Vitendo 26:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Vinu avi nditenda nangu nimwene ku Yelusalemu. Ndivajela mudikalaboshi vakwilimyanga voe kwamadalaka avanang'olo vavakulangalalela-shadaka na vanji pavashumya lilamulo lyakuvatanola, nangu ngushindaungila nkono.

Vitendo 26:10 ပူးပေါင်းရင်းမြစ်များ

Vitendo 7:58

kungang'alangidya kunyenje likaja kutwala kumwamanga majanga. Vashuda vapagwíte apo, vandyúlanga makoti ave kunkamudya nnemba jumo walina Saulu.

Vitendo 8:1

Bai Saulu andyúngila nkono ing'ano yakumpedya kwake. Napanelo kutunduvangila muliduva lyolyo, shindyúmilila shititimbu shakupapatigwa liganisha, yani shipinga shavakwoda váshipagwa pa Yelusalemu. Nadoni vakwoda vandívamwadikanianga pa Yelusalemu vanavo kutukutila mumakaja a ku Yudeya na a ku Shamaliya kanji vamyombe vandíijalila pa Yelusalemu.

Vitendo 8:3

Napanelo Saulu alota kumalidya liganisha, ashindainjila muding'ande uti dyavakwoda apita avakamula valume na vakongwe auka ndavajela nkalaboshi.

Vitendo 9:21

Napanelo vanu uti váshimwigwa vashinanshanga na vashindaudyania, “Da munu aju i jo ávatandile ing'ondo avalá vatambulánga lina ali ku Yelusalemu? Nae akuno aidilé kukuvakamula vanu avaukenavo kwavanang'olo vavakulangalalela-shadaka?”

Vitendo 9:26

Napanelo Saulu pawikile ku Yelusalemu, andílingangila kulyunganianga na vakwoda kanji vanavo uti vanínjopa mwaa havashinkulupila kuva nkwódamwave.

Vitendo 9:32

Napanelo Patulu pashipita awanawananga kula kushinu momo andyálela kuka ndavalola vakwilimyanga váshipagwa pa Lida.

Vitendo 9:41

Nae kunkamula nkono ampwashela pakulota aimile kutwala kuvashema vanamwili pamo na vakwilimyanga kuvalodya Tabita mumi.

I Vakolintu 15:9

Mwaa nangu nindikidiki namene pakati pavamyombe na ata hanguvaikidile kushamegwa myombe mwaa ndipapata liganisha lyake Nnungu.

Vagalata 1:13

Mwenu mundigwa shana mavalelo angu panguvéle nkati mwidini yashiyuda; mwashi mwangushipapatila liganisha lyake Nnungu na mwangushitandela ing'ondo.

Vaepeshu 1:1

Paulu, myombe umwe Klistu Yesu kwalilotelo lyake Nnungu kwavakwilimyanga vapágwa ako ku Epeshu, vo vakukulupilika nkati mumwe Klistu Yesu.

Maono 17:6

Napane kutwa kumwona aijá nkongwe àmbalwidye myadi vyavakwilimyanga na vyavanu váshumya ushuda umwe Yesu. Paningwene, ngujeeme vila.