Vitendo 5:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Bai vamyombe vakaigwilile malove alo; lyamba linyeiku vandyúma kuka kwing'ande ya Nnungu ndavapundisha venentete. Napanelo nkúlangalalela-shadaka nkumene pamo na vavagwe vandívanavo nguguvale wavananangalaledi vamakaja va ku Ishilaeli. Vanavo kutwala kuvatuma vakulaledya vauke vakavatwale vamyombe kukalaboshi.

Vitendo 5:21 ပူးပေါင်းရင်းမြစ်များ

Mateu 5:22

Napane nangu jo ninkumwaulila doni, kula munu álota kunshunalila nung'unumunu vandamuukanavo paukumu. Namomo álota kuntukana nung'unumunu, vandamuukanavo kwikamati, nakavili, ámwaulila nung'unumunu do, ‘Hauvé ding'ano!’ vandamuukanavo kumoto wakushena.

Lukashi 22:66

Napanelo wiku paushwenge, nkodyanio wavanang'olo vavenentete kutunduvangila vanang'olo vavakulangalalela-shadaka pamo na vamwalimu vadishaliya vandíikala nguguvale kuntwala Yesu kumwimidya paikamati yave.

Nshuwau 18:35

Pilatu akajang'ula, “Da nangu po ni muyuda? Vakwenu pamo na vanang'olo vavakulangalalela-shadaka ni vakutumidídye kwangu nangu. Da ukashidyé nyamani?”

Nshuwau 8:2

Palyamba lyake, lyamba linyeiku andyúka kavili kwing'ande ya Nnungu. Venentete uti vaníntang'anedya, nae kwikala kuvapundisha.

Vitendo 22:15

Nadoni wako undava unshuda wake pakulota uvavalangangile vanu uti vyaugwene na vyawigwite.

Vitendo 22:5

Ata jo nkúlangalalela-shadaka nkumene ing'ano ai ankuulula kutaa ushuda pamo na nkodyanio wavanang'olo uti. Vovo ava vaningupa shitambulisho shakuka ndalodya kwavanung'unumunu va ku Damashiko pakulota ndivatwale vavé kwanavo ndivaidenavo na mang'unyang'unya pa Yelusalemu apa vavape shaushanga.

Vitendo 5:17

Napanelo nkúlangalalela-shadaka nkumene pamo na vavagwe uti vàvele vamushipinga shamashadukayo, vandítunduvanga kuvaanangila ing'ou vamyombe.

Vitendo 5:27

Napanelo vakavaidenavo vandívaimidya shing'ati nguguvale kutwala nkúlangalalela-shadaka nkumene kuvanyika

Vitendo 5:34

Kanji munu jumo mpalishayo wavashinshema Gamaliyele mwalimu wadishaliya na wavashimwishimu namene venentete, andíimila panguguvale kulamulila vavaumidye padyoko panda vamyombe

Vitendo 5:41

Vamyombe vandyúma panguguvale awo vapuwanga pakuva vandivalangiligwa aki yakunyambikanga kwamwaa wa Lina ali.