Vitendo 27:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo pavaukile ndaamuwa wetu twinjile mwingalava tuke ku Italiya, vanavo vaníntwala Paulu pamo na vakungwa vanji kunkamudya kumakono kwanang'olo wavaing'ondo miya walina Shulyu wamushipinga shavaitaliyani shimwe umu nang'olo.

Vitendo 27:1 ပူးပေါင်းရင်းမြစ်များ

Mateu 27:54

Napane nang'olo wavaing'ondo pamo na avalá vavénavo váshinshunga Yesu, pavagwene shilambo shindangenda na vinu vinji víshitandeka, vanavo kujopa kutwala kushidoni, “Munu aju mwiu avele mwanagwe Nnungu.”

Lukashi 23:47

Napanelo nang'olo wavaing'ondo pagwene vinu vitandéke avilá, andímupa lishangelo Nnungu aashidoni, “Munu aju mwiu avele waishaliya.”

Lukashi 7:2

Palikaja lyolyo, andípagwa nang'olo jumo wavaing'ondo miya wavaloma. Nae andívanavo ntumika wake washintanana namene e avéle nnwele wakuleka indaja.

Vitendo 10:1

Napanelo pa Shashaleya andípagwa munu jumo walina Koluneli, nang'olo wavaing'ondo miya vamushipinga shavashishema shavaitaliya.

Vitendo 10:22

Vanavo kushidoni, “Wetu twalakela kwanang'olo wavaing'ondo walina Koluneli; nae ni munu waishaliya na wakunjopa Nnungu na ni munu waushuda wambone kwavenentete uti vayuda. Jojo jo, njelo wakwilimyanga andimwaulila akusheme uke kwing'ande yake ukamwaulile shauvenavo.”

Vitendo 16:10

Ling'oto lyakwona indoti ayo, tundílipanganiyangidyanneu kuka ku Makedoniya tumanya kenga Nnungu anditutuma tuke tukavavalangangile vamakedoniya ntenga wambone.

Vitendo 18:2

Pa Kolintu, Paulu andíkadyania na muyuda Akila munu wa ku Pontu àwikile mwaambi aalakela ku Italiya pamo namu Pilishila nkongwe ndyagwe mwaa Kalaudiu andívakumulanga vayuda uti pa Loma. Nae andívaukila

Vitendo 19:21

Ling'oto lyavinu avyo, Paulu alangalalegwa na Imumu Wanashwe andyámuwa kuka ku Yelusalemu apitila ku Makedoniya na ku Akaya aashidoni, “Panguwika ku Yelusalemu nikaikalanga, ininguvaikila momo nguke ndikawike ku Loma.”

Vitendo 21:32

Nae apalá kuvatwalinneu vanang'olo vavaing'ondo vamwina mwake pamo na vaing'ondo kuka koko. Venentete pavangwene nang'olo nkumene wavaing'ondo aijá pamo na vaing'ondo vake, vandíleka yakunkoma Paulu.

Vitendo 22:26

Nang'olo wavaing'ondo paigwite malove ala, andyúka ndamudya nang'olo wake kushidoni, “Nang'olo, ulota kutenda nyamani? Munu jojo aju ni mwenentete muloma.”

Vitendo 23:11

Napanelo muliduva lyolyo shilo shake, Umu andímwimila Paulu pepi kutwala kumwaulila doni, “Lyunge ntima! Mwaa mo mwaumididye ushuda unguvalanganga nangu pa Yelusalemu apa, ku Loma undatandela momo.”

Vitendo 23:17

Paulu kutwala kunshema nang'olo jumo wavaing'ondo miya kumwaulila doni, “Ntwale nnemba aju umuukenavo kwanang'olo nkumene wavaing'ondo mwaa ankuvanavo ntenga wakummanyiya.”

Vitendo 24:23

Kutwala apo, Pilishi anínnamulila nang'olo wavaing'ondo anjele Paulu nkalaboshi kanji amupe litala na apate lipwashalelo kwavavagwe.

Vitendo 25:12

Bai Pestu ling'oto lyakutangonavo vanang'olo vapagwíte palibengi anínjang'ula Paulu aashidoni, “Kwoda ulota uke kumwe Shashali, bai ko kumwe Shashali ko, undauka.”

Vitendo 25:25

Kanji nangu apa haningwene likosha lyatandile lyakuntadya apele. Nakavili kwodamwaa nae andijugwa ing'ano yake yuke ikawike kumwe umu nang'olo, nangu ndyamuwa kumpalakedya koko.

Vitendo 27:11

Kanji nang'olo wavaing'ondo miya andíshambegwa na nkútukusha-ingalava pamo na mwene ingalava kuleka shatangwele Paulu.

Vitendo 27:43

Kanji nang'olo wavaing'ondo kwodamwaa ashilota amwambole Paulu mushijoidyo asho, andívaleya shitendo asho. Nadoni andívalamulila vanu váshimanya kwagwalela valishushe vainjile mmedi pakulota vaagwele vauke kumwangu

Vitendo 27:6

Panshiko awo nang'olo wavaing'ondo miya watuvénavo aijá mushimwanda shetu, andíkodya ingalava ya pa Alishandaliya íshuka ku Italiya, nae wetu kutwinjidya momo.

Vitendo 28:1

Napanelo tuvanu uti tukapukange mushijoidyo asho, patuwikile kumwangu tundímanya kenga shitingi asho vashishema Malita.

Vitendo 28:16

Patuwikile nkaja mu Loma, Paulu andípata litala lyakunama paing'ande yagweka kutwala kummikila mwing'ondo jumo wakunnaledya.

Vabalaniya 13:24

Vape nandele vananangalaledi venu uti pamo na vakwilimyanga uti; va ku Italiya, vanavo vankuntumidya nandele.