Vitendo 6:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Napavedoni vanu vapashitala shakulipudidya shavashishema “Shavanu vamuunaiti” pamo na vaalakadíle ku Shilene, ku Alishandaliya, ku Kilikiya na ku Ashiya vandíbuwa ntau namu Shiteva

Vitendo 6:9 ပူးပေါင်းရင်းမြစ်များ

Mateu 10:17

Lilaledye kwavanu. Vanavo vanantwala mwenu kumuukanavo mudikamati na muvitala vyave vyakulipudidya, vananshapa viboko.

Mateu 23:34

Napavedoni nangu ninkuntumididya mwenu vakulava, vanu valimanyilo na vamwalimu. Napane mwenu vovo vo, vanji mundavabyaa, vanji kuvapambilila, vanji muvitala vyenu vyakulipudidya kuvashapa viboko na vovo vo, kula likaja mundavalumbata.

Mateu 27:32

Napanelo pavashuma nkaja mo vanínkodya munu jumo wa ku Shilene walina Simoni, vanavo kutwala kumuungila alitike nshalaba umwe Yesu.

Malukushi 13:9

“Mwenu lilaledye! Vanu vandamuukanavo mudikamati na muvitala vyakulipudidya vananshapa viboko. Kwamwaa wangu nangu mundaimila mushu mwavananangalaledi vamajimbo na mwavaumu kenga ushuda kwavanavo.

Lukashi 21:12

“Kanji vinu avyo uti vikanava kutandeka, kwamwaa walina lyangu mwenu vanankamula kumuuvyauvyanga, vamuukanavo kuvitala vyakulipudidya, vanjela mudikalaboshi na vamuukanavo kwavaumu na kwavananangalaledi vashilikali.

Vitendo 11:20

Kanji vakwoda vanji va ku Kupulu na va ku Shilene vakawike pa Antiyokiya, vandítangonavo vagalegu vavavalangangila ntenga wambone umwe Umu Yesu.

Vitendo 13:1

Napanelo paliganisha lya pa Antiyokiya vandípagwa vakulava na vamwalimu kenga ava: Balinaba, Shimiyau áshimanyika kwalina lya Wakudimba, Lushiu wa ku Shilene, Manaeni munu ákulumwike pamo namu umu Elode na kupagwa Saulu.

Vitendo 13:45

Bai vayuda pavagwene imbumba yavanu vakadyénie indívaumbala ing'ou kutwala kuntaukanga Paulu na kumwabalanga.

Vitendo 15:23

kutwala kuvapa vaukenavo ibalugwa yavaandike doni, “Vamyombe pamo na vanang'olo vàvele vanung'unumunu, kwavanung'unumunu avalá vamidi vapágwa disemu uti dya ku Antiyokiya, ku Shiliya na ku Kilikiya, mumpate nandele.

Vitendo 15:41

na ashindapita ku Shiliya namu ku Kilikiya anonowanga maganisha.

Vitendo 16:6

Vanavo vandípita isemu ya ku Piligiya na ku Galata vakadivililigwa kwa Imumu Wanashwe kuvalanganga lilove ku Ashiya.

Vitendo 18:24

Napanelo ku Epeshu andíwika muyuda jumo walina Apolu wa ku Alishandaliya. Nae avele munu wakumanya kutangola na andímanya namene Maandiko.

Vitendo 19:10

Bai shimadengo asho Paulu andítenda muvyaka vivili mpaka vanu uti valijimbo lya Ashiya, vayuda namu vamidi kwigwa lilove lyake Umu.

Vitendo 19:26

Mwenu munkwona na munkwigwa shana vinu vyapita atenda munu wavanshema Paulu akuno ku Epeshu na mpaka Ashiya yene ai uti. Nae andívashomba na andivashinjiulanga vanu atangola doni, ‘Vannungu vakuvakandyanga vanu vene havanava shinu vannungu vaiu.’

Vitendo 21:27

Napanelo maduva saba akulyalaliya alota kumalilika, vayuda va ku Ashiya vakamwone Paulu mwing'ande ya Nnungu vanavo vandívakang'ela venentete na vanímwinjilinneu

Vitendo 21:39

Paulu kutwala kushidoni, “Nangu nimuyuda nguvalakwidyé pa Talashishi likaja lyakwigwinika lya ku Kilikiya. Kanji napane ninkukujugwa ungupe litala lyakutangola na venentete.”

Vitendo 22:19

Kanji nangu kushidoni, ‘Umu vanavo vandimanya shana kenga nangu nishindapita ngutanela vitala vyakulipudidya, nivaunganga na nivashapa viboko vanu váshikukulupila wako, nivaukanavo ndavajela mudikalaboshi.

Vitendo 22:3

“Nangu ni muyuda nguvalakwadidye nkaja mu Talashishi ya ku Kilikiya ngukulumukidile nkaja mo mu Yelusalemu amu ngushungigwe mmadodo mwake Gamaliyele ngupundishigwe kwodananavo kushinyigwa kwa Lilamulo lyavanyakala vetu na nguvanavo dukuduku kwa Nnungu kulingana kenga mo mwampagwidya mwenu nelo amu.

Vitendo 23:34

Bai nanangalaledi wamajimbo akashomye ibalugwa ailá andímudya Paulu lijimbo lyavalakwadidye. Napanelo akamanye kenga Paulu avele wa ku Kilikiya,

Vitendo 24:18

Panishitenda vinu avyo, vayuda va ku Ashiya kutwala kungukodya mwing'ande ya Nnungu kanji ngùlyushanienge kala ushapu; pashinu apo haipagwíte imbumba yavanu na haupagwíte upuju.

Vitendo 26:11

Dimindi dyoe nangu ndipita muvitala vyakulipudidya ndivapa shaushanga ndivakanyilidya pakulota vakupulu na mushitundi shangushivavikila, vaningutadya nguke ndikainjile muvilambo vinji vyavamidi ngupita ndivapapata.

Vitendo 6:10

kanji havashuulula kutauka limanyilo na Imumu Wanashwe áshinnangalalela nae mukutangola.

I Vakolintu 1:20

Da avé pashi nkúmanya? Avé pashi mwalimu wadishaliya? Avé pashi walukalakowa wawakati au? Da Nnungu hatandile kuva ujinga limanyilo lyashilambo ashi?

Vagalata 1:21

Badae nindyúka disemu dya ku Shiliya na dya ku Kilikiya.