1 Corintios 1:14 - Li Santil hu

¹⁴ Ninbantioxi chiru li Dios nak ma̱cuaꞌ la̱in quincubsin e̱haꞌ. Caꞌaj cuiꞌ laj Crispo ut laj Gayo quincubsi xhaꞌeb.

Q'eqchi Bible

¹⁴ Ninb'anyoxi chiru li Yos naq maajun eere xinkub'si xha', ka'ajwi' laj Krispo ut laj Gayo.

1 Corintios 1:14 ပူးပေါင်းရင်းမြစ်များ

Hechos 18:8

Laj Crispo, li nacꞌamoc be saꞌ li cab li nequeꞌxchꞌutub cuiꞌ ribeb, quixpa̱b Li Ka̱cuaꞌ rochbeneb li cuanqueb saꞌ li rochoch. Nabaleb aj Corinto queꞌpa̱ban nak queꞌrabi resil li colba-ib. Ut queꞌcubsi̱c xhaꞌeb.

Romanos 16:23

Naxtakla ajcuiꞌ xsahil e̱chꞌo̱l laj Gayo, li naqꞌuehoc cuochochnal. Ut saꞌ ajcuiꞌ li rochoch aꞌan nequeꞌxchꞌutub rib laj pa̱banel. Laj Erasto, laj cꞌulul tumin saꞌ li tenamit, naxtakla xsahil e̱chꞌo̱l. Ut naxtakla ajcuiꞌ xsahil e̱chꞌo̱l laj Cuarto.

1 Ts 5:18

Chextioxi̱nk riqꞌuin chixjunil li cꞌaꞌru nequecꞌul xban nak joꞌcan naraj li Dios e̱riqꞌuin la̱ex xban nak junajex chic riqꞌuin li Jesucristo.

Colosenses 3:17

Ut chixjunil li cꞌaꞌru te̱ye ut te̱ba̱nu, cheba̱nuhak re xqꞌuebal xlokꞌal li Jesucristo. Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo.

Colosenses 3:15

Junajakex taxak saꞌ le̱ pa̱ba̱l xban nak sicꞌbil e̱ru xban li Dios. Chicua̱nk li tuktu̱quilal saꞌ le̱ chꞌo̱l li naxqꞌue li Cristo re nak texcua̱nk saꞌ xya̱lal. Ut junelic chebantioxi chiru li Dios li usilal xba̱nu e̱re.

Efesios 5:20

Ut junelic chexbantioxi̱nk chiru li Acuabej Dios saꞌ xcꞌabaꞌ li Ka̱cuaꞌ Jesucristo riqꞌuin chixjunil li cꞌaꞌru nequecꞌul.

2 Corintios 2:14

Nakabantioxi re li Dios xban nak yalak bar nocoxic li Cristo nacꞌamoc be chiku ut naxqꞌue kacuanquilal chi e̱lc chi us riqꞌuin chixjunil. Nak nakachꞌolob xya̱lal li Cristo, chanchan xbo̱c li sununquil ban li naxic yalak bar.

1 Corintios 14:18

Ninbantioxi chiru li Dios nak nabal sut nina̱tinac saꞌ jalanil a̱tin. La̱ex incꞌaꞌ quex-a̱tinac nabal sut saꞌ jalanil a̱tin joꞌ la̱in.

1 Corintios 1:4

Junelic ninbantioxi chiru li Dios nak nintijoc che̱rix la̱ex ut ninbantioxi ajcuiꞌ chiru li Dios nak xema̱tani li rusilal li Dios saꞌ xcꞌabaꞌ li Jesucristo.

Filemón 1:4

Junelic ninbantioxi chiru lin Dios nak nintijoc cha̱cuix.

1 Timoteo 1:12

Ninbantioxi chiru li Ka̱cuaꞌ Jesucristo xban nak aꞌan xcꞌojob xchꞌo̱l saꞌ inbe̱n ut xinixxakab chi cꞌanjelac chiru. Ut aꞌan naqꞌuehoc incuanquil chixba̱nunquil.

Hechos 10:48

Ut quixtakla xcubsinquil xhaꞌeb saꞌ xcꞌabaꞌ li Ka̱cuaꞌ Jesucristo. Ut eb aꞌan queꞌxtzꞌa̱ma chiru laj Pedro nak ta̱cana̱k cuib oxibak cutan chic riqꞌuineb.

1 Corintios 1:15

Cui ta la̱in quincubsin e̱haꞌ, ma̱re raj quecꞌoxla nak quinba̱nu saꞌ incꞌabaꞌ la̱in.