Vitendo 26:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Kanji takatuka wimile. Nangu ndikuumililila pakulota uve untumika wangu na uve unshuda wavinu vyaugwene nelo kwalakela kwangu na vyangulota kukulodya

Vitendo 26:16 ပူးပေါင်းရင်းမြစ်များ

Lukashi 1:2

kenga mwavatuvalangangidile avalá vo vavéle kutunduvangila kunantandi mashuda vagwéne vene na vatumika valilove.

Vitendo 1:17

mwaa nae avele munu wamushipinga shetu na jojo jo, vanínjavila imbandi muutumika au.”

Vitendo 1:25

wakutenda imbandi muutumika au waumyombe wo waukile ndaashela Yudashi kuka lyutu limmaikidíle.”

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Vitendo 21:19

Paulu akavaudyange, andívavalangangila kula shinu shantandalele Nnungu kwaindila yautumika wake pakati pavamidi.

Vitendo 22:10

Nadoni nangu ndímudya, ‘Umu, napanelo ngutende nyamani?’ Umu kushidoni, ‘Takatuka winjile nkaja mu Damashiko mo! Mo nkaja mo vandakumanyiya uti vikuvaikidíle utende.’

Vitendo 23:11

Napanelo muliduva lyolyo shilo shake, Umu andímwimila Paulu pepi kutwala kumwaulila doni, “Lyunge ntima! Mwaa mo mwaumididye ushuda unguvalanganga nangu pa Yelusalemu apa, ku Loma undatandela momo.”

Vitendo 26:15

Nangu kutwala kudya, ‘Da wako po nang'olo unyani?’ Umu kushidoni, ‘Nangu apa Yesu, jo waumpapata wako jo.

Vitendo 6:4

pakulota wetu apa ngwengwe tupagwe mukushwali na mukutumikila lilove.

Valoma 1:5

Kwaindila yake nae tundipata umonyo na umyombe wakutadya pakati pavenentete uti kwigwilila kwalikulupililo kwamwaa walina lyake

Valoma 15:16

wakuva nintumika umwe Yesu Klistu kwavamidi mukutumika ntenga wambone wa Nnungu muunashilangola wakupalakedya shadaka kwambangidya vamidi vatandegwe kuva shadaka shinnagwéla Nnungu, shadaka shitandégwe kuva shakwilimyanga kwa Imumu Wanashwe.

II Vakolintu 4:1

Napavedoni, pakuva tunkuvanavo utumika au watupatile kwashididi shake, havinatudidima mitima.

II Vakolintu 5:18

Avi uti vinkwalakela kwake Nnungu aijá átutadidye twigwane na jo mwene kwaindila imwe Klistu atwing'a utumika waliigwilanilo,

Vagalata 1:12

Hangupatile kwamunu na ata havangupundishidye ila ntenga wo ndipata kwaindila yamaono akungulodya Yesu Klistu.

Vagalata 2:2

Kwanavo nguukile kwamwaa wamaono kutwala kuvaigwiniya ntenga wambone wanguvalanganga kwavamidi, ndíikanavo kanji kwagweka avalá váshaaneka kuva vakuvaikila ngwambambidya nakapanji ninkutumbama kwali nditumbama yamonyo.

Vaepeshu 3:3

mwaimanyikidile kwangu nangu sho shipii ashilá kwaindila yamaono kulingana na mwanimwandikidile kwaungwipi.

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

Vakoloshu 1:25

Lyanavo nditadya kuva ntumika kwodananavo unashilangola wake Nnungu wangupele kwamwaa wenu pakulota kuwisha popo lilove lyake Nnungu,

Vakoloshu 1:7

kenga mwamulipundishididye kumwe Epapalashi ntumwamwetu wakunagwaleka. Nae ni ntumika wakukulupilika umwe Klistu kwaupande wenu

I Vateshalonika 3:2

kutwala kuntumidya Timoti aijá nung'unugwetu, mmádengomwagwe Nnungu nkati muntenga wambone umwe Klistu pakulota annonowange na amupe ntima shii kwaupande walikulupililo lyenu

I Timoti 1:12

Ninkunnambwalela aijá ángupele dimongo, Klistu Yesu Umu wetu mwaa nae aningwona kuva wakukulupilika anguvika mushimadengo shake

I Timoti 4:6

Ukavaulila vinu avi vanung'unumunu, undava ntumika wambone umwe Klistu Yesu ulidyavalakedya kwamalove alikulupililo na amapundisho ambone awodedya.

II Timoti 4:5

Kanji napane wako ava umunu wakulilaledya muvinu uti, lipililile mauvilo, kola shimadengo shankúvalanganga ntenga wambone, tandedya utumika wako ukawikile popo.