1 Corintios 1:1 - Li Santil hu

¹ La̱in laj Pablo. Sicꞌbil chak cuu xban li Dios re nak tincꞌanjelak chokꞌ x-apóstol li Jesucristo xban nak joꞌcan quiraj li Dios. Cuochben laj Sóstenes li cuech aj pa̱banelil.

Q'eqchi Bible

¹ Laa'in laj Pablo, b'oqb'ilin chi k'anjelak cho'q x'apóstol li Kristo Jesus jo' x'alaak sa' xch'ool li Yos, wochb'een laj Sóstenes li wiitz'in,

1 Corintios 1:1 ပူးပေါင်းရင်းမြစ်များ

Romanos 1:1

La̱in laj Pablo laj cꞌanjel chiru li Ka̱cuaꞌ Jesucristo. Sicꞌbil chak cuu xban li Dios chokꞌ x-apóstol ut taklanbilin chixyebal resilal li colba-ib.

Efesios 1:1

La̱in laj Pablo. La̱in x-apóstol li Jesucristo xban nak joꞌcan quiraj li Dios. Yo̱quin chixtzꞌi̱banquil li hu aꞌin e̱riqꞌuin la̱ex laj pa̱banel li cuanquex Éfeso. Yo̱quin chi tzꞌi̱bac e̱riqꞌuin che̱junilex la̱ex li nequeqꞌue e̱chꞌo̱l chixpa̱banquil li Jesucristo.

2 Corintios 1:1

La̱in laj Pablo. Sicꞌbil cuu xban li Dios chokꞌ x-apóstol li Jesucristo xban nak joꞌcan quiraj li Dios. Cuochben laj Timoteo li kech aj pa̱banelil. Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto ut reheb ajcuiꞌ chixjunileb laj pa̱banel li cuanqueb saꞌ chixjunil li naꞌajej Acaya.

Colosenses 1:1

La̱in laj Pablo. La̱in x-apóstol li Jesucristo xban nak joꞌcan quiraj li Dios. Cuochben li hermano Timoteo nak yo̱quin chixtzꞌi̱banquil li hu aꞌin.

Hechos 18:17

Eb laj griego queꞌxchap laj Sóstenes li nataklan saꞌ li cab li nequeꞌxchꞌutub cuiꞌ ribeb laj judío. Queꞌxsacꞌ ut queꞌxtacuasi chiru li po̱pol ut laj Galión ma̱cꞌaꞌ quixye.

2 Timoteo 1:1

La̱in laj Pablo. La̱in x-apóstol li Jesucristo xban nak joꞌcan quiraj li Dios. Taklanbilin chixyebal resil li acꞌ yuꞌam li yechiꞌinbil ke xban li Dios, li yuꞌam li naxqꞌue ke li Jesucristo.

1 Timoteo 2:7

Ut la̱in li taklanbilin xban li Dios chixyebal resil lix ya̱lal aꞌin chiruheb li ma̱cuaꞌeb aj judío. Taklanbilin chixyebal resil re nak teꞌxnau cꞌaꞌru li ya̱l ut teꞌpa̱ba̱nk. Moco ticꞌtiꞌ ta li yo̱quin chixyebal. Tzꞌakal ya̱l nak xakabanbilin chixyebal li resilal reheb.

1 Timoteo 1:1

La̱in laj Pablo. Taklanbilin xban li Jesucristo chi cꞌanjelac chiru xban nak joꞌcan quiraj li Dios laj Colol ke. Ut joꞌcan ajcuiꞌ quiraj li Ka̱cuaꞌ Jesucristo li kayoꞌon.

Efesios 4:11

¿Cꞌaꞌru xya̱lal nak tzꞌi̱banbil nak quixqꞌue xma̱taneb li ralal xcꞌajol li Dios? Naraj naxye nak cuan li quiqꞌueheꞌ xma̱taneb chi cꞌanjelac joꞌ apóstol. Cuan li quiqꞌueheꞌ xma̱taneb chi cꞌanjelac joꞌ profeta. Cuan li quiqꞌueheꞌ xma̱taneb chixyebal resil li colba-ib. Cuan li quiqꞌueheꞌ xma̱taneb chi cꞌamoc be chiruheb laj pa̱banel ut cuan ajcuiꞌ li quiqꞌueheꞌ xma̱taneb chixcꞌutbal lix ya̱lal chiruheb laj pa̱banel.

Gálatas 1:1

La̱in laj Pablo. La̱in x-apóstol li Jesucristo. Moco taklanbilin ta xban cui̱nk, chi moco saꞌ xcꞌabaꞌ junak cui̱nk. Taklanbilin ban xban li Jesucristo ut xban li Acuabej Dios, li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak.

Hechos 22:21

Ut li Ka̱cuaꞌ quixye cue, “Ayu xban nak la̱in tatintakla chi najt saꞌ xya̱nkeb li ma̱cuaꞌeb aj judío,” chan cue, chan laj Pablo.

San Juan 15:16

Ma̱cuaꞌ la̱ex xexsicꞌoc cuu la̱in. La̱in ban xinsicꞌoc e̱ru la̱ex ut xexinxakab chixba̱nunquil li ti̱quilal. Le̱ ti̱quilal incꞌaꞌ ta̱osokꞌ. Ta̱cua̱nk ban chi junelic. Ut lin Yucuaꞌ tixqꞌue e̱re chixjunil li te̱tzꞌa̱ma saꞌ incꞌabaꞌ la̱in.

2 Corintios 12:12

Nak cuanquin e̱riqꞌuin nabal quincuy ut riqꞌuin xcuanquil li Dios quilajinba̱nu li milagro ut li sachba chꞌo̱lej li nacꞌutuc re nak la̱in tzꞌakal apóstol.

2 Corintios 11:5

Eb aꞌan nequeꞌxye nak apostoleb ut nequeꞌxnimobresi rib ut nequeꞌxye nak kꞌaxal cha̱bileb. ¿Ma cubenak ta biꞌ incuanquil la̱in chiruheb aꞌan?

1 Corintios 15:9

La̱in cubenak incuanquil chiruheb chixjunileb li apóstol ut ma̱cuaꞌ raj incꞌulub nak la̱inak apóstol xban nak la̱in xinrahobtesiheb chak laj pa̱banel.

1 Corintios 3:9

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

Romanos 1:5

Saꞌ xcꞌabaꞌ li Ka̱cuaꞌ Jesucristo qꞌuebilin chokꞌ apóstol xban li Dios re xchꞌolobanquil xya̱lal chiruheb li tenamit yalak bar re nak teꞌxpa̱b li Jesucristo ut teꞌxba̱nu li cꞌaꞌru naraj.

Hechos 1:2

toj saꞌ li cutan nak quicꞌameꞌ saꞌ choxa. Nak toj ma̱jiꞌ naxic saꞌ choxa, riqꞌuin xcuanquil li Santil Musikꞌej, quixye reheb cꞌaꞌru tento teꞌxba̱nu lix apóstol li quixsiqꞌueb ru.

San Juan 20:21

Li Jesús quixye cuiꞌchic reheb: —Chicua̱nk taxak li tuktu̱quil usilal e̱riqꞌuin. Joꞌ nak xinixtakla chak lin Yucuaꞌ la̱in, joꞌcan ajcuiꞌ nak texintakla la̱ex, chan.

San Lucas 6:13

Nak ac xsake̱u quixbokeb lix tzolom ut quixsicꞌ ruheb li cablaju saꞌ xya̱nkeb ut quixqꞌueheb chokꞌ apóstol. Aꞌaneb aꞌin li apóstol li quixsicꞌ ruheb:

Hechos 1:15

Saꞌ eb li cutan aꞌan jun ciento riqꞌuin junmay chixjunileb laj pa̱banel li chꞌutchꞌu̱queb aran. Laj Pedro quixakli saꞌ xya̱nkeb ut qui-oc chixyebal reheb:

Romanos 1:10

Cui li Dios naxqꞌue cue, chi se̱b tincuulak e̱riqꞌuin. Aꞌan li nintzꞌa̱ma junelic chiru li Dios.

2 Corintios 8:5

Incꞌaꞌ xkacꞌoxla nak nabal ta teꞌxqꞌue. Queꞌxkꞌaxtesi rib chiru li Dios ut queꞌxyechiꞌi ajcuiꞌ rib chikatenkꞌanquil joꞌ naraj li Dios.