Vitendo 23:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Bai ing'ano ai indítadya vanavo kupwatana kumamodya. Napanelo vamwalimu vanji vadishaliya, vashipinga shamapalishayo vandítakatuka kutwala kutunduvanga kutaukanga vaashidoni, “Wetu munu aju hatunamwona likosha. Da inkuululika imumu kwali njelo kutangola namu nae?”

Vitendo 23:9 ပူးပေါင်းရင်းမြစ်များ

Malukushi 2:16

Napanelo pakati pavamwalimu vadishaliya vamapalishayo, vakamanye doni nae ankulyanavo vakutega pamo na vakukatisha-ukodi, vandívaudya vakwoda vake kushidoni, “Mwaa shani nae alyanavo vakukatisha-ukodi pamo na vakutega?”

Lukashi 23:22

Pilatu kutangola kavili mwanda wantatu kushidoni, “Da munu aju atandilé shakunyata shani? Nangu namwona likosha lyakupalela nae; ndalamulila vanshape viboko ngutwale ninneke.”

Lukashi 23:4

Napanelo Pilatu andívaulila vanang'olo vavakulangalalela-shadaka na venentete uti kushidoni, “Nangu munu aju namwona shinu likosha.”

Lukashi 5:30

Napanelo mapalishayo pamo na vamwalimu vave vadishaliya vashindavatangadikanga vakwoda vake Yesu vaashidoni, “Mwaa shani munkulyanavo vakukatisha-ukodi na vakutega?”

Nshuwau 12:29

Imbumba ye ipagwíte mulyutu alyo ikaigwe lidi alyo, indítangola doni, “Ayo, ing'uva.” Vanji do, “Njelo anditangola namu nae.”

Vitendo 11:17

Napanelo ikava kenga Nnungu andivapa vanavo inudyo yoyo yatupele wetu patunkulupidile Umu Yesu Klistu, kushi nangu nikandyulula kwimidya madengo ake Nnungu?”

Vitendo 22:6

“Napanelo nguka kwanavo, panguwikile pepi na pa Damashiko, muwakati kenga waliduva pamuti doni, kwashingangala kungutang'anedya lilangadyo lyakushenga namene lyakwalakela kuwa

Vitendo 22:7

kutwala nangu kugwa kugwilila pai na kwigwa lidi liishidoni, ‘Saulu, wako Saulu! Mwaa shani unkungupapata?’

Vitendo 23:29

nindyona kenga vashintambulanga vinu vyodana na lilamulo lyave kanji hangugwene likosha lyakuntadya nae apele kwali aungwe.

Vitendo 23:8

mwaa mashadukayo kudyuka kwavakupela, kupagwa kwavanjelo vake Nnungu na kupagwa kwaimumu, havanakulupila shinu kanji mapalishayo uti avyo vankukulupila.

Vitendo 25:25

Kanji nangu apa haningwene likosha lyatandile lyakuntadya apele. Nakavili kwodamwaa nae andijugwa ing'ano yake yuke ikawike kumwe umu nang'olo, nangu ndyamuwa kumpalakedya koko.

Vitendo 26:31

Pavashuma panguguvale, vashindapita vaulanila vaashidoni, “Munu aju hashipali shakunyata shatandile shakuntadya apele kwali aungwe.”

Vitendo 27:23

mwaa shilo sho shanelo ashi aninguumililila njelo wake Nnungu, Nnungu jojo ángutandile nguve wake na wangulipudya nangu kwake

Vitendo 5:39

kanji vikava vya Nnungu hamuvaulula kuvatema na ata inkuululika mwenu kupagwa mukumpinga Nnungu.” Bai vanavo vandyúngila nkono.

Vitendo 9:4

Nae pashinu apo kugwa kugwilila pai na kwigwa lidi líishidoni, “Saulu, wako Saulu! Mwaa shani unkungupapata?”

I Vakolintu 10:22

Da doni po, tulota tuntae liloko Umu? Da wetu tunkuvanavo dimongo kumpunda nae?