Vitendo 8:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Napanelo panjini wowo, andípagwa munu jumo walina Simoni. Munu aju muwakati wapanyuma pake ashindatandedya vinu vyashaviavi vyashivatikiniyanga vashamaliya na kulitenda kuva munu wakujowa.

Vitendo 8:9 ပူးပေါင်းရင်းမြစ်များ

Nshuwau 7:18

Munu ánatangola yake jo mwene, alambela alipatile lishangelo jo mwene kanji aijá ánalambela lishangelo kwa aijá ántumididye, aju ni munu waumwiu na jojo jo nkati mwake, ushwang'a haupali.

Vitendo 13:6

Napane pavadingukenge shitingi asho mpaka pa Papu vanínkodya nkúlava jumo wakushang'apa mwavi muyuda walina Bali-Yesu.

Vitendo 13:8

Kanji Elimashi mwavi jo, mwaa aku ni kuvalangangila kwalina lyake, ashindavavangedya vamyombe alambela antividyange gavana hanaliinjidyange mulikulupililo.

Vitendo 5:36

Muvyaka vyapanyuma padyoko, andyúmilila Teudashi munu áshilivika kuva wakwishimika; vandílyunganianga namu nae vanu vakuwikila shikonda kenga shadimiya nsheshe doni. Kanji pavamwovidye shingumi, avalá uti váshinkulupila vandímwadilikananga kutwala ing'ano ayo kumalilikila popo.

Vitendo 8:11

Nae vashamaliya vashindamwishimu namene mwaa dimindi dyoe ashindavatikiniyanga na vitendo vyake vyashaviavi.

II Vateshalonika 2:4

jo ápinga na álikwedya pashanya pavinu uti avilá vishamégwa kuva Nnungu kwali vinu vyakulipudidya kutadya mpaka kwikala mwing'ande ya Nnungu alivalanganga kuva Nnungu.

II Timoti 3:2

Mwaa vanu vandava vakulinagwaledya vo vene, vakunagwaledya njuluku, vakulitumbyanga, vakulyona, vakwabola, vákavaigwilila vatatamunu, vákalambwalela, vákanjopa Nnungu,

II Timoti 3:5

vavanavo ding'ope dyakunjopa Nnungu kanji akuno vaita dimongo dyake. Vanu avo, aapukananganavo.

II Patulu 2:18

Vovo vo, vatangola malove akulyona amambinya, kwaditamaa dyave dyashimunumunu, vankuvashomba avalá vapalanywéke muwakati wakuvandika kwavanu valilangalaléla mukukowa.

Maono 22:15

Vandaikala panda vang'avanga, vavi, vakulavalava, vakubyaa, valipúdya kwavannungu pamo namu avalá vanagwalédya na vatandédya vyakushang'apa.