Vitendo 4:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Hakunapagwa shinu kwambolegwa kwaindila yamunu junji mwaa mushilambo shapai, halipali lina linji lyajawile Nnungu kuvapa vanu kulota livaambole.”

Vitendo 4:12 ပူးပေါင်းရင်းမြစ်များ

Mateu 1:21

Nae anammaleka mwana nnume na wako undamupa lina lya Yesu mwaa alota kuvaposha venentete vake kwamadambi ave.”

Lukashi 24:47

na palina lyake, uvalangangigwe ntenga wakulijugulanga na wakulivalivigwa kwamadambi muvenentete uti kutunduvangila ku Yelusalemu.

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

Nshuwau 3:36

Aijá ánkulupila Mwana ankuva na shingumi shíkamalilika kanji aijá áita kunkukulupila Mwana, shingumi sho alota kwigwa lyatu na shitundi shake Nnungu shinkupagwa pamili pake.”

Vitendo 13:26

“Mmanung'unumunu mmashipinga shaudukulu wake Abulaamu pamo na mwenu mmanji múnjopa Nnungu! Lilove lyakwambwalegwa aku, wavantumidididyé ni wetu.

Vitendo 2:5

Napanelo ku Yelusalemu vashindaikala vayuda vanu vakulipudya ngwengwe kwa Nnungu ve vaalakadíle muvenentete uti vamushilambo shapai.

I Vakolintu 3:11

Mwenu, hanapagwe wakuulula kuvika shitunduvangilo shinji shipúnda ashilá shivikíke yani Yesu Klistu.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

Vabalaniya 12:25

Lilaledye! Hamunamwite aijá átangola. Ikava kenga avalá vamwitíle aijá áshivaduma mushilambo amu havananwile, kushi wetu túmwambukanga aijá átuduma kwalakela kuwa?

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte

Maono 20:15

Napane aijá líkaaneke lina lyake mulibuku lyashingumi, andíjalegwa mulitanda lyamoto.