Vitendo 5:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Na ata dimbumba dyavanu dyakwaloka mumakaja ashitanono, vashindaumbalanila pa Yelusalemu na valwelwe vave pamo na vanu váshuuvauvanga na majini mashapu uti vashindapona.

Vitendo 5:16 ပူးပေါင်းရင်းမြစ်များ

Mateu 2:16

Napanelo Elode pamanyite doni vakumanya-dinondo vaninduwanga, nae andíshimwa namene akalamulila vavabyange vana valume uti va pa Beteleemu pamo na vammakaja anyenjemwake, vana avo vavyaka vivili kwida mwina kwodana na wakati wapatilile dyabali na vakumanya-dinondo.

Mateu 4:24

Nadoni shimbili shake shindyúmanikanga mushilambo uti sha Shiliya, venentete vashindavaidanavo kwake nae vanu vavénavo mauvilo akuvilingananga na malwele, vamajini, vashalala na vakulamala kutwala nae kuvaponia.

Mateu 8:16

Muwakati wayalyulo vanu kuvaidanavo kumwe Yesu vamajini voe. Nae majini lo, kwalilove lyake andíkumulanga namomo valwele uti andívaponia.

Lukashi 5:17

Muliduva limo lyapagwíte Yesu apundisha, popo po vandípagwa mapalishayo pamo na vamwalimu vadishaliya ve vaalakénge mumakaja uti a ku Galileya, ku Yudeya na ku Yelusalemu. Napanelo dimongo dyake Umu dyakuponedya dindípagwa namu Yesu.

Lukashi 6:18

Vanu ava vaidilile kumwigwilila na kuvaponia vilwele vyave; avalá váshangaishangigwa na majini mashapu kutwala kupona.

Lukashi 9:11

Kanji imbumba yavanu ikammanye mwawanalele, indímwoda. Nae kuvapwashalela kutwala kutangonavo ing'ano yautawala wa Nnungu na kuvaponia vilwele vanu váshibidi kuvaponia.

Nshuwau 14:12

Ninkumwaulila mwiu mwiu doni, aijá ángukulupila nangu, vyangutenda avi nanae momo andatenda na vyakwanjadyeka kupunda avi, nae andatenda mwaa nangu mwanda kumwe Atata.

Vitendo 4:30

akuno unyalodya nkono wako kwakuponia, kwavimanyikilo na kwavyakutikinikanga palina lyantumika wako wakwilimyanga, Yesu.”

Vitendo 5:15

Kwodana na vitendo avyo, venentete vashindavaumya valwele muding'ande kuka ndavaladya mudigoli na mmakande kulangele pakulota Patulu papita kananga shimbedi vela ashi shiviinikidye.

Vitendo 5:17

Napanelo nkúlangalalela-shadaka nkumene pamo na vavagwe uti vàvele vamushipinga shamashadukayo, vandítunduvanga kuvaanangila ing'ou vamyombe.

I Vakolintu 12:9

junji kwa Imumu jojo kumupa likulupililo, junji kumupa shajo shakuponia kwa Imumu jumo

Tiyagu 5:16

Napavedoni, valanganila madambi enu na shwalyanidya pakulota mupone. Kushwali kwamunu waishaliya kunkuvanavo dimongo dyakutandeka vinu vyoe.