Vitendo 26:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Mwaa shani mwenu munkwona kenga Nnungu kuvadyuwa vakupela ni shinu shíkaululika kukulupila?

Vitendo 26:8 ပူးပေါင်းရင်းမြစ်များ

Lukashi 1:37

Mwaa Nnungu pake po, hashipali shinkamadyangídya.”

Lukashi 18:27

Kanji Yesu kushidoni, “Shinu shákaulula munu, Nnungu ankuulula.”

Vitendo 23:6

Napanelo Paulu kwodamwaa andímanya kenga panguguvale awo vanji vavele mapalishayo, vanji kuva mashadukayo, andítangola pashanya po aashidoni, “Mmanung'unumunu, nangu ni mpalishayo mwana wamapalishayo. Apa ninkuukumigwa kwamwaa walilindilililo lyakudyuka kwavakupela.”

Vitendo 25:19

Ila ing'ano yave ing'umene íshivavilinganianga ivele yaidini yave na ing'ano yamunu jumo ápadile wavanshema Yesu kanji Paulu jojo jo, ankummalanganga kenga mumi.

Vitendo 4:2

akuno ivapwateka namene mmitima mwaa vanavo vashindapundisha vavalanganga doni, nkati mumwe Yesu kunkupagwa kudyuka kwavakupela.

I Vakolintu 15:34

Ujila kuding'anong'ano dyenu, nama kwaishaliya na leka kutega mwaa vanji havammanyite Nnungu ata padyoko vela. Ninkutangola avi kwadyoni dyenu.

Vapilipo 3:21

Nae andabadilisha mili vyetu vyakudabadabanga kutadya vilinganane na mili wake walishangelo kwaindila yadimongo dintádya aulule kuvika vinu uti mwina mwake.