Vitendo 9:27 - Ibibiliya mu Shimakonde Imbodi Yaambi na dimbande dya Imbodi Yakala

²⁷ Napane Balinaba aníntwala kumuukanavo kwavamyombe ndavavalangangila mwashi mwangwanalele Umu niindila ya ku Damashiko na jo Umu anditangola namu nae, namomo mwashi mwavalangangidile ku Damashiko kwabila kujopa palina limwe Yesu.

Vitendo 9:27 ပူးပေါင်းရင်းမြစ်များ

Vitendo 11:22

Napanelo dyabali dya ku Antiyokiya dindíigwinika na liganisha, lyo lya pa Yelusalemu kutwala vanavo kuntumidya Balinaba koko.

Vitendo 11:25

Napanelo Balinaba andyúka ku Talashishi nannambela Saulu.

Vitendo 12:25

Bai Balinaba namu Saulu pavatandadidye shimadengo shave pa Yelusalemu vandyúma na mumwanda wave vaníntwala Nshuwau aijá áshimanyika kwalina lya Malukushi.

Vitendo 13:2

Muliduva limo vakwoda uti valipudya kumwe Umu na vàvele mukunga, Imumu Wanashwe andívaulila kushidoni, “Mwapule Balinaba namu Saulu vauke vakakole madengo anivashamadile.”

Vitendo 15:2

Bai ing'ano ai iníntadya Paulu namu Balinaba vapwatane yakudimba kumevo na vanu avo. Nadoni indyámuligwa pakulota Paulu namu Balinaba pamo na vanung'unumunu vanji vapaliganisha lya pa Antiyokiya vauke ku Yelusalemu vakakadyanie na vamyombe pamo na vanang'olo pakulota valalyange ing'ano ayo.

Vitendo 4:13

Napanelo vakone ntima shii umwe Patulu namu Nshuwau vamanya kenga vavele vanu vákashamidye na vanu vila tu, vandíshanga namene kutwala kwanalela kenga vovo vo, vandinama namu Yesu.

Vitendo 4:29

Napanelo Umu, lola mevo mavili mitisho vyave utupe dimongo tuvatumika vako pakulota tuvalangange lilove lyako patukajugulanga shinu

Vitendo 4:36

Nadoni pakati pavanu avo, mulawi Yoshe munu wa ku Kupulu wavashinshema vamyombe Balinaba kwakuvalangangila mana ake nkúnonowanga,

Vitendo 9:17

Nadoni Ananiya andyúka paing'ande apo kwinjila nng'ande kutwala kummikila makono Saulu aashidoni, “Nung'unumunu Saulu, Umu Yesu ákuumililidile niindila wida akuno, aningutumidya kwako wako pakulota uujile kulola na uumbaligwe na Imumu Wanashwe.”

Vitendo 9:29

Namomo ashindatangola na ashindataukananga na vayuda váshitangola shigalegu kanji vanavo vashindalambela dindila dyakummyaila.

I Vakolintu 15:8

Kumwisho kwake ko, kenga kwamunu ávalakwadidye wakati úkavaikidile kutwala kunguumilila nangu.

I Vakolintu 9:6

Kwali ni gweka nangu namu Balinaba túkavenavo aki íkavele yakukola madengo?

Vagalata 2:13

Namomo vayuda vanji uti vandílyunganianga namu Kepashi mo mushinankulaba, ata mpaka Balinaba momo andítwaligwa mushinankulaba shave.

Vagalata 2:9

Nadoni vamanya umonyo wangupatile, Tiyagu, Kepashi namu Nshuwau, vo váshaaneka kuva mabodo, vandítuwanidya makono akulodya upamo namu wetu, yani nangu namu Balinaba. Vanavo vandíkubali wetu tuve kwavamidi, vanavo kwavayuda