1 Corintios 1:29 - Li Santil hu

²⁹ Quixba̱nu chi joꞌcaꞌin re nak ma̱ ani tixnimobresi rib chiru li Ka̱cuaꞌ.

Q'eqchi Bible

²⁹ re naq maa'ani tixnimob'resi rib' chiru li Yos.

1 Corintios 1:29 ပူးပေါင်းရင်းမြစ်များ

Romanos 3:27

¿Cꞌaꞌru takanimobresi cuiꞌ kib? Ma̱cꞌaꞌ. Incꞌaꞌ naru takanimobresi kib xban nak ma̱cuaꞌ riqꞌuin xba̱nunquil li naxye li chakꞌrab nati̱coꞌ li kachꞌo̱l. Nati̱coꞌ ban li kachꞌo̱l riqꞌuin xpa̱banquil li Cristo.

Efesios 2:9

Ma̱ ani chixnimobresi rib xban nak ma̱cuaꞌ xban e̱yehom e̱ba̱nuhom nak colbilex.

1 Corintios 4:7

¿Ma jalanex ta biꞌ la̱ex chiruheb li jun chꞌol chic nak nequerecꞌa e̱rib? ¿Ma ma̱cuaꞌ ta biꞌ li Dios quiqꞌuehoc e̱re li cꞌaꞌru cuan e̱re? ¿Cꞌaꞌut nak nequenimobresi e̱rib chixyebal nak cuan cꞌaꞌru e̱re? Incꞌaꞌ naru te̱nimobresi e̱rib xban nak yal xema̱tani li cꞌaꞌru cuan e̱re riqꞌuin li Dios.

1 Corintios 1:31

Joꞌcan nak caꞌaj cuiꞌ li Ka̱cuaꞌ takanimobresi. Joꞌcaꞌin tzꞌi̱banbil retalil saꞌ li Santil Hu: Mikanimobresi kib. Chikanimobresihak ban xcuanquil li Ka̱cuaꞌ.

Romanos 15:17

Ninqꞌue xlokꞌal lin cꞌanjel xban nak aꞌan xcꞌanjel li Dios. Moco injunes ta nincꞌanjelac. Aꞌ li Cristo natenkꞌan cue.

Romanos 3:19

Nakanau nak chixjunil li tzꞌi̱banbil saꞌ li chakꞌrab, aꞌan reheb li cuanqueb rubel xcuanquil li chakꞌrab. Aꞌan aj e nak cuan li chakꞌrab re nak chixjunileb teꞌxnau nak cuanqueb xma̱c ut ma̱cꞌaꞌ chic naru teꞌxye, re teꞌxcol cuiꞌ rib chiru li Dios nak ta̱rakekꞌ a̱tin saꞌ xbe̱neb.

Jeremías 9:23

Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

1 Corintios 5:6

Me̱nimobresi e̱rib riqꞌuin xcꞌoxlanquil nak us yo̱quex chixba̱nunquil. La̱ex nequexinjuntakꞌe̱ta riqꞌuin xkꞌemal li caxlan cua. La̱ex nequenau nak usta caꞌchꞌin ajcuiꞌ lix chꞌamal naqꞌueman, naxchꞌamobresi chixjunil li kꞌem. Naraj naxye nak incꞌaꞌ naru nacuan li ma̱c saꞌ xya̱nkeb laj pa̱banel re nak incꞌaꞌ teꞌxcꞌam xbeheb li jun chꞌol chic chi ma̱cobc.

Romanos 4:2

Cui ta riqꞌuin xyehom xba̱nuhom quiti̱cobresi̱c xchꞌo̱l laj Abraham, cuan raj cꞌaꞌru quixnimobresi cuiꞌ rib. Abanan ma̱cuaꞌ raj chiru li Dios.

Isaías 10:15

¿Ma naru ta biꞌ tixnimobresi rib li ma̱l chiru li ani nachꞌeꞌoc re? ¿Ma naru ta biꞌ tixkꞌetkꞌeti rib li seruch chiru li ani nachꞌeꞌoc re? ¿Ma naru ta biꞌ ta̱cuaclesi̱k junak cui̱nk xban li xukꞌ? Ut, ¿ma naru ta biꞌ nak li cheꞌ tixtakla junak li cui̱nk?

Salmos 49:6

Eb aꞌan cꞌojcꞌo̱queb xchꞌo̱l saꞌ xbe̱n lix biomal. Ut nequeꞌxnimobresi rib xban nak cuan nabal cꞌaꞌruheb re.