Vitendo 23:35 - Ibibiliya mu Shimakonde Imbodi Yaambi na dimbande dya Imbodi Yakala

³⁵ andímwaulila kushidoni, “Myaa vyako ndaudyangidya pavalota kwida vanu vakukashalídye vo.” Bai nae andílamulila vantwale Paulu akapagwe mmakono mwaishilikali kwing'ande ye ivéle imwe Elode.

Vitendo 23:35 ပူးပေါင်းရင်းမြစ်များ

Mateu 2:1

Napanelo Yesu pavalakwadidye mulikaja lya Beteleemu kulijimbo lya Yudeya muwakati washilangalela Umu Elode, vandíwika pa Yelusalemu vakumanya-dinondo vakwalakela kwalyaloka liduva

Mateu 2:16

Napanelo Elode pamanyite doni vakumanya-dinondo vaninduwanga, nae andíshimwa namene akalamulila vavabyange vana valume uti va pa Beteleemu pamo na vammakaja anyenjemwake, vana avo vavyaka vivili kwida mwina kwodana na wakati wapatilile dyabali na vakumanya-dinondo.

Mateu 2:3

Bai Umu Elode pamo na vanu uti váshinama pa Yelusalemu pavaigwite malove alo, vandyángaikanga.

Mateu 27:27

Vaing'ondo vake nang'olo walijimbo vakantwala Yesu kumuukanavo kwing'ande yanang'olo wave kushema shipinga uti shavaing'ondo kuntang'anedya.

Nshuwau 18:28

Kavili vayuda vandímumya Yesu paing'ande imwe Kaipashi kumuukanavo kumwe gavana. Wakati wene wo uvele lyamba linyeiku, napane vanavo pavakalota kulitaa udagwa, havainjidíle nng'ande vajopa pakulota vaulule kulya Pasaka.

Vitendo 23:30

Napanelo pavaukile nangumanyiya kenga vayuda vandipanga milugu vyakulota kummalidya, ndyamuwa kukupalakadyedya wako munu aju na avalá vavénavo mwaa namu nae ndivaulila vaide vaangangalange namu wako ako.”

Vitendo 24:1

Napanelo ling'oto lyamaduva mwanu nkúlangalalela-shadaka nkumene Ananiya andyúka ku Shashaleya na vanang'olo vanji pamo na nkúshililidya jumo walina Teletulu. Vakawike, vandímuukila nanangalaledi wamajimbo nankashalya Paulu.

Vitendo 24:10

Napanelo nanangalaledi wamajimbo anínnola Paulu pakulota ajang'ule kutwala Paulu kushidoni, “Nangu ndimanya kenga wako ni unang'olo wavakutandwele tangu kala ùve unkúukumu pakati pavenentete ava. Napavedoni ninkuvanavo ntima ngùpagwite pamevo pako apa ngulishililidye panikajugulanga shinu.

Vitendo 24:19

Ni vayuda avo vavaikidíle vaide apa vangukashalye nangu kwako wako ikava kenga vaningwona likosha.

Vitendo 24:22

Bai Pilishi, munu e avénavo limanyilo lyoe lyavinu vyámba Indila, andíimidya mwaa awo aashidoni, “Ing'ano ai ndalalyanga palota kwida Lishiyashi nang'olo nkumene wavaing'ondo.”

Vitendo 24:23

Kutwala apo, Pilishi anínnamulila nang'olo wavaing'ondo anjele Paulu nkalaboshi kanji amupe litala na apate lipwashalelo kwavavagwe.

Vitendo 25:16

“Nangu kuvajang'ula kenga mudishaliya dyashiloma halipali lilamulo lyakunkamudya munu vene vankashalídye munu ajo vakapali mulyutu lyolyo pakulota apate litala lyakujang'ula vyavantambula.