Vitendo 26:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Napanelo nguka, muwakati waliduva pamuti, Umu Agilipa, nangu liníngutang'anedya lilangadyo lyakwaloka kuwa, lyakushenga kupunda liduva kutwala kungutang'anedya pamo na vavangu vanguvénavo mushimwanda.

Vitendo 26:13 ပူးပေါင်းရင်းမြစ်များ

Mateu 17:2

Popo po, nae kujalukanga pamevo pave, ing'ope yake kushenga kenga liduva, dinguvo dyake kung'ala kenga lilangadyo.

Vitendo 22:6

“Napanelo nguka kwanavo, panguwikile pepi na pa Damashiko, muwakati kenga waliduva pamuti doni, kwashingangala kungutang'anedya lilangadyo lyakushenga namene lyakwalakela kuwa

Vitendo 22:9

Napanelo avalá vanu vángwadanengenavo mushimwanda, lilangadyo lyo vandyóna kanji lidi lyamunu áshitangola namu nangu vanavo havaigwíte.

Vitendo 26:12

“Ni ing'ano yoyo ingutadídye nangu ngutende mwanda wakuka ku Damashiko kwamadalaka na lilamulo lyavanang'olo vavakulangalalela-shadaka.

Vitendo 26:14

Wetu pashinu apalá kugwangila pai kutwala nangu kwigwa lidi líshitangola mushibalaniya liishidoni, ‘Saulu, Saulu, mwaa shani unkungupapata? Shinkukamadyanga kwako kuvangedya ashilá shikukanyóla.’

Vitendo 9:3

Napanelo pashuka àvandike palikaja lya Damashiko, kwashingangala Saulu kuntang'anedya lilangadyo lyakushenga lyakwalakela kuwa.

Maono 1:16

munkanakono wake kunyukata dinondo saba, nkanywa mwake kuma lyambila lyakukola kuvili na ing'ope yake kuva yakushenga kenga liduva palivala na dimongo.

Maono 21:23

Njini awo haunalateka shinu liduva kwali mwedi pakulota kumulikila mwaa lishangelo lya Nnungu linkumulikila kutwala itaa yake kuva aijá Ngandolo.