Vitendo 9:29 - Ibibiliya mu Shimakonde Imbodi Yaambi na dimbande dya Imbodi Yakala

²⁹ Namomo ashindatangola na ashindataukananga na vayuda váshitangola shigalegu kanji vanavo vashindalambela dindila dyakummyaila.

Vitendo 9:29 ပူးပေါင်းရင်းမြစ်များ

Vitendo 11:20

Kanji vakwoda vanji va ku Kupulu na va ku Shilene vakawike pa Antiyokiya, vandítangonavo vagalegu vavavalangangila ntenga wambone umwe Umu Yesu.

Vitendo 17:17

Napavedoni nae ashindataukananganavo vayuda na vanu vanji vakunjopa Nnungu mushitala shave shakulipudidya na kutaukananga na vanu vanji váshipita pashiwanja shamikodyanio.

Vitendo 18:19

Pavawikile pa Epeshu, nae andívaleka kutwala kuka ndainjila mushitala shakulipudidya ndataukananganavo vayuda.

Vitendo 19:8

Paulu muwakati wamyedi mitatu, ashindauka kushitala shakulipudidya aombanga myaa na avashomba pakajugulanga shinu kwamwaa wautawala wa Nnungu.

Vitendo 22:18

Mwindoti yoyo nangu kumwona Umu angwaulila doni, ‘Uma shipajelo pa Yelusalemu apa mwaa venentete ava ushuda waulota kumya wako unguvalanganga nangu, havaitikila.’

Vitendo 6:1

Napanelo muwakati washishaanjadyeka shipinga shavakwoda, avalá váshitangola shigalegu vashindavatangadikanga vabalaniya mwaa vanamwili vave vashindalivalivigwa mulipwashalelo lyakula liduva.

Vitendo 9:27

Napane Balinaba aníntwala kumuukanavo kwavamyombe ndavavalangangila mwashi mwangwanalele Umu niindila ya ku Damashiko na jo Umu anditangola namu nae, namomo mwashi mwavalangangidile ku Damashiko kwabila kujopa palina limwe Yesu.

Vitendo 9:28

Nadoni Saulu andílyunganianga na vakwoda na ashindapita avalanganga palina limwe Umu nkaja mu Yelusalemu pakajugulanga shinu.

II Vakolintu 11:26

Ngwengwe nguvé mushimwanda, muvijoidyo vyadyundi, muvijoidyo vyamajambashi, muvijoidyo vyavakwetu, muvijoidyo vyavamidi, muvijoidyo munjini, muvijoidyo kushimbweshe, muvijoidyo mudimanga na muvijoidyo pakati pavanung'unumunu vakushang'apa,

Yudashi 1:3

Mmakunagwaleka, ata ikava kenga ngushindatumbama yakumwandikila kwamwaa wakwambolegwa kwaupamo, ndyona kudyanga nimwandikile ninnaililila pakulota mushililidye likulupililo lyavapatile vakwilimyanga kwamwanda umo tu bai.

Yudashi 1:9

Doni, ata jo Migele nang'olo wavanjelo pashitaukananga namu Ndamoni vapwatanila mili umwe Musha, nae halyalaveke kumya ukumu yakukupulu kanji atédoni, “Umu akushulange.”