1 Corintios 1:26 - Li Santil hu

²⁶ Ex herma̱n, cheqꞌue retal chanru cuanquex nak quisiqꞌueꞌ e̱ru xban li Dios. Moco nabalex ta cuan e̱naꞌleb joꞌ xnaꞌleb li ruchichꞌochꞌ. Moco nabalex ta li cuan e̱lokꞌal ut incꞌaꞌ nabaleb saꞌ e̱ya̱nk cuanqueb xcuanquil saꞌ xcꞌabaꞌeb lix naꞌ xyucuaꞌ.

Q'eqchi Bible

²⁶ K'ehomaq reetal, ex was wiitz'in, aniheb' li b'oqb'ileb' xb'aan li Yos sa' eeyanq: moko k'iheb' ta li wankeb' xna'leb' jo' xna'leb' li ruuchich'och'; moko k'iheb' ta li wankeb' xwankil chi moko naab'aleb' li xninqal ruheb' sa' xk'ab'a' li xyo'lajikeb'.

1 Corintios 1:26 ပူးပေါင်းရင်းမြစ်များ

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

1 Corintios 2:8

Ma̱ jun li nequeꞌtaklan saꞌ ruchichꞌochꞌ queꞌxtau ru li naꞌleb aꞌin. Cui ta queꞌxtau ru, incꞌaꞌ raj queꞌxcamsi chiru cruz li Ka̱cuaꞌ Jesucristo, laj e̱chal re li lokꞌal.

1 Corintios 1:20

Chiru li Dios ma̱cꞌaꞌ nequeꞌoc cuiꞌ li cuanqueb xnaꞌleb xjuneseb. Ma̱cꞌaꞌ nequeꞌoc cuiꞌ laj tzolonel. Ut ma̱cꞌaꞌ nequeꞌoc cuiꞌ li nequeꞌxnau a̱tinac chirix lix naꞌleb li ruchichꞌochꞌ. Lix naꞌleb li ruchichꞌochꞌ to̱ntil naꞌleb ut ma̱cꞌaꞌ na-oc cuiꞌ chiru li Dios.

San Lucas 10:21

Saꞌ li ho̱nal aꞌan li Jesús quirecꞌa xsahil xchꞌo̱l xban li Santil Musikꞌej. Quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chiruheb li tzolbileb ut li cuanqueb xnaꞌleb. Ut xacꞌut lix ya̱lal chiruheb li cubenakeb xcuanquil. Chanchaneb cocꞌal. Xaba̱nu chi joꞌcan xban nak joꞌcan xcuulac cha̱cuu la̱at, chan li Jesús nak quitijoc.

San Lucas 1:3

At Ka̱cuaꞌ Teófilo, la̱at cuan a̱cuanquil. Nak ac xintzꞌili rix chi us chixjunil li cꞌaꞌru quicꞌulman, xincꞌoxla nak us tintzꞌi̱bak a̱cuiqꞌuin re xyebal a̱cue chi tzꞌakal re ru chanru tzꞌakal quicꞌulman.

1 Corintios 2:13

Incꞌaꞌ yo̱co chi a̱tinac chirix li naꞌleb aꞌin riqꞌuin a̱tin xkacꞌoxla kajunes. Yo̱co ban chi a̱tinac riqꞌuin a̱tin quicꞌutbesi̱c chiku xban li Santil Musikꞌej. Li xya̱lal li naxcꞌut chiku li Santil Musikꞌej la̱o nakachꞌolob chiruheb li cuan li Santil Musikꞌej riqꞌuineb.

2 Juan 1:1

La̱in aj cꞌamol be cha̱cuu saꞌ la̱ pa̱ba̱l. At hermana, nintzꞌi̱bac a̱cuiqꞌuin la̱at li sicꞌbil a̱cuu xban li Dios. Ut nintzꞌi̱bac ajcuiꞌ riqꞌuineb la̱ cualal a̱cꞌajol. Ya̱l nak la̱in nequexinra. Moco caꞌaj ta cuiꞌ la̱in ninrahoc e̱re. Nequexraheꞌ aj ban cuiꞌ xbaneb chixjunileb li nequeꞌxnau lix ya̱lal.

Filipenses 4:22

Chixjunileb laj pa̱banel li cuanqueb arin nequeꞌxtakla xsahil e̱chꞌo̱l. Ut kꞌaxal cuiꞌchic nabal xsahil e̱chꞌo̱l nequeꞌxtakla laj pa̱banel li cuanqueb saꞌ rochoch li acuabej.

Hechos 17:34

Cuanqueb ajcuiꞌ li queꞌxcꞌul xchꞌo̱l li quixye laj Pablo ut queꞌxpa̱b li Jesús. Saꞌ xya̱nkeb li queꞌpa̱ban cuan laj Dionisio. Aꞌan jun reheb li queꞌtaklan saꞌ li tenamit. Ut quipa̱ban ajcuiꞌ jun li ixk xDámaris xcꞌabaꞌ. Ut cuanqueb ajcuiꞌ cuib oxib chic queꞌpa̱ban.

Hechos 13:12

Ut nak laj Sergio Paulo quiril li cꞌaꞌru quixcꞌul laj tu̱l, quixpa̱b li Ka̱cuaꞌ. Sachso xchꞌo̱l chirabinquil li tijleb chirix li Ka̱cuaꞌ.

Hechos 13:7

Li cui̱nk aꞌan cuan riqꞌuin laj Sergio Paulo, li qꞌuebil xcuanquil chi takla̱nc saꞌ li naꞌajej aꞌan. Laj Sergio Paulo, li cuan xnaꞌleb, quixtakla xbokbaleb laj Saulo ut laj Bernabé xban nak quiraj rabinquil li ra̱tin li Dios.

Sofonías 3:12

Li joꞌ qꞌuialeb li cha̱bil xnaꞌlebeb ut li tu̱laneb saꞌ li tenamit, aꞌaneb li teꞌcana̱k. Ut cauhakeb xchꞌo̱l cuiqꞌuin.

Li xHu LAJ JOB 37:24

Joꞌcan nak eb li cristian, tento nak teꞌxxucua ru. Chiru aꞌan ma̱cꞌaꞌ nequeꞌoc cuiꞌ li cuanqueb xnaꞌleb, chan laj Eliú.

Romanos 11:29

Li Dios incꞌaꞌ naxjal xcꞌaꞌux riqꞌuin li cꞌaꞌru naxyechiꞌi ke, chi moco naxjal xcꞌaꞌux nak quixsicꞌ ku.

2 Reyes 5:4

Laj Naamán co̱ riqꞌuin li rey ut quixye re chixjunil li quixye li xkaꞌal li queꞌxcꞌam chak Israel.