1 Corintios 1:12 - Li Santil hu

¹² ¿Cꞌaꞌut nak jalan jala̱nk nequecꞌoxla che̱ju̱nkal? Cuan nequeꞌxye: La̱o xtzolom laj Pablo. Ut cuan nequeꞌxye: La̱o xtzolom laj Apolos. Ut cuan ajcuiꞌ li nequeꞌxye: La̱o xtzolom laj Pedro ut cuan cuiꞌchic nequeꞌxye: La̱o xtzolom li Cristo.

Q'eqchi Bible

¹² Nawaj xyeeb'al naq wankeb' sa' eeyanq li neke'xye: “Laa'in rehin laj Pablo”; ut wank neke'xye: “Laa'in rehin laj Apolo”. Wankeb' ajwi' neke'yehok: “Laa'in rehin laj Sefas” malaj “Laa'in rehin li Kriist”.

1 Corintios 1:12 ပူးပေါင်းရင်းမြစ်များ

San Juan 1:42

Ut quixcꞌam laj Simón riqꞌuin li Jesús. Li Jesús quiril aꞌan ut quixye re: —La̱at laj Simón li ralal laj Jonás. Anakcuan Pedro chic a̱cꞌabaꞌ.— (Chi jalbil ru naraj naxye “Pec”.)

Gálatas 3:17

Aꞌin ut tinye: Li Dios quixba̱nu jun li contrato najter riqꞌuin laj Abraham ut quixxakab xcuanquil saꞌ xcꞌabaꞌ li Cristo. Li chakꞌrab li quiqꞌueheꞌ re laj Moisés ca̱hib ciento riqꞌuin laje̱b xcaꞌcꞌa̱l (430) chihab mokon incꞌaꞌ naxsach xcuanquil li contrato li ac xakabanbil xcuanquil, chi moco tixcanab ta chi ma̱cꞌaꞌ rajbal li yechiꞌinbil re laj Abraham xban li Dios.

Gálatas 2:9

Laj Jacobo, laj Pedro ut laj Juan, aꞌaneb aj cꞌamol be saꞌ xya̱nkeb laj pa̱banel. Nak queꞌxqꞌue retal nak sicꞌbil cuu xban li Dios, queꞌxqꞌue li rukꞌeb cue ut re laj Bernabé. Aꞌan retalil nak kacomon kib chi cꞌanjelac chiru li Dios. Ut xkacꞌu̱b ru nak la̱in ut laj Bernabé tocꞌanjelak saꞌ xya̱nkeb li ma̱cuaꞌeb aj judío ut eb aꞌan teꞌcꞌanjelak saꞌ xya̱nkeb laj judío.

2 Corintios 9:6

Cheqꞌuehak retal li naꞌleb aꞌin: li ani caꞌchꞌin narau, caꞌchꞌin ajcuiꞌ li tixkꞌol. Ut li ani nabal narau, nabal ajcuiꞌ tixkꞌol.

1 Corintios 16:12

Nabal sut xintzꞌa̱ma chiru li hermano Apolos nak ta̱xic e̱riqꞌuin rochbeneb li herma̱n. Abanan aꞌan quirecꞌa saꞌ xchꞌo̱l nak toj ma̱jiꞌ ta̱ru̱k chi xic. Nak tixqꞌue rib ta̱cuulak aran che̱rilbal.

1 Corintios 15:50

Ex inherma̱n, li nacuaj xyebal e̱re, aꞌan aꞌin: li katibel ut li kaquiqꞌuel incꞌaꞌ ta̱oc saꞌ lix nimajcual cuanquilal li Dios xban nak aꞌan nakꞌa. Li bar cuan nakꞌa incꞌaꞌ naru ta̱re̱chani lix nimajcual cuanquilal li Dios xban nak aꞌan incꞌaꞌ nakꞌa.

1 Corintios 15:5

Chirix aꞌan li Ka̱cuaꞌ Jesucristo quixcꞌut rib chiru li apóstol Pedro ut quixcꞌut ajcuiꞌ rib chiruheb chixjunileb li apóstol.

1 Corintios 9:5

Eb li ri̱tzꞌin li Ka̱cuaꞌ Jesucristo cuanqueb rixakil ut nequeꞌxcꞌam chirixeb bar nequeꞌxic. Ut joꞌcan ajcuiꞌ naxba̱nu li apóstol Pedro. ¿Ma incꞌaꞌ ta biꞌ raj ta̱ru̱k tinsumla̱k riqꞌuin junak ixk aj pa̱banel la̱in ut tincꞌam chicuix bar tinxic joꞌ nequeꞌxba̱nu eb li apóstol jun chꞌol chic?

1 Corintios 7:29

Ex inherma̱n, li bar cuan nacuaj xyebal, aꞌan aꞌin: Yo̱queb chi numecꞌ li cutan saꞌ junpa̱t. Joꞌcan nak la̱ex li cuan e̱rixakil ma̱cuaꞌ caꞌaj cuiꞌ le̱ rixakil te̱cꞌoxla. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ.

1 Corintios 4:6

Ex herma̱n, chixjunil li xinye chirix laj Apolos ut chicuix re e̱tenkꞌanquil nak xinye. Nacuaj nak te̱tau ru li cꞌaꞌru xinye. Chetzol e̱rib kiqꞌuin re nak te̱ba̱nu joꞌ tzꞌi̱banbil saꞌ li Santil Hu. Incꞌaꞌ naru te̱nimobresi e̱rib xban nak nequeta̱ke li jun ut nequetzꞌekta̱na li jun chic.

Hechos 18:24

Quicuulac Éfeso jun li cui̱nk aj judío, aj Apolos xcꞌabaꞌ. Alejandría xtenamit. Kꞌaxal naxnau a̱tinac chi cha̱bil ut naxnau chi us li tzꞌi̱banbil saꞌ li Santil Hu.

San Mateo 23:8

Abanan la̱ex me̱rahi ru nak li tenamit teꞌxqꞌue e̱lokꞌal ut teꞌxye “tzolonel” e̱re xban nak jun ajcuiꞌ laj tzolol e̱re cuan. La̱in li Cristo laj tzolol e̱re ut che̱junilex la̱ex e̱ri̱tzꞌin e̱rib.

Hechos 19:1

Nak laj Apolos cuan Corinto laj Pablo quinumeꞌ saꞌ eb li naꞌajej toj quicuulac Éfeso. Ut aran quixtauheb jun chꞌu̱taleb laj pa̱banel.

1 Corintios 1:11

Ninye e̱re chi joꞌcaꞌin xban nak lix comoneb lix Cloé xeꞌyehoc resil cue nak cuan cuechꞌi̱nc ib saꞌ e̱ya̱nk.

2 Corintios 10:7

La̱ex nequeqꞌue retal caꞌaj cuiꞌ li cꞌaꞌru na-ilman ru ut incꞌaꞌ nequexcꞌoxlac chirix li cꞌaꞌru cuan saꞌ li ra̱meb li junju̱nk. ¿Ma cuan junak saꞌ e̱ya̱nk naxye nak aꞌan aj cꞌanjel chiru li Cristo? Cui cuan, us ajcuiꞌ. Abanan tento nak tixqꞌue retal nak joꞌcan ajcuiꞌ la̱o aj cꞌanjelo chiru li Cristo.

1 Reyes 16:21

Ut eb li ralal xcꞌajol laj Israel queꞌxjach ribeb. Yi jach queꞌajoc re nak laj Tibni li ralal laj Ginat ta̱oc chokꞌ rey ut queꞌoquen chirix. Ut li yi jach chic queꞌoquen chirix laj Omri.