌal lix santil cꞌabaꞌ li Ka̱cuaꞌ. Chisahokꞌ taxak saꞌ e̱chꞌo̱l la̱ex li nequecꞌoxla li Dios.

Isaías 41:16

Te̱ra̱linaheb chi najt. Chanchan nak te̱cuteb saꞌ li ikꞌ ut teꞌcꞌamekꞌ ut telajeꞌjeqꞌui̱k yalak bar. Ut la̱ex ta̱sahokꞌ saꞌ e̱chꞌo̱l riqꞌuin li Ka̱cuaꞌ. Ta̱sahokꞌ saꞌ e̱chꞌo̱l riqꞌuin li Dios santo li nequelokꞌoni la̱ex aj Israel.

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

Isaías 45:25

Abanan li Ka̱cuaꞌ tixye nak ma̱cꞌaꞌ xma̱queb li ralal xcꞌajol laj Israel ut teꞌqꞌuehekꞌ xlokꞌaleb.

1 Crónicas 16:10

Cheqꞌuehak xlokꞌal lix santil cꞌabaꞌ li Ka̱cuaꞌ. Chisahokꞌ taxak saꞌ e̱chꞌo̱l la̱ex li nequecꞌoxla li Dios.

1 Crónicas 16:35

Yehomak, “Choa̱col taxak, at Ka̱cuaꞌ, at kaDios. La̱at laj Colol ke. Choa̱cuisi taxak saꞌ xya̱nkeb li jalaneb xtenamit. Choa̱cꞌam taxak saꞌ kanaꞌaj re nak ta̱ru̱k takaye resil la̱ santil cꞌabaꞌ ut takaqꞌue a̱lokꞌal chi sa saꞌ kachꞌo̱l.

Salmos 34:2

La̱in tinqꞌue xlokꞌal riqꞌuin li usilal naxba̱nu. Cherabihak la̱ex, li tu̱lanex ut chisahokꞌ taxak saꞌ le̱ chꞌo̱l.

Romanos 4:2

Cui ta riqꞌuin xyehom xba̱nuhom quiti̱cobresi̱c xchꞌo̱l laj Abraham, cuan raj cꞌaꞌru quixnimobresi cuiꞌ rib. Abanan ma̱cuaꞌ raj chiru li Dios.

1 Corintios 4:6

Ex herma̱n, chixjunil li xinye chirix laj Apolos ut chicuix re e̱tenkꞌanquil nak xinye. Nacuaj nak te̱tau ru li cꞌaꞌru xinye. Chetzol e̱rib kiqꞌuin re nak te̱ba̱nu joꞌ tzꞌi̱banbil saꞌ li Santil Hu. Incꞌaꞌ naru te̱nimobresi e̱rib xban nak nequeta̱ke li jun ut nequetzꞌekta̱na li jun chic.