Vitendo 9:36 - Ibibiliya mu Shimakonde Imbodi Yaambi na dimbande dya Imbodi Yakala

³⁶ Napanelo panjini wa Yope andípagwa nkongwe jumo nkwóda walina Tabita, lina lyavashema mushigalegu Dolakashi, nae avele wavitendo vyambone na ashindavapwashela vamashikini.

Vitendo 9:36 ပူးပေါင်းရင်းမြစ်များ

Mateu 25:17

Aijá ápatile mbili, nanae kwanjadyedya dinji mbili.

Nshuwau 15:5

“Nangu ni nnandi wavyepo, mwenu po dinavi. Aijá ápagwa nkati mwangu, nangu kupagwa nkati mwake nae, ajo andápa vyepo vyoe. Doni, bila nangu mwenu hashipali shamulota kuulula kutenda.

Nshuwau 15:8

Ni amu mwapatila Atata lishangelo; mwenu mukapa vyepo vyoe mukalilodya kuva mmakwoda vangu.

Vitendo 10:23

Bai Patulu andívapwashalela vajeni vo paing'ande; palyamba lyake nae namu vanavo vandímalidya mwanda kutwala vanung'unumunu vanji va pa Yope kumpalakela.

Vitendo 10:31

kutwala kushidoni, ‘Koluneli, kushwali kwako ngwengwe Nnungu ankwigwa na lipwashalelo lyako lyaunaumya uvapa vamashikini hanalivaliva shinu.

Vitendo 10:8

kuvavalangangila vinu uti vitandéke kutwala kuvatumidya ku Yope.

Vitendo 11:13

Koluneli kutwala kutuvalangangila mwamwanadile njelo wa Nnungu àimidile paing'ande pake amwaulila doni, ‘Ntumidye munu ku Yope akakushamele munu jumo walina Simoni ámanyika kwalina lya Patulu.

Vitendo 11:5

“Muliduva limo nangu ngùpagwite mukushwali mulikaja lya Yope, Nnungu aníngupa indoti kutwala kwona shinu mwalikuba likumene lyakukandapala kenga lyavakamulanidile mmapepe uti nsheshe lyaloka kuwa lishulukila pepi na panguvéle nangu.

Vitendo 9:38

Napanelo pa Yope namu pa Lida hapalapanénge namene; nadoni, vakwoda pavaigwite kenga Patulu apali pa Lida vanavo vandívatumidya vanu vavili kuka nanjugwangila Patulu aide shipajelo aonane namu vanavo pa Yope.

Vitendo 9:42

Shitendo ashi shindíigwinika pa Yope uti na vanu voe vanínkulupila Umu.

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Vapilipo 1:11

mùumbaligwidye shepo shaishaliya shaalóka kwaindila imwe Yesu Klistu kwalishangelo na kwakutumbyangilika kumwe Nnungu.

Vakoloshu 1:10

kwambangidya muname shinamidyo shimmaikíla Umu, vinnagwela muuti, mupa vyepo mushimadengo uti shambone, mukulumuka mukummanya Nnungu,

I Vateshalonika 4:10

Namwiu munkutenda kwavanung'unumunu Makedoniya uti. Tunkunnaililila napane mmanung'unumunu mutandedye kupunda apo,

I Timoti 5:10

na ámanyike shana kwashimadengo shake shambone: ávaladile vana, ákalibishidye, ánavyenge medi madodo avakwilimyanga, ávapwashaladile vakuvauvanga na álijawile mushimadengo shambone shakula inamuna.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Titu 2:7

gwegwe umwene ulilodya kuva mpano wavitendo vyambone muvinu uti. Mumapundisho ako lo, lodya umwiu ungave-dimbenje

Titu 3:8

Lilove ali, lyakukulupilika na kwavinu avi ninkulota doni, wako wigwiniye shana kwambangidya dashi, avalá vankulupíla Nnungu vaangaikangile kupagwa muvitendo vyambone. Vinu avi vyamana na vinkuvanavo paida kwavanu.

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.

Tiyagu 1:27

Idini yaungave-ushapu na yaungave-udagwa pamevo pake Nnungu Atata ni ai: kuvalola vananshiva na vanamwili nkati mumashida avo, namomo kulishunga gwegwe umwene pakulota shilambo hashinakupake lilemba.