Vitendo 7:54 - Ibibiliya mu Shimakonde Imbodi Yaambi na dimbande dya Imbodi Yakala

⁵⁴ Bai avalá vanang'olo vapanguguvale vakaigwe davo shindívalipuka shitundi mmitima mwave kutwala kushimwa mpaka kutuka shulu.

Vitendo 7:54 ပူးပေါင်းရင်းမြစ်များ

Mateu 13:42

Vovo vo, vandavajela kulitungulu, kushinu kulota kupagwa shililo na kutuka shulu nkanywa.

Mateu 13:50

Vakalau vo kuvajela kulitungulu kushinu kulota kupagwa shililo na kutuka shulu nkanywa.”

Mateu 22:13

Bai umu jo kuvaulila vatumika vake kushidoni, ‘Nkamule mumunge mmadodo pamo na mmakono mukanjele panda po kushii! Kushinu kulota kupagwa shililo na kutuka shulu nkanywa.’

Mateu 24:51

Nae anannumulanianga kutwala shingumi shake ndaanganianga na shavamalambi. Kushinu ako kundapagwa shililo na kutuka shulu nkanywa.

Mateu 25:30

Bai ntumika aju wakubanga ntwale munjele panda kushii ko! Kushinu ako kundapagwa shililo na kutuka shulu nkanywa.’

Mateu 8:12

napane avalá vene utawala kujalegwa panda kushii. Kwanavo ko kundapagwa shililo na kutuka shulu nkanywa.”

Lukashi 13:28

Pamumwona Abulaamu, Ishaki, Yakobo namu vakulava uti vàvele kuutawala wa Nnungu, mwenu vàngang'aladidye panda, popo po mundalila na mundatuka shulu.

Vitendo 5:33

Napane vanavo pavaigwite malove alo, vandínyanyamukanga kulota kulamulila kuvovya shingumi.