Vitendo 27:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Bai indítunduvanga kupunga imepo íkavele yadimongo yakwalakela kwina shilambo kutwala vanavo kwona kenga mwavashikumbukilila vene amulá mundatandakela momo. Nadoni vanavo vandyúmya inanga mmedi mo kutwala kutunduvanga kutukusha ingalava nanyenje imanga ya ku Kaleta.

Vitendo 27:13 ပူးပေါင်းရင်းမြစ်များ

Lukashi 12:55

Namomo pamunona imepo yakwalakela kwina shilambo ipunga mwenu muushidoni, ‘lilota kwida litukuta,’ namwiu kutandakela momo.

Vitendo 2:11

tuvanji tuvayuda na kavili tuvanji túliinjidyenge, twálakadile ku Kaleta na tuvanji kwavaalabu; kanji wetu apa vanavo pavatangola vavalanga vitendo vyakujowa vya Nnungu tunkuvaigwa mudinangodi dyetu tuvene dyashing'ang'eng'e!”

Vitendo 27:12

Kanji kwodamwaa nshiko awo hauvéle shana pakulota vanu vaikale muwakati wakudidima imepo, bai vanu voe vandyóna kudyanga vaume panshiko awo valingangile kuka ndawika panshiko wa Poiniki uvéle mo mushitingi sha Kaleta pakulota tupagwe mulyutu alyo muwakati uti waimepo. Likaja alyo liladilé mevo nkono wakwina shilambo na nkono wakwalyuka liduva.

Vitendo 27:21

Napanelo kwodamwaa vandíikalanga maduva oe pavakalya shinu, Paulu andítakatuka pakati pave kutwala kushidoni, “Mwenu! Leka mùngwigwilidile nangu paninnaidye kuma ku Kaleta akulá, mauvilo ala na asala ai uti hamunapate.

Vitendo 27:8

Tundyúka shinyenjenyenje kanji na mauvilo makumene mpaka ndawika mulyutu lyavashema Mishiko Vyambone livéle pepi na njini wa Lasheya.

Titu 1:12

Pakati pavakulava vave vo vene, jumo atédoni, “Vakaleta ngwengwe vava vanu vakushang'apa, vakoko vakujowa, vakululuka vawondo.”

Titu 1:5

Shitadídye ndikuleke ku Kaleta ni pakulota upangange shana avilá vibakidíle na uvavikange vanang'olo kula likaja kenga mwandikupundishididye.