Vitendo 27:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Tundyúka mushu na shimwanda shetu tuwena mwimanga nkono wa ku Kilikiya na ku Pampiliya mpaka ndaimila panshiko wa Mila ya ku Likiya.

Vitendo 27:5 ပူးပေါင်းရင်းမြစ်များ

Vitendo 13:13

Paulu na vavagwe vakaume pa Papu vandíkwela mwingalava kuka mpaka pa Palegi shilambo sha ku Pampiliya, napane Nshuwau Malukushi andívaleka kuujila ku Yelusalemu.

Vitendo 15:23

kutwala kuvapa vaukenavo ibalugwa yavaandike doni, “Vamyombe pamo na vanang'olo vàvele vanung'unumunu, kwavanung'unumunu avalá vamidi vapágwa disemu uti dya ku Antiyokiya, ku Shiliya na ku Kilikiya, mumpate nandele.

Vitendo 15:38

Kanji Paulu hashona kuva shambone vamuukenavo aijá e alyumadyénge ku Pampiliya na ákaukile na vanavo kushimadengo

Vitendo 15:41

na ashindapita ku Shiliya namu ku Kilikiya anonowanga maganisha.

Vitendo 2:10

twálakadile ku Piligiya, ku Pampiliya, ku Mishili, twálakela ku Libiya twíkala pepi na pa Kulene, twálakela kunjini wa Loma,

Vitendo 21:39

Paulu kutwala kushidoni, “Nangu nimuyuda nguvalakwidyé pa Talashishi likaja lyakwigwinika lya ku Kilikiya. Kanji napane ninkukujugwa ungupe litala lyakutangola na venentete.”

Vitendo 22:3

“Nangu ni muyuda nguvalakwadidye nkaja mu Talashishi ya ku Kilikiya ngukulumukidile nkaja mo mu Yelusalemu amu ngushungigwe mmadodo mwake Gamaliyele ngupundishigwe kwodananavo kushinyigwa kwa Lilamulo lyavanyakala vetu na nguvanavo dukuduku kwa Nnungu kulingana kenga mo mwampagwidya mwenu nelo amu.

Vitendo 6:9

Napavedoni vanu vapashitala shakulipudidya shavashishema “Shavanu vamuunaiti” pamo na vaalakadíle ku Shilene, ku Alishandaliya, ku Kilikiya na ku Ashiya vandíbuwa ntau namu Shiteva

Vagalata 1:21

Badae nindyúka disemu dya ku Shiliya na dya ku Kilikiya.