Vitendo 27:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Tukaume pa Shidoni, tundíkwela mwingalava tulodya pepi na pa Kupulu mwaa imepo ishaaloka mushu mwetu.

Vitendo 27:4 ပူးပေါင်းရင်းမြစ်များ

Mateu 14:24

Napanelo muwakati wene wo ingalava ivele kushu na kumwangu mawimbi agang'olagang'ola mwaa ishilodya kwaishaalakela imepo.

Malukushi 6:48

Napanelo nae avona vakwoda vake kuvauvanga pavashandesha ingalava mwaa imepo ishaaloka mushu mwave, muwakati walyamba kumanga kulangala, nae kuvaukila awena pashanya medi. Alota avapite mushu mwave,

Lukashi 8:22

Muliduva limo Yesu andívaulila vakwoda vake doni, “Twamboke tuke litanda nkono unji,” vanavo kwinjila mwingalava kutwala mwanda.

Vitendo 13:4

Napanelo vanavo vàtumigwe na Imumu Wanashwe, vandyálela mpaka pa Selushiya, apo kukwela mwingalava kuka mpaka pashitingi sha Kupulu.

Vitendo 15:39

kutwala kuumilila ntau wakujowa mpaka kuvatadya kwambukananga. Balinaba akantwala Malukushi kwinjila mwingalava kuka ku Kupulu.

Vitendo 21:16

Mushimwanda shetu vakwoda vanji va pa Shashaleya vandítupalakela mpaka paing'ande pake Manashoni, palyutu lye livaikidíle tuwikile. Munu aju avele wa ku Kupulu na avele nkwóda wamushipinga shavakwoda vatandi.

Vitendo 21:3

Patuwikile isemu íshaaneka Kupulu, wetu tundítukulidya kunshanda kutwala kulodya ku Shiliya kuka ndaimila panshiko wa pa Tilu palyutu líshiloteka vipakuligwe vinu mwingalava.

Vitendo 27:7

Shimwanda shetu shindíva shakukakavanga; nadoni tundítwala maduva oe tuvauvanga mpaka kuka ndawika pepi na pa Kinidu. Kanji kwodamwaa imepo haitulakile tuka shalowa, tundyúka nkono wakwina shitingi sha Kaleta tupita pepi na pa Shalamone.

Vitendo 4:36

Nadoni pakati pavanu avo, mulawi Yoshe munu wa ku Kupulu wavashinshema vamyombe Balinaba kwakuvalangangila mana ake nkúnonowanga,