Vitendo 24:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Kanji Paulu avalanganga ing'ano yaishaliya, yakulishunga, yaukumu ulóta kutandeka, Pilishi andíjopa namene na andímwaulila Paulu aashidoni, “Ambi unkuulula kuka! Mushu mo pangulota kuva na litala ndakushema,”

Vitendo 24:25 ပူးပေါင်းရင်းမြစ်များ

Mateu 22:5

Vanavo mene kutanana kutwa myanda kuka, jumo kundila kwake, junji kumipango vyake.

Nshuwau 16:8

Palota kwida po, nae jo andaundukula shilambo kwamwaa wamadambi, ishaliya na ukumu;

Vitendo 10:42

Nae wetu anditutuma tuvalangange ntenga kwavenentete na tumye ushuda kenga nae Nnungu andimupa madalaka akuva nkúukumu wavangumi na vapadíle.

Vitendo 17:13

Kanji vayuda va ku Teshalonika vakamanye kenga Paulu ankuvalanganga lilove lya Nnungu pa Beleya momo, vandyúka koko ndavakang'ela venentete na kutaa upuju.

Vitendo 17:2

Napanelo mudishumana nnatu mumaduva akupumula, Paulu kenga lidyavalelo lyake andyúka kushitala shakulipudidya ndataukananganavo vayuda atunduvangila mu Maandiko

Vitendo 17:32

Napanelo vanavo pavamwigwite Paulu atangola ing'ano yakudyuka kwavakupela, vanji vandímwiludyanga kutwala vanji kushidoni, “Ing'ano ai tundakwigwilila kavili muwakati unji.”

Vitendo 2:37

Bai vanavo vakaigwe malove ala, vindívabuka mitima kutwala kumudya Patulu pamo na vamyombe vanji kushidoni, “Mmanung'unumunu, napanelo wetu po tutandelé mwashi?”

Vitendo 24:15

nguvanavo lilindilililo kwa Nnungu, lyo lyavavenavo vanavo lyakupagwa kudyuka kwavaishaliya na vaungave-ishaliya.

Vitendo 24:26

akuno alindila momo kenga njuluku undapatikananga kumwe Paulu, nadoni nae ngwengwe ashindatenda anshemashema aombanavo mwaa.

Vitendo 26:28

Agilipa kutwala kushidoni, “Da wako muwakati wo padyoko au ulota ungushombe nguve ninklistu!”

Vitendo 9:6

Napavedoni takatuka winjile nkaja mo! Mo nkaja mo, vandakwaulila shilotéka utende.”

Valoma 12:1

Napavedoni mmanung'unumunu, ninkunnaililila kwashididi shake Nnungu lyumye mili vyenu kumwe Nnungu kenga shadaka shingumi, shakwilimyanga na shinnagwéla Nnungu; aku ni kulipudya kwenu kwaimumu.

Valoma 14:12

Nadoni kula munu pakati petu andaitikanga jo mwene kumwe Nnungu.

Valoma 2:16

muliduva lyaukumu Nnungu vipii vyavanu kwaindila imwe Klistu Yesu kwodananavo ntenga wambone wangu.

I Vakolintu 4:5

Nadoni hamunaukumu wakati ukanava, do Umu akanava kwida. Nae andavika palangele vilipiídye mushii na kulyumilidya ngala makumbukililo ammitima. Bai apo kula munu andapata lutumbyango lwake kwa Nnungu.

II Vakolintu 5:10

Mwaa wetu uti indituvaikila twimile palibengi lyaukumu lyake Klistu pakulota kula munu apate kulingana na shimadengo ashilá shatandile mumili, kwali shambone kwali shakunyata.

II Vakolintu 6:2

Mwaa nae atédoni, “Nangu ndikwigwa muwakati uvaikidíle, ndikupwashela muliduva lyakwambola.” Mwenu, au ni wakati uvaikidíle. Mwenu, ali ni liduva lyakwambola.

Vagalata 3:22

Kanji Maandiko alo anditadya vinu uti vitawaligwe na lidambi pakulota kulivikila kwalakéla kwaindila yalikulupililo kumwe Klistu Yesu kukapatikanange na avalá vakulupíla.

Vagalata 5:23

kulishapeya, kulishunga gwegwe umwene. Pakati pavinu avi, halipali lilamulo.

II Timoti 4:1

Ninkumya ushuda pamevo pake Nnungu na pamevo pake Klistu Yesu aijá álota kuvaukumu vangumi na vapadíle, ngulaililila kwakuumilila kwake na utawala wake,

Titu 1:8

Kanji nae ave munu wakukalibisha, wakunagwaledya wambone, wading'ano, waishaliya, wakwilimyanga na wakulilaledya

Vabalaniya 12:21

Shitendo ashi shindyáneka kuva shakujowa ata mpaka Musha atédoni, “Ninkujopa na ninkutatamela.”

Vabalaniya 3:13

Leka apo, ing'ana ntima shii kula wakati ushamégwa “Liduva lyanelo” kwambangidya hanapagwe pakati penu munu wakunanopa aduwangika mulidambi

Vabalaniya 4:1

Napavedoni pakuva kulivikila aku kwakwinjila mukupumula kwake Nnungu kunkupagwa mpaka ambi, bai indituvaikila tujope kwambangidya hanapagwe ata jumo pakati penu wakwanakananga kukowa mene kuwikila shabaa.

Vabalaniya 6:2

mapundisho aubatisho, akuvavikila vanu makono, akudyuka kwavakupela na aukumu íkamalilika.

Vabalaniya 9:27

Kula munu andipangigwa kupela mwanda umo tu bai kutwala ling'oto lya apo, kupagwa muukumu.

Tiyagu 2:19

Wako unkukulupila kenga ankupagwa Nnungu jumo? Unkutenda shana! Ata vo vandamoni vo, vankukulupila shinu asho na vankutatamela.

I Patulu 3:15

Leka apo, ntumbyange Klistu Umu kenga wakwilimyanga nkati mmitima vyenu. Ava tayali ngwengwe pakulota kunjang'ula aijá álota kunjugwa mwenu amanye mana alilindilililo lipagwíte nkati mwenu.

II Patulu 1:6

mulimanyilo nkati mukulishunga gwegwe umwene, mukulishunga gwegwe umwene nkati mukunanopa, mukunanopa nkati mukunjopa Nnungu,

I Nshuwau 3:10

Amu ni mwavaliladyedya vanavake Nnungu na vanavake Ndamoni: woewoe ákatandedya vyaishaliya hanava shinu wake Nnungu na ata aijá ákannagwaledya nung'unumunu, momo.

I Nshuwau 3:7

Mmanavangu, hamunanneke munu anduwanga; aijá átandedya vyaishaliya ni waishaliya kenga mwavalalele nae waishaliya.