Vitendo 26:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ Bai Paulu pashitangola avi alishililidya, Pestu andítangola pashanya po aashidoni, “Wako Paulu unkudulumbuka! Mashomo ako oe lo, ankukudulumbuwa.”

Vitendo 26:24 ပူးပေါင်းရင်းမြစ်များ

Malukushi 3:21

Valikola vake pavaigwite vandímuukila vakankamule vamuukenavo kukaja mwaa vashitangola doni, “Nae andipungukanga.”

Nshuwau 7:15

Bai vayuda vandíshanga vaashidoni, “Munu aju amanyité dashi Maandiko ákapundishigwe?”

Nshuwau 8:48

Vayuda vakanjang'ula, “Da wetu hatuvenavo ishaliya patukwaulidile doni, ‘Wako unshamaliya na majini andikudulumbuwa’?”

Nshuwau 8:52

Vayuda kutwala kushidoni, “Napanelo tundikwanalela kenga mwiu unkuvanavo majini. Abulaamu tu andipela na vakulava momo vandipalanga. Napanelo wako utangola kenga álota kwigwilila lilove lyangu, kupela ko mwiko, halinga ngwengwe!

Vitendo 17:32

Napanelo vanavo pavamwigwite Paulu atangola ing'ano yakudyuka kwavakupela, vanji vandímwiludyanga kutwala vanji kushidoni, “Ing'ano ai tundakwigwilila kavili muwakati unji.”

Vitendo 22:1

“Mmanung'unumunu pamo na mmatatamunu, ngwigwa kulishililidya kwangu kwenu mwenu.”

Vitendo 24:25

Kanji Paulu avalanganga ing'ano yaishaliya, yakulishunga, yaukumu ulóta kutandeka, Pilishi andíjopa namene na andímwaulila Paulu aashidoni, “Ambi unkuulula kuka! Mushu mo pangulota kuva na litala ndakushema,”

Vitendo 24:27

Napanelo ling'oto lyavyaka vivili Pilishi andyúma kutwala lyutu lyake kudiva Polikiu Pestu. Kanji Pilishi alota alodye litananilo kwavayuda, anínneka Paulu mukungwa.

Vitendo 26:11

Dimindi dyoe nangu ndipita muvitala vyakulipudidya ndivapa shaushanga ndivakanyilidya pakulota vakupulu na mushitundi shangushivavikila, vaningutadya nguke ndikainjile muvilambo vinji vyavamidi ngupita ndivapapata.

I Vakolintu 1:23

kanji napane wetu tunkummalanganga Klistu wakukamalalegwa panshalaba, kwavayuda kuva shakulikuvala na kwavamidi kuva ujinga,

I Vakolintu 4:10

Wetu tuvajinga kwamwaa umwe Klistu kanji mwenu ni mmalimanyilo nkati mumwe Klistu! Wetu ni tuvakudabadabanga kanji mwenu ni mmadimongo! Mwenu ni mmakwishimika kanji wetu ni tuvakwiludyangika!

II Vakolintu 5:13

Mwenu, ikava kenga kwali tunkudulumbuka ni mwaa wa Nnungu, ikava kenga kwali tunkuvanavo ding'ano ni mwaa wenu mwenu.

II Timoti 3:15

na kumanya kenga tangu shidyoko shako undimanya Maandiko akwilimyanga aululíka kukutadya kuva walimanyilo kwakwambolegwa kwaindila yalikulupililo nkati mumwe Klistu Yesu.