Vitendo 28:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Napanelo pepi na palyutu alyo, andípagwa mautu ake gavana washitingi asho walina Pubiliu. Nang'olo aju wetu andítushema na andítukalibisha paing'ande pake na tundíikanavo shana namene maduva matatu.

Vitendo 28:7 ပူးပေါင်းရင်းမြစ်များ

Vitendo 13:7

Nae avele muje Shelishu Paulu gavana wapashitingi asho. Shelishu, munu wamang'amung'amu na walimanyilo lyoe, anínshema Balinaba namu Saulu mwaa ashindalota vammalangangile lilove lya Nnungu.

Vitendo 18:12

Napanelo Galyu àvele gavana walijimbo lya Akaya, vayuda kwaunapamo vanínnyanyamalila Paulu na vaníntwala kumuukanavo kumwe gavana kushiwanja shamikodyanio

Vitendo 23:24

Vapanganiange momo vapalashi vakumpakila Paulu vakamwishe shana kwananangalaledi wamajimbo Pilishi.”

Vitendo 28:2

Bai vene shitingi asho vandílodya litananilo lyakujowa kwetu wetu. Vakatupwashalela na vakatumbulididya moto mwaa wakutunduvanga kutonya medi na mwaa wakutudidima imepo.

Vitendo 28:6

Napanelo vanu vapashitingi asho vashikumbukila kenga Paulu unammimba nkono kwali kupela shingangala. Kanji vakaikale wakati woe valindila, pavagwene kenga hashipali shimmilinganianga, vanavo dindívaida ding'ano dinji kutwala kutangola kenga Paulu avele nnungu.

Vitendo 28:8

Napanelo tatake Pubiliu unímpwateka mili na kudalola myadi. Paulu paukile nannola, ling'oto lyakushwali anímmikila makono kutwala kumponia.

I Timoti 5:10

na ámanyike shana kwashimadengo shake shambone: ávaladile vana, ákalibishidye, ánavyenge medi madodo avakwilimyanga, ávapwashaladile vakuvauvanga na álijawile mushimadengo shambone shakula inamuna.

Vabalaniya 13:2

Hamunaleke yakuvatanana vajeni mwaa kwakutenda davo vanji kwabila kumanya vandivatanana vanjelo.