Vitendo 8:2 - Ibibiliya mu Shimakonde Imbodi Yaambi na dimbande dya Imbodi Yakala

² Vanu vakunjopa Nnungu vandítwala mili umwe Shiteva kuka ndashika na vanínnilila namene.

Vitendo 8:2 ပူးပေါင်းရင်းမြစ်များ

Malukushi 6:29

Vakwoda vake Nshuwau vakaigwe dyabali adyo vandyúka ndatwala mili wo ndashika.

Lukashi 2:25

Napanelo ku Yelusalemu ko, andípagwa nang'olo jumo wavashinshema Shimiyau; nang'olo aju avele munu waishaliya na wakunjopa Nnungu. Nae ashindalindila kupambadyangigwa kwavanaishilaeli na Imumu Wanashwe andípagwa namu nae.

Vitendo 10:2

Munu aju pamo na vanu uti vapaing'ande yake vandyálala mitima na vashindanjopa Nnungu; nae ashindavapa lipwashalelo lyoe vamashikini na ashindashwali ngwengwe kwa Nnungu.

Vitendo 2:5

Napanelo ku Yelusalemu vashindaikala vayuda vanu vakulipudya ngwengwe kwa Nnungu ve vaalakadíle muvenentete uti vamushilambo shapai.

Vitendo 8:1

Bai Saulu andyúngila nkono ing'ano yakumpedya kwake. Napanelo kutunduvangila muliduva lyolyo, shindyúmilila shititimbu shakupapatigwa liganisha, yani shipinga shavakwoda váshipagwa pa Yelusalemu. Nadoni vakwoda vandívamwadikanianga pa Yelusalemu vanavo kutukutila mumakaja a ku Yudeya na a ku Shamaliya kanji vamyombe vandíijalila pa Yelusalemu.

Vitendo 8:3

Napanelo Saulu alota kumalidya liganisha, ashindainjila muding'ande uti dyavakwoda apita avakamula valume na vakongwe auka ndavajela nkalaboshi.