1 Corintios 1:20 - Li Santil hu

²⁰ Chiru li Dios ma̱cꞌaꞌ nequeꞌoc cuiꞌ li cuanqueb xnaꞌleb xjuneseb. Ma̱cꞌaꞌ nequeꞌoc cuiꞌ laj tzolonel. Ut ma̱cꞌaꞌ nequeꞌoc cuiꞌ li nequeꞌxnau a̱tinac chirix lix naꞌleb li ruchichꞌochꞌ. Lix naꞌleb li ruchichꞌochꞌ to̱ntil naꞌleb ut ma̱cꞌaꞌ na-oc cuiꞌ chiru li Dios.

Q'eqchi Bible

²⁰ B'ar wank li wank xna'leb'? B'ar wank laj tzolonel? B'ar wank li naxnaw aatinak chirix xna'leb' li ruuchich'och' a'in? Ma ink'a' tab'i' li Yos xmemob'resi xna'leb' li ruuchich'och'?

1 Corintios 1:20 ပူးပေါင်းရင်းမြစ်များ

Romanos 1:22

Eb aꞌan nequeꞌxye nak cuanqueb xnaꞌleb abanan ma̱cꞌaꞌeb xnaꞌleb.

Li xHu LAJ JOB 12:17

Li Dios na-isin re lix naꞌlebeb li nequeꞌqꞌuehoc naꞌleb. Ut naxpoꞌ xnaꞌlebeb laj rakol a̱tin.

1 Corintios 3:19

Lix naꞌleb li ruchichꞌochꞌ, aꞌan to̱ntil naꞌleb chiru li Dios. Joꞌcaꞌin tzꞌi̱banbil saꞌ li Santil Hu: Li Dios naxcanabeb chixsachbaleb rib xban lix se̱baleb xchꞌo̱l li ani nequeꞌrecꞌa nak cuanqueb xnaꞌleb xjuneseb rib. (Job 5:13)

1 Corintios 1:19

Joꞌcaꞌin tzꞌi̱banbil retalil saꞌ li Santil Hu: Tinsacheb xcuanquil li cuanqueb xnaꞌleb xjuneseb rib. Tintzꞌekta̱na xcꞌaꞌuxeb li nequeꞌrecꞌa rib nak cuanqueb xnaꞌleb. (Isa. 29:14)

Isaías 44:25

La̱in nincꞌutbesi nak ma̱cꞌaꞌ na-oc cuiꞌ li cꞌaꞌru nequeꞌxye laj kꞌe. La̱in ninba̱nun re nak incꞌaꞌ na-uxman li cꞌaꞌru nequeꞌxye li nequeꞌbalakꞌin. Ut la̱in ajcuiꞌ nincꞌutbesin re nak ma̱cꞌaꞌ xya̱lal li cꞌaꞌru nequeꞌxye li nequeꞌxcꞌoxla nak cuanqueb xnaꞌleb xjuneseb.

Li xHu LAJ JOB 12:24

Nak naraj, naxsach xnaꞌlebeb li nequeꞌcꞌamoc be saꞌ junak tenamit. Ut naxqꞌueheb chi sachc. Chanchan nak yo̱queb chixbeninquil ribeb yalak bar saꞌ li chaki chꞌochꞌ xban nak incꞌaꞌ chic nequeꞌxtau cꞌaꞌru teꞌxba̱nu.

1 Corintios 2:6

Li ac cauheb xchꞌo̱l saꞌ lix pa̱ba̱leb, nequeꞌka̱tina riqꞌuin a̱tin moco yalak ani ta ta̱taꞌok ru. Aꞌin ma̱cuaꞌ xnaꞌleb li ruchichꞌochꞌ chi moco xnaꞌlebeb li nequeꞌtaklan saꞌ ruchichꞌochꞌ. Lix naꞌlebeb na-osoꞌ joꞌ nak nequeꞌosoꞌ eb aꞌan.

Isaías 53:1

¿Ani ta biꞌ xpa̱ban re li xkaye resil? Ut, ¿ani ta biꞌ chi aj u quixcꞌutbesi lix cuanquil li Dios?

Isaías 33:18

Ta̱julticokꞌ e̱re chanru nak xiu xiu quexcuan rubeleb xcuanquil li jalan tenamit. Ut te̱ye: —¿Bar cuan laj tzꞌi̱b? ¿Bar cuan laj titzꞌol toj? Ut, ¿bar cuan li quitaklan saꞌ eb li cab li nequeꞌxcol cuiꞌ rib? ¿Cꞌaꞌru queꞌxcꞌul?—

Li xHu LAJ JOB 12:20

Ut naxsach xnaꞌlebeb li nequeꞌqꞌuehoc naꞌleb. Joꞌcaneb ajcuiꞌ li ac ti̱xeb. Incꞌaꞌ chic jultic reheb.

2 Samuel 17:23

Laj Ahitofel quixqꞌue retal nak incꞌaꞌ queꞌxba̱nu li cꞌaꞌru quixye reheb. Joꞌcan nak quixyi̱b rix lix bu̱r ut quitakeꞌ chirix ut quisukꞌi saꞌ xtenamit. Quixyi̱b ru li cꞌaꞌru re saꞌ li rochoch. Ut chirix aꞌan quixyatzꞌ rib. Joꞌcaꞌin nak quicam laj Ahitofel. Quimukeꞌ saꞌ li mukleba̱l li quimukeꞌ cuiꞌ lix yucuaꞌ.

2 Samuel 17:14

Laj Absalón ut chixjunileb li cuanqueb rochben queꞌxye: —Kꞌaxal us li naꞌleb li xqꞌue laj Husai chiru li xqꞌue laj Ahitofel, chanqueb. Queꞌxye nak us xban nak ac cuan saꞌ xchꞌo̱l li Dios nak ta̱poꞌekꞌ ru li naꞌleb li quixqꞌue laj Ahitofel ut nak laj Absalón tixcꞌul li raylal.

2 Samuel 16:23

Saꞌ eb li cutan aꞌan, li naꞌleb li quixqꞌue laj Ahitofel quicꞌuleꞌ xbaneb chixjunileb joꞌ nak aꞌan ra̱tin li Dios. Ut joꞌ nak laj David quixba̱nu li cꞌaꞌru quixye laj Ahitofel, joꞌcan ajcuiꞌ nak laj Absalón quixba̱nu li cꞌaꞌru quixye.

2 Samuel 15:31

Laj David quiyeheꞌ resil re nak laj Ahitofel, aꞌan xcomoneb li nequeꞌoquen chirix laj Absalón. Joꞌcan nak laj David quitijoc ut quixye: —At Ka̱cuaꞌ, ta̱poꞌ taxak ru lix cꞌaꞌux laj Ahitofel re nak incꞌaꞌ us ta̱e̱lk li naꞌleb li tixqꞌue, chan.

Jeremías 10:7

¿Ma cuan ta biꞌ junak incꞌaꞌ ta̱xucua̱nk a̱cuu? La̱at lix reyeb chixjunileb li tenamit. A̱cꞌulub nak ta̱xucua̱k a̱cuu. Ma̱ jun ta̱ru̱k xjuntakꞌe̱tanquil a̱cuiqꞌuin chi moco saꞌ xya̱nkeb li cuanqueb xnaꞌleb saꞌ ruchichꞌochꞌ, chi moco saꞌ xya̱nkeb li cuanqueb xcuanquil.

San Mateo 13:22

Ut li iyaj li quinak saꞌ xya̱nk li qꞌuix, aꞌaneb li nequeꞌabin re li ra̱tin li Dios. Abanan caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, joꞌ li biomal ut xra̱bal ru li cꞌaꞌak chic re ru. Ut aꞌan li naramoc lix ya̱lal chiruheb. Ma̱cꞌaꞌ na-oc cuiꞌ li ra̱tin li Dios chiruheb.

San Juan 12:31

Anakcuan xcuulac xkꞌehil nak li Dios ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Anakcuan ta̱sachekꞌ xcuanquil laj tza li nataklan saꞌ ruchichꞌochꞌ.

Hechos 17:18

Cuanqueb cui̱nk aj epicúreo ut eb aj estoico xcꞌabaꞌeb li nequeꞌxcꞌoxla nak kꞌaxal cuan xnaꞌlebeb. Eb aꞌan queꞌoc chixcuechꞌinquil rix li cꞌaꞌru yo̱ chixyebal laj Pablo. Ut yo̱queb chixyebal: —¿Cꞌaꞌru yo̱ chixyebal li cui̱nk aꞌan li junes a̱tinac naxba̱nu?— Ut cuan cuiꞌchic yo̱queb chi yehoc re: —Joꞌ li xchal anchal xyebal resil jalanil dios arin saꞌ katenamit, chanqueb. Queꞌxye chi joꞌcan xban nak laj Pablo yo̱ chixchꞌolobanquil resil li colba-ib saꞌ xcꞌabaꞌ li Jesucristo joꞌ ajcuiꞌ chirix lix cuaclijiqueb cuiꞌchic li camenak chi yoꞌyo.

Romanos 1:20

Chalen chak saꞌ xticlajic li ruchichꞌochꞌ nacꞌutun xcuanquil ut xlokꞌal li Dios riqꞌuin li cꞌaꞌak re ru quilajxyi̱b. Nacꞌutun nak aꞌan li tzꞌakal Dios ut kꞌaxal nim xcuanquil chi junelic. Joꞌcan nak ma̱cꞌaꞌ junak a̱tin teꞌxcol cuiꞌ rib chiru xjoskꞌil li Dios.

1 Corintios 1:26

Ex herma̱n, cheqꞌue retal chanru cuanquex nak quisiqꞌueꞌ e̱ru xban li Dios. Moco nabalex ta cuan e̱naꞌleb joꞌ xnaꞌleb li ruchichꞌochꞌ. Moco nabalex ta li cuan e̱lokꞌal ut incꞌaꞌ nabaleb saꞌ e̱ya̱nk cuanqueb xcuanquil saꞌ xcꞌabaꞌeb lix naꞌ xyucuaꞌ.

1 Corintios 1:27

Li ma̱cꞌaꞌeb xnaꞌleb chiruheb li cui̱nk, li Dios quixsiqꞌueb ru re nak teꞌcꞌutekꞌ xxuta̱neb li cuanqueb xnaꞌleb saꞌ ruchichꞌochꞌ. Ut li ma̱cꞌaꞌeb xcuanquil saꞌ ruchichꞌochꞌ li Dios quixsiqꞌueb ru re nak teꞌcꞌutekꞌ xxuta̱neb li cuanqueb xcuanquil saꞌ ruchichꞌochꞌ.

1 Corintios 1:28

Li Dios quixsiqꞌueb ru li tzꞌekta̱nanbileb li ma̱cꞌaꞌeb xlokꞌal ut li incꞌaꞌ nequeꞌqꞌueheꞌ xcuanquil xbaneb li cuanqueb saꞌ li ruchichꞌochꞌ. Quixsiqꞌueb ban ru re xcubsinquil xcuanquileb li cuanqueb xnaꞌleb saꞌ ruchichꞌochꞌ.

1 Corintios 2:8

Ma̱ jun li nequeꞌtaklan saꞌ ruchichꞌochꞌ queꞌxtau ru li naꞌleb aꞌin. Cui ta queꞌxtau ru, incꞌaꞌ raj queꞌxcamsi chiru cruz li Ka̱cuaꞌ Jesucristo, laj e̱chal re li lokꞌal.

1 Corintios 3:18

Ma̱ ani taxak tixbalakꞌi rib xjunes. Cui cuan junak saꞌ e̱ya̱nk narecꞌa nak cuan xnaꞌleb saꞌ li ruchichꞌochꞌ aꞌin, chixcubsihak rib ut tixba̱nu joꞌ li ma̱cꞌaꞌ naxnau re nak tixtau xnaꞌleb chi tzꞌakal.

1 Corintios 6:2

¿Ma incꞌaꞌ nequenau nak saꞌ jun cutan la̱o aj pa̱banel torakok a̱tin saꞌ xbe̱neb chixjunileb li cuanqueb saꞌ ruchichꞌochꞌ? Ut cui la̱o torakok a̱tin saꞌ xbe̱neb li cuanqueb saꞌ ruchichꞌochꞌ, ¿cꞌaꞌut nak incꞌaꞌ ta̱ru̱k takayi̱b ru li kachꞌaꞌajquilal saꞌ xya̱lal chi kibil kib?

1 Corintios 11:32

Ut nak narakman a̱tin saꞌ kabe̱n xban li Ka̱cuaꞌ nocokꞌuseꞌ re nak incꞌaꞌ tzꞌekta̱nanbilako kochbeneb li incꞌaꞌ nequeꞌpa̱ban.

Santiago 4:4

La̱ex chanchanex li nequeꞌxmux ru lix sumlajic xban nak la̱ex nequera ru li ma̱c. Ma̱cuaꞌ li Dios nequecꞌoxla. Cui la̱ex nequera ru li cua̱nc saꞌ lix ma̱usilal li ruchichꞌochꞌ xicꞌ yo̱quex chirilbal li Dios.