Yudashi 1:3 - Ibibiliya mu Shimakonde Imbodi Yaambi na dimbande dya Imbodi Yakala

³ Mmakunagwaleka, ata ikava kenga ngushindatumbama yakumwandikila kwamwaa wakwambolegwa kwaupamo, ndyona kudyanga nimwandikile ninnaililila pakulota mushililidye likulupililo lyavapatile vakwilimyanga kwamwanda umo tu bai.

Yudashi 1:3 ပူးပေါင်းရင်းမြစ်များ

Vitendo 17:3

avaulila na avalodya kenga Klistu inímmaikila auvauvange na adyuke pakati pavakupela na ashindatangola aashidoni, “Jo Yesu wanimmalanganga aju, ni Klistu wene.”

Vitendo 18:28

mwaa ashindavataukanga kwadimongo vayuda paumbala alodya mumaandiko kenga Klistu ni Yesu.

Vitendo 20:27

mwaa ndivalanganga panikapiyapiyanga malotelo uti a Nnungu.

Vitendo 28:28

Paulu kavili kushidoni, “Ikala mumanya doni ntenga au wakwambola wake Nnungu undipalakalegwa kwavamidi na vanavo vandaigwilila.”

Vitendo 4:12

Hakunapagwa shinu kwambolegwa kwaindila yamunu junji mwaa mushilambo shapai, halipali lina linji lyajawile Nnungu kuvapa vanu kulota livaambole.”

Vitendo 6:7

Nadoni lilove lya Nnungu lishindaandavala; pa Yelusalemu vakwoda vashindaanjandyeka na vakulangalalela-shadaka voe vashindaigwilila likulupililo.

Vitendo 9:13

Ananiya do, “Umu, nangu munu aju ndivaigwanga vanu voe vammalanganga ukalau wake wavatandile nae vakwilimyanga vako ku Yelusalemu.

Vitendo 9:22

Saulu napane ashindauka mushu dimwanjadyeka dimongo na ashindavavilinganianga vayuda váshiikala ku Damashiko aakikisha kenga Yesu aju ni Klistu.

I Vakolintu 15:3

Mwaa nangu nimpalakadyedya kenga shinu shitandi shamana ashilá shangupatile nangu momo: doni, Klistu andipela kwamwaa wamadambi etu kwodananavo Maandiko;

Vagalata 2:5

Wetu hatulidabadabyénge kuvaigwilila vanavo kulamana na padyoko vela pakulota umwiu wantenga wambone uliikiniye kwenu mwenu.

Vagalata 3:28

Hapali muyuda na ata ngalegu, ntumwa na ata wamuunaiti, nnume kwali nkongwe mwaa uti mwenu ni munu jumo mumwe Klistu Yesu.

Vagalata 6:11

Lola dinembo ding'umene dyanimwandikila na wo nkono wangu nimwene.

Vaepeshu 1:1

Paulu, myombe umwe Klistu Yesu kwalilotelo lyake Nnungu kwavakwilimyanga vapágwa ako ku Epeshu, vo vakukulupilika nkati mumwe Klistu Yesu.

Vapilipo 1:1

Paulu namu Timoti vatumwa vamwe Klistu Yesu kwavakwilimyanga uti nkati mumwe Klistu Yesu múpagwa ako ku Pilipo pamo na vakulaledya na vatumika.

Vapilipo 1:27

Shikumene nama muvaikidíle ntenga wambone umwe Klistu pakulota ndikaida nannola kwali ndikanaida, ngwigwe kwenu mwenu kenga munkunanopa mu Imumu jumo, kwaunapamo mulikanyalidya kwamakumbukililo amo lolo kwamwaa walikulupililo lyantenga wambone

Vakoloshu 1:2

kwavakwilimyanga na kwavakukulupilika vanung'unumunu nkati mumwe Klistu vápagwa ku Koloshu. Umonyo upagwe kwenu mwenu na amani vyakwalakela kumwe Nnungu Tatagwetu.

I Vateshalonika 2:2

Ata ikava kenga tundyúvauvanga na kutananigwa kunyata akulá ku Pilipo mo mwamumanyilile shana, tundívanavo ntima shii nkati mumwe Nnungu wetu wakummalangangila ntenga wambone wa Nnungu nkati mukupingigwa kwoe.

I Timoti 1:18

Lilailililo ali ninkukukamudya mwanangu Timoti kwodananavo malavilo atangaléke kwamwaa wako kwambangidya dashi, kwaindila yaanavo utende ing'ondo yo yambone

I Timoti 6:12

Tenda ing'ondo yambone yalikulupililo. Kamulila shingumi shíkamalilika ashilá shavakushamalele sho shaulyawile pamevo pamashuda oe.

II Timoti 1:13

Odedya mpano wamalove mangumi awigwite kwangu upagwa mulikulupililo na linagwaledyo lipágwa nkati mumwe Klistu Yesu.

Titu 1:4

kumwe Titu mwanangu waumwiu nkati mulikulupililo lyetu lyaupamo. Umonyo na amani vyakwalakela kumwe Nnungu Tatamunu na kumwe Klistu Yesu Mwamboli wetu, vipagwe kwako wako.

Vabalaniya 13:22

Mmanung'unumunu, ninkunjugwangila mulipililile malove angu aninnaililila; kwakutangola mwiu avilá vyanimwandikidile vyo, vive padyoko.

Vabalaniya 6:9

Kwenu mwenu mmakunagwaleka, ata ikava kenga tunditangola kwainamuna ai, tunkuvanavo wakika wakupagwa kumanyikanga kwavinu vipagwíte nkati mukwambolegwa.

I Patulu 5:12

Kwalipwashalelo limwe Shilivanu aijá wanimwamini kuva nung'unumunu wakukulupilika, nangu ndimwandikila mwenu kwaungwipi ninjugwangila na ngumyaa ushuda kenga: au ni umonyo wiu wake Nnungu. Pagwa mukunanopa nkati muumonyo wake Nnungu.

II Patulu 1:1

Simoni Patulu, ntumwa na myombe umwe Yesu Klistu, kwa avalá vapatíle likulupililo lyolyo livénavo mana alinganána na lyetu kwaindila yaishaliya imwe Nnungu wetu, Mwamboli Yesu Klistu.

II Patulu 2:21

Kudyanga vanavo leka vakamanyite indila yaishaliya kuliko kumanya kutwala kuujila kavili kunyuma na kwambukanga lilamulo lyakwilimyanga lyavaukile ndapwashalela.

Yudashi 1:1

Nangu Yudashi ntumwa umwe Yesu Klistu na nene ni nung'une Tiyagu, kwenu mwenu mmakushamegwa múnagwaleka nkati mumwe Nnungu Atata na múshungigwa kwamwaa umwe Yesu Klistu.

Yudashi 1:17

Kanji napane mwenu mmakunagwaleka, kumbukila malove alalá avammanyiidye kunantandi vamyombe vamwe Umu wetu Yesu Klistu.

Yudashi 1:20

Kanji napane mwenu mmakunagwaleka, mulidenga nkati mulikulupililo lyenu lyakwilimyanga-uti, mushwalya nkati mu Imumu Wanashwe,

Maono 12:11

Vanavo vanintema kwamwaa wamyadi vya Ngandolo na kwalilove lyaushuda wave mwaa vanavo havanagwaladídye shingumi shave pakulota vanapele.

Maono 2:10

Vyaulota kuvauvanga vyo, haunajope. Igwa, pakati penu Ndamoni andavajela vanji nkalaboshi pakulota mulingigwe na mundauvauvanga maduva kumi. Kulupilika mpaka kupela nangu ndakupa lidaka lyashingumi.