Vitendo 28:2 - Ibibiliya mu Shimakonde Imbodi Yaambi na dimbande dya Imbodi Yakala

² Bai vene shitingi asho vandílodya litananilo lyakujowa kwetu wetu. Vakatupwashalela na vakatumbulididya moto mwaa wakutunduvanga kutonya medi na mwaa wakutudidima imepo.

Vitendo 28:2 ပူးပေါင်းရင်းမြစ်များ

Mateu 10:42

Ninkumwaulila mwiu doni, munu álota kumupa luwene vela alu lwamedi akukumbila ndyoko jumo pakati pavadyoko ava kwamwaa wakuva nkwóda wangu nangu, ajo mwiko hakatoka inudyo yake.”

Nshuwau 18:18

Ishindadidima imepo, vatumika pamo na vakushunga vandítang'anedya moto wavakang'íle pakulota vajote. Patulu nanae andípagwa na vanavo àimidile ajota moto.

Vitendo 27:3

Palyamba lyake tuvanu kuwika panshiko wa ku Shidoni. Napanelo Shulyu pakuva ashinantanana Paulu, andímupa litala lyakuka ndavalola vabwadivake va pa Shidoni na vanshunge.

Vitendo 28:3

Napanelo Paulu andílakota itu yadinang'ene kutenda akang'ela moto kutwala mo muding'uni mo kuma nyoka walina jaa-ntela atukuta ntukuka kunnamatila Paulu mulyanda lyake.

Vitendo 28:4

Napanelo vene ikaja ayo pavagwene inyoka ìnamatidile mulyanda lyake Paulu, vandyáulanila shivenevene vaashidoni, “Munu aju patukamwambambidya ni shimalivanu. Mwaa lola, ata ikava kenga andipuka mmedi kanji jo mwene Ishaliya hanneka anama.”

Valoma 1:14

Ninkuvanavo udeni kwavamidi na kwavakamanyika, kwavakumanya na kwavajinga.

Valoma 14:1

Mwenu, aijá wakudabadabanga mulikulupililo mpwashalele kanji i kwakulota kutaukananganavo kwamwaa wamaoni.

Valoma 14:3

Aijá álya vinu uti hanamwiludyange aijá ákalya na aijá ákalya, hanamuukumu aijá álya mwaa Nnungu animpwashalela.

Valoma 2:27

Aijá ákakumuligwe mumili kanji áigwilila lilamulo, andakuukumu wako úvenavo lilamulo lyandikígwe na shitendo shakukumuligwa kanji lilamulo lyo, upujungula.

I Vakolintu 14:11

Kanji napane ndikanamanya mana ashitangodi asho, nangu nindava nimmidi kumwe aijá átangola na nae andava mmidi kwangu nangu.

II Vakolintu 11:27

mushimadengo shakupwateka, shilo myanda vyoe bila lwono, mwindala na mwinyota, mukwova shakulya myanda vyoe, mukudidima imepo na muwou.

Vakoloshu 3:11

Apa hapali ngalegu kwali muyuda, wakukumuligwa likumbi kwali ákakumuligwe, mmidi kwali mushikita, ntumwa kwali wamuunaiti kanji Klistu ni uti na nkati muuti.

Vabalaniya 13:2

Hamunaleke yakuvatanana vajeni mwaa kwakutenda davo vanji kwabila kumanya vandivatanana vanjelo.