Vitendo 24:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Tundyanalela kenga munu aju ni nantindingania wakujowa namene áidanavo shititimbu na kupwatananga pakati pavayuda mushilambo uti. Jojo aju ni nanangalaledi nkumene waishama yavanashaleti.

Vitendo 24:5 ပူးပေါင်းရင်းမြစ်များ

Mateu 10:25

Nkwóda akava kenga mwalimu wake panditosha na ntumika akava kenga nang'olo wake panditosha. Napanelo ikava kenga tatamunu wapaing'ande vaninshema kuva Beelishebuli, kushi avalá valikola vapaing'ande pake i nimpomo?

Mateu 2:23

ndaikala panjini umo wavashema Nashaleti pakulota liwikile popo lilove litangaléke kwaindila yavakulava doni, “Vananshema kuva Nnashaleti.”

Malukushi 1:24

“Wako Yesu wa ku Nashaleti, da wetu namu wako shako nyamani? Widilé ndatumalidya? Nangu ndikumanya, wako ni wakwilimyanga wake Nnungu.”

Lukashi 23:19

eti munu wavanjadíle nkalaboshi mwaa wakuvalangalalela venentete kupinga shilikali na kumyaa munu!

Lukashi 23:2

Vanavo vandítunduvanga kuntambudyanga vinu vaashidoni, “Munu aju tuninkadyedya avatindinganianga venentete vetu aleya kunnipa Shashali ukodi wakunnodya nae kuva umu wetu na kavili jojo kulivika jo mwene kuva Klistu yani umu.”

Lukashi 23:25

Andímuungula munu wavanjadíle nkalaboshi mwaa wakupinga shilikali na kubyaa kuntwala Yesu kunneka nkati mumalotelo ave.

Lukashi 23:5

Kanji vanavo vashindang'ang'anikila vaashidoni, “Aju ankupita avatubya venentete na mapundisho ake ku Yudeya akuno uti kutunduvanga ku Galileya mpaka nkaja amu.”

Vitendo 15:5

Kanji vakukulupila vanji vaishama yamapalishayo vandíimila kutwala kutangola doni, “Vamidi indivavaikila vakumuligwe na tuvalamulile vaodedye Lilamulo lyake Musha.”

Vitendo 21:28

vajunga vaashidoni, “Mmanaishilaeli, tupwashela! Munu aju ni jojo ápita avapundisha vanu uti kula kushinu vavavangedye vanaishilaeli; ankupundisha vapinge Lilamulo na vailudyange lyutu ali. Na hainatoshe avatwete vamidi kuvainjidya mwing'ande ya Nnungu nadoni anditaa ushapu lyutu ali lyakwilimyanga.”

Vitendo 22:22

Mpaka apo vanu vashindamwigwilila, napane po patangwele lilove lyamwisho, vandíjunga vaashidoni, “Munu aju mwovye mushilambo amu! Haimmaikidile kunama.”

Vitendo 24:14

Kanji nangu shangulivalanganga kwako ni ashi: ni kwodananavo Indila yavashema vanavo ishama ilangadavo yangulipudya kwa Nnungu wavanakuluvetu ngukulupila uti vya mu Lilamulo na vya mu Vakulava

Vitendo 24:4

Napavedoni pakulota hatunakujaangile wakati wako, kwaupole wako ninkukujugwangila utwigwilile muwakati padyoko shatulota kutangola.

Vitendo 25:7

Paulu pawikile, vayuda vakwalakela ku Yelusalemu vaníntang'anedya kutwala kunkashalya vantambudyanga vinu vyakunyata vyoe kanji vinu vyene uti kuva vyamadumba.

Vitendo 26:5

Vanavo nangu vaningumanya tangu kala na ata leka vàlotile, vakandyumya ushuda doni kwakwodananavo shipinga shishínya namene mwidini yetu nangu ndinama kenga mpalishayo.

Vitendo 28:22

Nadoni tundilota tukwigwe wako umwene mwawonela. Mwaa tundimanya kenga kula kushinu vanu vankuvangedya ishama yawoda wako.”

Vitendo 5:17

Napanelo nkúlangalalela-shadaka nkumene pamo na vavagwe uti vàvele vamushipinga shamashadukayo, vandítunduvanga kuvaanangila ing'ou vamyombe.

Vitendo 6:13

Po panguguvale po, vandívaidanavo vashuda vakushang'apa váshishidoni, “Munu aju ngwengwe ankwabwalanga lyutu ali lyakwilimyanga na ankwiludyanga Lilamulo.

I Vakolintu 11:19

mwaa indivaikila vipagwe vipinga pakati penu pakulota vakukubaligwa pakati penu vamanyike.

I Vakolintu 4:13

pavatutambudyanga tunkuvajugwangila kwaamani. Tuukilé ndava dinywashwa dyashilambo, pakati pavinu uti wetu ni túmamadidye mpaka ambi.

I Patulu 2:19

Mwaa ni shinu shakutumbyangilika munu kwamwaa walikulupililo lyake kwa Nnungu, alipililile matuva auvauvanga pashikapali.