Vitendo 22:3 - Ibibiliya mu Shimakonde Imbodi Yaambi na dimbande dya Imbodi Yakala

³ “Nangu ni muyuda nguvalakwadidye nkaja mu Talashishi ya ku Kilikiya ngukulumukidile nkaja mo mu Yelusalemu amu ngushungigwe mmadodo mwake Gamaliyele ngupundishigwe kwodananavo kushinyigwa kwa Lilamulo lyavanyakala vetu na nguvanavo dukuduku kwa Nnungu kulingana kenga mo mwampagwidya mwenu nelo amu.

Vitendo 22:3 ပူးပေါင်းရင်းမြစ်များ

Lukashi 10:39

Jo Malita aju, andívanavo nung'une wavashinshema Maliya. Nae andíikala pepi na pamadodo amwe Umu amwigwilila shashitangola.

Lukashi 2:46

Napanelo akapite maduva matatu, vanavo vanínkodya àikele mwing'ande ya Nnungu shing'ati vamwalimu avaigwilila vyavashitangola na avaudya vyakuvaudya.

Lukashi 8:35

Vanu kuka ndalola vitandéke avilá; pavawikile pavéle Yesu, vanínkodya munu wamuumile majini aijá àikele pavéle Yesu na ding'ano dyake dìmwikalenge shana na àgwalangidile. Vanavo vakamwone, vandíjopa namene.

Vitendo 11:25

Napanelo Balinaba andyúka ku Talashishi nannambela Saulu.

Vitendo 15:23

kutwala kuvapa vaukenavo ibalugwa yavaandike doni, “Vamyombe pamo na vanang'olo vàvele vanung'unumunu, kwavanung'unumunu avalá vamidi vapágwa disemu uti dya ku Antiyokiya, ku Shiliya na ku Kilikiya, mumpate nandele.

Vitendo 15:41

na ashindapita ku Shiliya namu ku Kilikiya anonowanga maganisha.

Vitendo 21:20

Vanavo vakaigwe vyavavalangangidile, vandímupa lishangelo Nnungu na vandímwaulila Paulu kushidoni, “Nung'unumunu, unkwona makumi manga avayuda vakulupidíle. Vanavo vankuvanavo dukuduku kwa Lilamulo,

Vitendo 21:39

Paulu kutwala kushidoni, “Nangu nimuyuda nguvalakwidyé pa Talashishi likaja lyakwigwinika lya ku Kilikiya. Kanji napane ninkukujugwa ungupe litala lyakutangola na venentete.”

Vitendo 23:34

Bai nanangalaledi wamajimbo akashomye ibalugwa ailá andímudya Paulu lijimbo lyavalakwadidye. Napanelo akamanye kenga Paulu avele wa ku Kilikiya,

Vitendo 23:6

Napanelo Paulu kwodamwaa andímanya kenga panguguvale awo vanji vavele mapalishayo, vanji kuva mashadukayo, andítangola pashanya po aashidoni, “Mmanung'unumunu, nangu ni mpalishayo mwana wamapalishayo. Apa ninkuukumigwa kwamwaa walilindilililo lyakudyuka kwavakupela.”

Vitendo 26:5

Vanavo nangu vaningumanya tangu kala na ata leka vàlotile, vakandyumya ushuda doni kwakwodananavo shipinga shishínya namene mwidini yetu nangu ndinama kenga mpalishayo.

Vitendo 26:9

Ata nangu momo nishindakumbukila kutumila dindila dyoedyoe divaikidíle pakulota ngutimbange ntenga umwe Yesu, munu wa ku Nashaleti.

Vitendo 5:34

Kanji munu jumo mpalishayo wavashinshema Gamaliyele mwalimu wadishaliya na wavashimwishimu namene venentete, andíimila panguguvale kulamulila vavaumidye padyoko panda vamyombe

Vitendo 6:9

Napavedoni vanu vapashitala shakulipudidya shavashishema “Shavanu vamuunaiti” pamo na vaalakadíle ku Shilene, ku Alishandaliya, ku Kilikiya na ku Ashiya vandíbuwa ntau namu Shiteva

Vitendo 9:1

Napanelo Saulu amamodya mitisho yakuvabyaanga vakwoda vake Umu andímuukila nkúlangalalela-shadaka nkumene

Vitendo 9:11

Umu kutwala kushidoni, “Panganika uke na ibalabala yavashema Yakwaloka mpaka paing'ande imwe Yudashi; pauwika, muudyangidye munu jumo walina Saulu wa ku Talashishi; nae ankupagwa mukushwali

Vitendo 9:30

Napanelo vanung'unumunu pavaanaladile nnugu awo vaníntwala kumuukanavo ku Shashaleya, ako kunnumudya kuka kwave ku Talashishi.

Valoma 11:1

Napane ninkudya, da Nnungu jo andivaita venentete vake? Ata padyoko vela! Mwenu, ata nene nimwene ni mwanaishilaeli, wamuudukulu umwe Abulaamu, wamulikola limwe Benjameni.

II Vakolintu 11:22

Da vanavo vo, vabalaniya? Nanangu momo. Vanavo vo, vanaishilaeli? Nanangu momo. Vanavo vo, udukulu umwe Abulaamu? Nanangu momo.

Vagalata 1:14

Nangu mwidini yashiyuda mo, ngushindavapunda vavangu vaulinga wangu nguvikila namene dukuduku dijadi dyavanyakala vetu.

Vagalata 1:21

Badae nindyúka disemu dya ku Shiliya na dya ku Kilikiya.