Vitendo 6:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Malove ala imbumba yavakwoda uti andívanagwela. Nadoni vandívatandola vanu ava: Shiteva munu walikulupililo lyoe na wakumuumbala Imumu Wanashwe, kwatika Pilipo, Polokolo, Nikanoli, Timoni, Palamena namu Nikolau munu wa ku Antiyokiya e aliinjidyénge mwidini yavayuda.

Vitendo 6:5 ပူးပေါင်းရင်းမြစ်များ

Mateu 23:15

“Mupambale mwenu mmamwalimu mmadishaliya na mmapalishayo. Mmanu mmashinankulaba mwe! Mumalila imanga na mwangu pakulota mumpate wakuliinjidyanga jumo tu bai, mukampata munkumpindula kuva mwana wakushena kumpunda mmene.

Vitendo 11:19

Napanelo vakwoda vakajaikanange mwaa wakupapatigwa kuumilidíle ling'oto lyakumpedya Shiteva, vanji vandíwika mpaka ku Poiniki kutwala vanji mpaka ku Kupulu na vanji kavili mpaka ku Antiyokiya. Kanji mwavashipita mo, lilove lya Nnungu vashivavalangangila vayuda gweka bai.

Vitendo 11:20

Kanji vakwoda vanji va ku Kupulu na va ku Shilene vakawike pa Antiyokiya, vandítangonavo vagalegu vavavalangangila ntenga wambone umwe Umu Yesu.

Vitendo 11:22

Napanelo dyabali dya ku Antiyokiya dindíigwinika na liganisha, lyo lya pa Yelusalemu kutwala vanavo kuntumidya Balinaba koko.

Vitendo 11:24

mwaa Balinaba avele munu wambone, wakumuumbala Imumu Wanashwe na walikulupililo lyoe. Nadoni vanu voe vandílyunganianga namu Umu.

Vitendo 11:26

Akamwone, aníntwala kumwidanavo pa Antiyokiya. Bai vanavo vandíikala pa Antiyokiya mpaka kumalila mwaka umo vavapundisha vakwoda voe vapaliganisha lyankaja amo. Napane pa Antiyokiya ni pavavashamíle vakwoda lina lya Vaklistu mumwanda utandi.

Vitendo 11:27

Mumaduva lolo, vandípagwa vakulava vaumíle pa Yelusalemu kuka ku Antiyokiya.

Vitendo 13:1

Napanelo paliganisha lya pa Antiyokiya vandípagwa vakulava na vamwalimu kenga ava: Balinaba, Shimiyau áshimanyika kwalina lya Wakudimba, Lushiu wa ku Shilene, Manaeni munu ákulumwike pamo namu umu Elode na kupagwa Saulu.

Vitendo 15:22

Bai vamyombe, vanang'olo pamo na liganisha uti vandyámuwa kuvatandola vanu pakati pave vampalakele Paulu namu Balinaba ku Antiyokiya. Nadoni vandívatandola vananangalaledi ava pakati pavanung'unumunu: Yudashi áshimanyika kwalina lya Balishabashi namu Shilashi

Vitendo 2:4

kutwala vanu avo uti kuvaumbala Imumu Wanashwe na kwatuka kutangola dinangodi dyakuvilingananga kwodana na lyululilo lyavapéle Imumu.

Vitendo 21:8

Palyamba lyake, tundyúma mpaka pa Shashaleya. Pakaja apo, wetu tundyúka ndawikila paing'ande yake nkúvalanganga-ntenga walina Pilipo munu wamushipinga shavanu saba.

Vitendo 22:20

Namomo pavashimuumadyanga myadi Shiteva nshuda wako wako, nangu ndípagwa popo na ndyúngila nkono shitendo asho na ata makoti avalyulénge vanu váshikukula apo vammyaa, ngukamulidile nangu nimwene.’

Vitendo 6:10

kanji havashuulula kutauka limanyilo na Imumu Wanashwe áshinnangalalela nae mukutangola.

Vitendo 6:3

Napavedoni mmanung'unumunu vatandole vanu saba pakati penu vaushuda wambone, vakuvaumbala Imumu Wanashwe, valimanyilo tuvakamudye shimadengo ashi

Vitendo 6:8

Napanelo Shiteva àumbaligwidye umonyo na dimongo ashindatenda vyakutikinikanga vikumene na vimanyikilo pakati pavenentete.

Vitendo 7:1

Kutwala apo, nkúlangalalela-shadaka nkumene andímudya Shiteva kushidoni, “Da vyavakwaula avi vìu?”

Maono 2:15

na yadavo vapali pakati pako vanu vaodedya mapundisho avanikolau.

Maono 2:6

Kanji pane shipali shalala kwako wako, wako unkuvangedya vitendo vyavanikolau kenga mo mwanguvangadyedya nangu.