Vitendo 22:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Napanelo Paulu pavashimunga dimbuu dyamagwogwe, andímudya nang'olo wavaing'ondo miya apagwíte mulyutu alyo kushidoni, “Da mwenu munkuvanavo lusha lwakunshapa mwenentete muloma viboko vakanava kulalyanga shana mwaa wake?”

Vitendo 22:25 ပူးပေါင်းရင်းမြစ်များ

Mateu 10:17

Lilaledye kwavanu. Vanavo vanantwala mwenu kumuukanavo mudikamati na muvitala vyave vyakulipudidya, vananshapa viboko.

Mateu 27:54

Napane nang'olo wavaing'ondo pamo na avalá vavénavo váshinshunga Yesu, pavagwene shilambo shindangenda na vinu vinji víshitandeka, vanavo kujopa kutwala kushidoni, “Munu aju mwiu avele mwanagwe Nnungu.”

Mateu 8:8

Nang'olo wavaing'ondo do, “Nang'olo, nangu hanguvaikidile kungwidila wako kwing'ande kwangu. Wako tangola lilove limo tu, ntumika wangu andapona.

Vitendo 10:1

Napanelo pa Shashaleya andípagwa munu jumo walina Koluneli, nang'olo wavaing'ondo miya vamushipinga shavashishema shavaitaliya.

Vitendo 16:37

Kanji Paulu andívajang'ula vanavo kushidoni, “Aba! Vatushapilé paumbala na kutugang'aledya nkalaboshi pavakalalyanga shana mwaa wene na wewe tùvele tuvaloma! Napanelo valota vatuungule shipiipii? I mwanavo! Indivaikila vaide vo vene, vatuungule.”

Vitendo 22:26

Nang'olo wavaing'ondo paigwite malove ala, andyúka ndamudya nang'olo wake kushidoni, “Nang'olo, ulota kutenda nyamani? Munu jojo aju ni mwenentete muloma.”

Vitendo 23:17

Paulu kutwala kunshema nang'olo jumo wavaing'ondo miya kumwaulila doni, “Ntwale nnemba aju umuukenavo kwanang'olo nkumene wavaing'ondo mwaa ankuvanavo ntenga wakummanyiya.”

Vitendo 23:27

Ninkukumanyiya doni, vayuda vanínkamula munu aju na vashilota kummyaa. Kanji nangu vakangumanyiye kenga munu jojo muloma, nindyúka koko na vaing'ondo vangu namposha.

Vitendo 25:16

“Nangu kuvajang'ula kenga mudishaliya dyashiloma halipali lilamulo lyakunkamudya munu vene vankashalídye munu ajo vakapali mulyutu lyolyo pakulota apate litala lyakujang'ula vyavantambula.

Vitendo 27:1

Napanelo pavaukile ndaamuwa wetu twinjile mwingalava tuke ku Italiya, vanavo vaníntwala Paulu pamo na vakungwa vanji kunkamudya kumakono kwanang'olo wavaing'ondo miya walina Shulyu wamushipinga shavaitaliyani shimwe umu nang'olo.

Vitendo 27:3

Palyamba lyake tuvanu kuwika panshiko wa ku Shidoni. Napanelo Shulyu pakuva ashinantanana Paulu, andímupa litala lyakuka ndavalola vabwadivake va pa Shidoni na vanshunge.

Vitendo 27:43

Kanji nang'olo wavaing'ondo kwodamwaa ashilota amwambole Paulu mushijoidyo asho, andívaleya shitendo asho. Nadoni andívalamulila vanu váshimanya kwagwalela valishushe vainjile mmedi pakulota vaagwele vauke kumwangu