Yudashi 1:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Namomo vanjelo vakanyalidíle sheo shave vo vene bai vandíleka mautu ave, nadoni Nnungu andivakondya kushii vàvaungile mang'unyang'unya ákamalilika pakulota vaukumigwe muliduva alilá likumene.

Yudashi 1:6 ပူးပေါင်းရင်းမြစ်များ

Mateu 10:15

Ninkumwaulila mwiu doni, muliduva lyaukumu shilambo sha ku Shodoma na sha ku Gomola vindadyanga kuliko likaja alyo.

Mateu 25:41

“Bai napanelo andavaulila avalá vavé kunshanda kwake kushidoni, ‘Tumukanga apa mwenu mmanu mmadilana! Kuka kushena, kumoto úkamalilika wavankandyangididye Ndamoni pamo na vanjelo vake.

Mateu 8:29

Mwe! Vanavo kukugwanga pashanya po vaashidoni, “Yesu mwanagwe Nnungu! Da wako ulota nyamani kumili kwetu wetu? Da widilé ndatupa shaushanga wakati wake ukanava kuwika?”

Nshuwau 8:44

Mwenu tatagwenu Ndamoni na malotelo atatagwenu jo, ni amulota mutandedye. Nae tangu kala ni nkúbyaa, nkati muumwiu, hapali mwaa jojo jo umwiu pamili pake havenavo. Panatangola vyaushwang'a alilodya mavalelo ake mwaa nae ni nkúshang'apa na ni lipata lyaushwang'a.

Valoma 2:5

Kanji kwoda mwaa waimbeve yako na kunanopa kwantima wako, bai unkulikungailila shitundi gwegwe umwene muliduva alilá lyashitundi pailota kulilodya ukumu yaishaliya yake Nnungu.

Vaepeshu 6:12

mwaa ing'ondo yetu hainava shinu yakupingana na munu kanji ni kupinga dimongo dyautawala, kupinga dimongo dyamadalaka na kupinga dimongo dyamushilambo uti mushii ashi shawakati au, kupinga dimongo dyadimumu dyaukalau mumautu akuwa.

Vabalaniya 10:27

kanji ni kulindila ukumu yakujowa na moto utikinyúla ulóta kuvamalidya avalá vampínga.

II Patulu 2:4

Mwenu, ikava kenga Nnungu havavikidíle shitete vanjelo vatagíle ila andivajela kushena akulá kwakudimba kwavavaungile mang'unyang'unya kwambangidya vavakondye valindila ukumu;

II Patulu 2:9

Napavedoni tundyona do, Umu ankumanya kuvaposha avalá vanjópa Nnungu nkati mukulingigwa na mwakuvavikila mushaushanga avalá vavéle muungave-shaliya muliduva alilá lyaukumu;

Yudashi 1:13

vankuva kenga mawimbi akujowa amwimanga, vitendo vyave vyadoni ni shulu shakunyata; namomo vankuva kenga dinondo diwanawananga díkave lyutu; kwavanavo vandivakandyedya ngwengwe lyutu lyakudimba do, pii.

Maono 20:10

Ndamoni áshivaduwanga, vaninjela mulitanda lyamoto likaléla na ipataki mo mwavele lidimu pamo namu nkúlava wakushang'apa. Amo vanavo vandapata mauvilo ngwengwe ngwengwe shilo na mui.

Maono 20:2

Nae anínkamula lijoka, aijá nyoka wakala àvele Ndamoni kwali Shatwani kutwala kumunga vyaka alupu imo;