1 Corintios 1:11 - Li Santil hu

¹¹ Ninye e̱re chi joꞌcaꞌin xban nak lix comoneb lix Cloé xeꞌyehoc resil cue nak cuan cuechꞌi̱nc ib saꞌ e̱ya̱nk.

Q'eqchi Bible

¹¹ Xb'aan naq xwab'i resil rik'in xkomoneb' lix Kloe naq wank wech'ij ib' sa' eeyanq, ex was wiitz'in.

1 Corintios 1:11 ပူးပေါင်းရင်းမြစ်များ

1 Timoteo 6:4

Eb li cui̱nk aꞌan ma̱cꞌaꞌ nequeꞌxnau. Junes xnimobresinquil rib nequeꞌxba̱nu. Caꞌaj cuiꞌ xcuechꞌinquil ribeb chirix a̱tin nacuulac chiruheb. Ut riqꞌuin aꞌan nachal li cakali̱nc, li hoboc, li kꞌaba̱nc ut li cuiba̱nc chꞌo̱lej.

Gálatas 5:26

Mikaba̱nu kib nak kꞌaxal nim kacuanquil ut incꞌaꞌ chic chikajoskꞌi kib ut incꞌaꞌ chic chikacakali kib.

1 Corintios 3:3

Incꞌaꞌ texru̱k xtaubal ru anakcuan xban nak toj nequeba̱nu li cꞌaꞌru naxrahi ru le̱ chꞌo̱l. Nak toj cuan li cakali̱nc ib ut li cuechꞌi̱nc ib saꞌ e̱ya̱nk, ¿ma incꞌaꞌ ta biꞌ yo̱quex chixba̱nunquil li cꞌaꞌru naxrahi ru le̱ chꞌo̱l? Ut la̱ex nequejuntakꞌe̱ta e̱rib riqꞌuineb li toj ma̱cꞌaꞌ li Santil Musikꞌej riqꞌuineb.

Proverbios 18:6

Li ma̱cꞌaꞌ xnaꞌleb naxchꞌic rib saꞌ raylal riqꞌuin li cꞌaꞌru naxye. Ut riqꞌuin li a̱tin li naxye naxtzꞌa̱ma xlob.

Gálatas 5:20

lokꞌoni̱nc yi̱banbil dios, tu̱lac, xi̱qꞌuil u̱chi̱nc, pletic, cakali̱nc, joskꞌi̱nc, yoꞌoba̱nc ra xi̱cꞌ, cuechꞌij ib, poꞌoc ru pa̱ba̱l,

Gálatas 5:15

Ut cui yo̱quex chixjoskꞌinquil e̱rib ut yo̱quex chixrahobtesinquil e̱rib, chexcꞌoxlak caꞌchꞌinak. Ma̱re anchal te̱poꞌ ru le̱ pa̱ba̱l chi ribil e̱rib.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.

Proverbios 13:10

Eb li nequeꞌxnimobresi rib junes chꞌaꞌajquilal nachal saꞌ xbe̱neb. Abanan eb li cuanqueb xnaꞌleb nequeꞌrabi li naꞌleb li naqꞌueheꞌ reheb.

Génesis 37:2

Ut joꞌcaꞌin nak queꞌcuan chak li ralal xcꞌajol laj Jacob. Laj José cuan cuuklaju chihab re, ut aꞌan natenkꞌan reheb li ras chi iloc reheb li queto̱mk. Eb li ras li nequeꞌochbenin re laj José, aꞌan eb li ralal laj Jacob riqꞌuineb lix Bilha ut lix Zilpa. Nak laj José quiril nak incꞌaꞌ us nequeꞌxba̱nu li ras, najitoc chiru lix yucuaꞌ.

Génesis 27:42

Lix Rebeca quixnau cꞌaꞌru yo̱ chixcꞌoxlanquil laj Esaú. Quixtakla xbokbal laj Jacob li i̱tzꞌinbej. Quixye re: —Qꞌue retal. Laj Esaú yo̱ chixcꞌoxlanquil a̱camsinquil.

Filipenses 2:14

Me̱choki e̱rib ut me̱cuechꞌi e̱rib. Cheba̱nuhak ban chixjunil saꞌ xya̱lal.

1 Corintios 11:18

Li xbe̱n tinye e̱re, aꞌan aꞌin: xcuabi resil nak incꞌaꞌ junaj le̱ chꞌo̱l ut junes xcuechꞌinquil e̱rib nequeba̱nu nak nequechꞌutub e̱rib chi lokꞌoni̱nc re xjulticanquil lix camic li Jesucristo. Ut la̱in nincꞌoxla nak ma̱re ya̱l ajcuiꞌ li cꞌaꞌru xcuabi.

1 Corintios 1:10

Ex inherma̱n, saꞌ xcꞌabaꞌ li Ka̱cuaꞌ Jesucristo nintzꞌa̱ma che̱ru nak junajak le̱ naꞌleb. Ma̱cꞌaꞌak li jachoc ib saꞌ e̱ya̱nk. Junajak ban le̱ cꞌaꞌux ut junajak le̱ chꞌo̱l.

1 Corintios 1:12

¿Cꞌaꞌut nak jalan jala̱nk nequecꞌoxla che̱ju̱nkal? Cuan nequeꞌxye: La̱o xtzolom laj Pablo. Ut cuan nequeꞌxye: La̱o xtzolom laj Apolos. Ut cuan ajcuiꞌ li nequeꞌxye: La̱o xtzolom laj Pedro ut cuan cuiꞌchic nequeꞌxye: La̱o xtzolom li Cristo.

Tito 3:9

Ma̱tzꞌil rix li cꞌaꞌak re ru chi a̱tinul li ma̱cꞌaꞌ rajbal ut ma̱cuechꞌi rix lix xeꞌ xto̱nal li junju̱nk. Ut ma̱cuechꞌi rix li chakꞌrab li quiqꞌueheꞌ re laj Moisés. Ma̱cꞌaꞌ aj e xba̱nunquil aꞌan xban nak li cuechꞌi̱nc ma̱cꞌaꞌ na-oc cuiꞌ.