Vitendo 7:60 - Ibibiliya mu Shimakonde Imbodi Yaambi na dimbande dya Imbodi Yakala

⁶⁰ Bai andíguguvala kutwala kukuta pashanya po, aashidoni, “Umu haunavaukumu mwaa walidambi ali.” Patangwele malove ala, nae kujaa shingumi.

Vitendo 7:60 ပူးပေါင်းရင်းမြစ်များ

Mateu 27:52

Vyonga kushimukanga, mili vyoe vyavakwilimyanga vapadíle, kudyuka.

Mateu 5:44

Napane nangu jo ninkumwaulila doni, vanagwaledye vamongo venu na vashwalidye avalá vampapáta

Lukashi 22:41

Nae kuvaleka kuka shitamba shamadodo salasini doni ndaguguvala kushwali

Lukashi 23:34

Kanji Yesu kushidoni, “Atata, valivalive mwaa havanamanya shinu shavatenda.” Bai vanavo vandíjalanga gudugudu kwambangidya vajavanange dinguvo dyake.

Lukashi 6:28

vaalaliye vannikíta na vashwalidye vamuuvyánga.

Nshuwau 11:11

Malove ala nae andítangola naling'oto andítangola kavili aashidoni, “Njetu Lashalu andilala, nangu ninkuka ndamwimulanga.”

Vitendo 13:36

“Napanelo Daudi muwakati wake akatandedye malotelo ake Nnungu, andíjaa shingumi na vandyúka nanshika pavyonga pavalala vanakuluvake kutwala kunda

Vitendo 20:36

Pamalidile kutangola malove alo nae andíguguvala pamo na vakwoda vanji kutwala kushwali.

Vitendo 21:5

Nkaja amo tukaikalange maduva etu alo, wetu tundyúma kulodya kwatushuka. Kutwala vakwoda na vadyavavo pamo na vanavavo kutupalakela kumalila likaja mpaka ndawika nanyenje imanga; koko ko, tundíguguvalanga kutwala kushwali.

Vitendo 9:40

Patulu napane akavaumadyanga vanu uti mushumba mo akaguguvala kushwali, akashiliuka kulola mili kutwala kushidoni, “Tabita, takatuka!” Bai Tabita andíng'amula mevo kunnola Patulu kutwala kutakatuka kwikala.

I Vakolintu 11:30

Ni ashi shitádya pakati penu voe vave vakudabadabanga, valwele na vanji, vandipela.

I Vakolintu 15:18

Namomo avalá vapadíle nkati mumwe Klistu, vandijaika.

I Vakolintu 15:20

Kanji napanelo Klistu mwiu andidyuka mukupela; jojo jo kuva shepo shitandi pakati pa avalá valéle.

I Vakolintu 15:51

Mwenu, nimwaulila shipii i uti tundalala ila wetu uti tundajaluwangigwa,

I Vakolintu 15:6

Kutwala apo, kuvaumilila vanung'unumunu vakupunda vanu dimiya mwanu kwamwanda umo, vanji pakati pave voe vankupagwa mushingumi mpaka ambi kanji vanji vo, vandipela.

I Vateshalonika 5:10

ápadile kwamwaa wetu kwambangidya ata tukava mevo kwali tukalala, tuname namu nae.

II Timoti 4:16

Mukulishililidya kwangu kutandi, hapali munu ata jumo e avéle upande wangu, uti vaníngwambukanga. Kwashitendo ashi, havanavalangiligwe.

II Patulu 3:4

vaashidoni, “Da shitandeke shinu shani nkati mukulivikila kwake yakwida? Tangu vanyakalavetu kujaa shingumi, vinu vinkuvalela momo kenga kunantandi kukandyangigwa shilambo.”