Vitendo 9:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Ananiya do, “Umu, nangu munu aju ndivaigwanga vanu voe vammalanganga ukalau wake wavatandile nae vakwilimyanga vako ku Yelusalemu.

Vitendo 9:13 ပူးပေါင်းရင်းမြစ်များ

Mateu 10:16

“Mwenu, nangu ninkuntumidya kenga mmangandolo shing'ati mavinji. Napavedoni ava mmajanja kenga dinyoka na múkavele makukulu kenga ding'unda.

Vitendo 22:4

Nangu ndivapapata vanu váshoda Indila ai ata mpaka kuvabyaa nguvaunganga na nguvajela mudikalaboshi i gweka valume kanji namomo vakongwe.

Vitendo 8:3

Napanelo Saulu alota kumalidya liganisha, ashindainjila muding'ande uti dyavakwoda apita avakamula valume na vakongwe auka ndavajela nkalaboshi.

Vitendo 9:1

Napanelo Saulu amamodya mitisho yakuvabyaanga vakwoda vake Umu andímuukila nkúlangalalela-shadaka nkumene

Vitendo 9:21

Napanelo vanu uti váshimwigwa vashinanshanga na vashindaudyania, “Da munu aju i jo ávatandile ing'ondo avalá vatambulánga lina ali ku Yelusalemu? Nae akuno aidilé kukuvakamula vanu avaukenavo kwavanang'olo vavakulangalalela-shadaka?”

Vitendo 9:32

Napanelo Patulu pashipita awanawananga kula kushinu momo andyálela kuka ndavalola vakwilimyanga váshipagwa pa Lida.

Vitendo 9:41

Nae kunkamula nkono ampwashela pakulota aimile kutwala kuvashema vanamwili pamo na vakwilimyanga kuvalodya Tabita mumi.

Valoma 1:7

Kwenu mwenu uti múpagwa ku Loma, mwemwe mmakunagwaleka vake Nnungu na múshamagwidye muve mmakwilimyanga. Umonyo upagwe kwenu mwenu na amani yakwalakela kumwe Nnungu Tatagwetu na kumwe Umu Yesu Klistu.

Valoma 15:31

pakulota dashi, nangu nguposhegwe kwa avalá vákaigwilila vavéle ku Yudeya na pakulota utumika wangu ku Yelusalemu witikilike na vakwilimyanga

Valoma 16:15

Mupe nandele Pilologu namu Yuliya, Neleu pamo na nkulugwe, Olipashi pamo na uti vakwilimyanga vapagwíte namu vanavo.

Valoma 16:2

pakulota mumpwashalele nkati mumwe Umu kenga muvaikidíle kwavakwilimyanga, namomo mpwashele muvyoevyoe vyalota kulota kwenu mwaa nae ankuvapwashalela vanu voe na ata nangu momo.

I Vakolintu 1:2

Kwaliganisha lyake Nnungu lipágwa ako ku Kolintu, kwa avalá vatandagwídye kuva vakwilimyanga nkati mumwe Klistu Yesu na vashamagwídye vave vakwilimyanga pamo namu avalá mudisemu uti vatambulánga lina limwe Umu wetu Yesu Klistu, Umu wave na wetu.

I Vakolintu 14:33

Mwaa Nnungu hanava shinu Nnungu wampulugu kanji ni waamani. Kwakulinganana kenga mo mwaivalalele mmaganisha uti avakwilimyanga vake Nnungu,

I Vakolintu 16:1

Napanelo kwaing'ano yamishango kwavakwilimyanga, kenga mo mwangulamulidile maganisha a ku Galata, namwenu momo tenda.

I Vakolintu 6:5

Ninkwamba vinu avi pakulota nintae dyoni. Da hapali munu walimanyilo pakati penu wakuulula kwangangola myaa pakati pavanung'unuvake?

Vaepeshu 1:1

Paulu, myombe umwe Klistu Yesu kwalilotelo lyake Nnungu kwavakwilimyanga vapágwa ako ku Epeshu, vo vakukulupilika nkati mumwe Klistu Yesu.

Vapilipo 1:1

Paulu namu Timoti vatumwa vamwe Klistu Yesu kwavakwilimyanga uti nkati mumwe Klistu Yesu múpagwa ako ku Pilipo pamo na vakulaledya na vatumika.

Vapilipo 4:22

Vakwilimyanga uti vankuntumidya nandele kupunda namene vapágwa paing'ande imwe Shashali.

Vakoloshu 1:2

kwavakwilimyanga na kwavakukulupilika vanung'unumunu nkati mumwe Klistu vápagwa ku Koloshu. Umonyo upagwe kwenu mwenu na amani vyakwalakela kumwe Nnungu Tatagwetu.

Vabalaniya 13:24

Vape nandele vananangalaledi venu uti pamo na vakwilimyanga uti; va ku Italiya, vanavo vankuntumidya nandele.

Yudashi 1:3

Mmakunagwaleka, ata ikava kenga ngushindatumbama yakumwandikila kwamwaa wakwambolegwa kwaupamo, ndyona kudyanga nimwandikile ninnaililila pakulota mushililidye likulupililo lyavapatile vakwilimyanga kwamwanda umo tu bai.