Vitendo 5:32 - Ibibiliya mu Shimakonde Imbodi Yaambi na dimbande dya Imbodi Yakala

³² Wetu apa pamo na Imumu Wanashwe wanjawile Nnungu kuvapa vanu vamwigwilíla ni tuvashuda vavitendo avyo.”

Vitendo 5:32 ပူးပေါင်းရင်းမြစ်များ

Nshuwau 7:39

Napane nae ashimwamba Imumu áshilota vampate avalá vankulupidíle mwaa muwakati awo Imumu jo vavele vakanava kumpata kwoda Yesu avele akanava kupata lishangelo.

Vitendo 1:8

kanji mwenu mundapata dimongo dya Imumu Wanashwe álota kumwidila na mwemwe mundava mmashuda vangu kutunduvangila pa Yelusalemu, ku Yudeya, ku Shamaliya mpaka mwisho washilambo.”

Vitendo 10:44

Patulu akuno atangola, vanu uti váshimwigwilila muwakati wowo andívashulukila Imumu Wanashwe.

Vitendo 13:31

Akandyuwe, vavagwe vaalekenavo ku Galileya mpaka ku Yelusalemu, vandyónananavo mumaduva oe na vovo vankumya ushuda wake kwavanaishilaeli.

Vitendo 15:28

Imumu Wanashwe pamo na wetu tundyona kuva shambone hatunantike mwenu ligogo ila mutandedye avi vivaikidíle:

Vitendo 2:32

Jo Yesu aju, Nnungu anindyuwa na wetu apa uti ni tuvashuda vashitendo asho.

Vitendo 2:4

kutwala vanu avo uti kuvaumbala Imumu Wanashwe na kwatuka kutangola dinangodi dyakuvilingananga kwodana na lyululilo lyavapéle Imumu.

Vitendo 5:29

Kanji Patulu pamo na vamyombe kujang'ula doni, “Kudyanga kumwigwilila Nnungu kuliko kuvaigwilila vanu.

Valoma 8:16

Jo mwene Imumu ankumya ushuda kwaimumu yetu kenga wetu ni tuvanavake Nnungu

II Vakolintu 13:1

Au ni mwanda wantatu wangwida kwenu. “Kwaushuda wavanu vavili kwali vatatu, kula lilove lyakikishigwe.”

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.